Luka 2:25 - KITABU KITAKATIFU

²⁵ Henza, ya li ho mu Yerusalemi mundu, wa langwa lieta lilye Simeoni; mundu uyu ya li mulungi wa tia Nyasaye, wa linda lihodzeridzwa lya Israeli: kandi Roho Mutakatifu ya li kuye.

Luka 2:25 ပူးပေါင်းရင်းမြစ်များ

Litanga 6:9

Yivi ni visukululwi vya Nuhu. Nuhu ya li mundu mulungi, nomudukiru mu likula lilye: Nuhu ya genda halala na Nyasaye.

Ayubu 1:1

Ya li ho mundu mu kivala kya Uzu, wa langwa Ayubu; mundu uyu ya li mudukiru nomulungi, ya li mulala wa tia Nyasaye, nokwavukana nobudamano.

Ayubu 1:8

Na Yahova ya teva Setani, Wa li ku lola mutu mekiri wange Ayubu? Kigira si ha li nomulala u veye kuli uyu mu lirova lyosi, mundu musuuvirifu nomulungi, mulala u tidzanga Nyasaye, nokwavukana nobudamano.

Isaya 25:9

Mu lidiku yilyo ga la volwa Henza, Uyu ni Nyasaye wetu; ku mu lindiriye, naye a la ku honnya: uyu ni Yahova; ku mu lindiriye, ku la lola bulahi nokusangalira ubuhonnyi bwibwe.

Isaya 40:1

Mu leminye myoyo, mu leminye myoyo gyavandu vange, Nyasaye wenyu a vola.

Mika 6:8

Uyu u vuuliranga ive, O mundu, aga veye malahi; na Yahova yenyanga kindu ki ku ive, ni ga ta li likola ubulungi, nokuyanza tsimbabasi, nokugenda nobuhooma halala na Nyasaye wowo?

Livalidza 11:25

Na Yahova yika mu lilesi, na a mu volera, na a vugula ku Roho wa li ku Musa, na a mu vika ku avakulundu makumi gatano na gaviri: na ga duka, lwa Roho yika kuvo, va profeta, navutswa si va kola ndiyo kandi.

Livalidza 11:29

Na Musa ya mu volera, U veye nelikendeka kigira inze? Nkano avandu vosi va Yahova va veye avaprofeti, nkano a vike Roho wewe kuvo

Marko 15:43

Yosefa wa Arimathia, mukulundu mugoosi, kandi mwene wa henzerera ubwami bwa Nyasaye, yadza, ni yingira nobuluviriri wa Pilatu, na a saava umubiri gwa Yesu.

Luka 1:41

Elisabeti lwa ya hulira lichelidza lya Maria, mwana ya kina munda mwimwe Elisabeti yizula Roho Mutakatifu,

Luka 1:6

Navo vombi va li ava lungi imbiri wa Nyasaye, ni va gendera mu makuva gosi nomu malago go Mwami bugira kindu kuvo.

Luka 1:67

Zekaria ise wewe, yizula Roho Mutakatifu, na a profeta, na a vola,

Luka 2:38

Uyu yingira isaa yeyo ni yidzominya Nyasaye, na a volera go mwana ku vosi ava linda ubu honnyi bwe Yerusalemi.

Luka 23:51

(si ya bugirira amakuva gavo nemivinzi gyavo), mundu wa Arimatia, lidala lya Vayuda, wa lindirira ubwami bwa Nyasaye.

Vikolwa 10:2

ya li mulahi wa tia Nyasaye, halala navenyumba yeye vosi, na a ha avandu tsisadaka tsinyingi, na a saala Nyasaye madiku gosi.

Vikolwa 10:22

Ni va vola, Kornilyo, munyampara, mundu mulungi, wa tia Nyasaye, kandi u veye nelidzominywa ku ihiri yosi ya Vayuda, wa Nyasaye ya mannya nengelosi mutakatifu a tume kulanga ive u tsie mu inyumba yeye, a duke kuhulira amakuva ku ive.

Vikolwa 2:5

Ha li ho Vayuda ava tia Nyasaye, va menya mu Yerusalemi, va twula mu tsihiri tsyosi isi weligulu.

Vikolwa 24:16

Ku yaga nzidinyiridza kazozo nduke kuva nomwoyo gu ta li nekindu kidamano imbiri wa Nyasaye kandi imbiri wavandu.

Kwidzulitsa 18:15

Yahova Nyasaye wowo a la ku singeridzira mprofeti hagati hoho, ku vamwavo vovo, u veye kuli inze; mu hulire uyu;

2 Petro 1:21

Kigira ubuprofeti si bwa dukira ku bulaliri bwomundu: navutswa vandu va twula ku Nyasaye va vola aga Roho Mutakatifu ya va tsuviridza.