Luka 2:10 - KITABU KITAKATIFU

¹⁰ Ingelosi ya va volera, Mu ta tia; kigira henza, mmu letera amakuva malahi gobuyanzi bunene ga la va ku vandu vosi:

Luka 2:10 ပူးပေါင်းရင်းမြစ်များ

Litanga 12:3

kandi nda gasidza yavo ava gasidza ive, na nda laama yavo ava laama ive: na aviko vosi velirova va la gasidzirwa mu ive.

Isaya 40:9

O ive wilwadziranga Zioni makuva malahi, yanegira mkigulu kitambi: O ive wilwadziranga Yerusalemi makuva malahi, u ginge mwoyo gugwo netsingulu; u gu ginge u ta tia mba; u volere madala ga Yuda Henza Nyasaye wenyu.

Isaya 41:27

Inze mbeye woku tanga kuvolera Zioni, Henza, henza yavo; na nda haana ku Yerusalemi mulala u letanga makuva malahi.

Isaya 49:6

yee, a vola, I veye inkuva inyangu ku ive u duke kuva mutumekiri wange kuvukidza tsihiri tsya Yakobo, nokwirannya avalindwa va Israeli: nda haana ive u ve ubulavu bwetsihiri, u duke kuva ubuhonnyi bwange kuduka ku tsindulu tsyelirova.

Isaya 52:10

Yahova u vimbuye mukono gwigwe mutakatifu imbiri wetsimoni tsyetsihiri tsyosi; na tsindulu tsyosi tsyelirova tsi la lola ubuhonnyi bwa Nyasaye wetu.

Isaya 52:7

Vya li vilahi ki mu vigulu, virenge vya uyu u letanga makuva malahi, u landidzanga makuva gemirembe, u letanga makuva malahi gevindu vilahi, u landidzanga makuva gobuhonywi; u voleranga Zioni, Nyasaye wowo wamehanga

Isaya 61:1

Roho wo Mwami Nyasaye a veye ku inze; kigira Yahova u mbaki maguta nduke kwilwadzira avahokya makuva malahi; ya nduma kwahira avavunika mmyoyo, kulandidzira avahambe libohololwa lyavo, nokwigulirwa mu buhambe yavo avabofwa;

Danyeli 10:19

Na ya vola, O mundu u yanzeywi ligali, u ta tia mba: mirembe gyi ve ku ive, u ve netsingulu, yee, u ve netsingulu. Na lwa ya mbolera, nda nyola tsingulu, ni mbola, Mwami wange a vole; kigira u mpeye tsingulu.

Zekaria 9:9

U sangale ligali, O mukana wa Zioni; u kupe isango, O mukana wa Yerusalemi: henza, Mwami wowo yadza ku ive; wobulungi, a veye nobuhonnyi; muhooma, na a nina ku isukiri, m)ku kimoli mwana wesukiri

Matayo 14:27

Nonoho Yesu ya va volera, na a vola, Mweleminye mu myoyo; ninze; mu ta tia mba.

Matayo 28:18

Yesu yadza na a volerana navo, na a vola, Mbebeywi tsingulu tsyosi mu ligulu nomu lirova.

Matayo 28:5

Ingelosi ya tivula na a volera avakali, Mu ta tia mba, mwinye; kigira mmanya mwenya Yesu wa bambwa.

Marko 1:15

na a vola, Inyinga i duki, nobwami bwa Nyasaye bu veye himbi: mweganire, mu suuvire ivangeli.

Marko 16:15

Ya va volera Gendi mu tsie mu lirova lyosi mwilwadze ivangeli ku vandu vosi.

Luka 1:13

Navutswa ingelosi ya mu volera, U ta tia, Zekaria: kigira lisaala lilyo li huleywi, kandi mukali wowo Elisabeti a la kwivulira mwana muyai, lieta lilye, u la mu gulika Yohana.

Luka 1:19

Ingelosi ya tivula na a mu volera, Inze mbeye Gabirieli u singiranga imbiri wa Nyasaye; ntumeywi kuvolerana nive nokukuletera amakuva malahi yaga.

Luka 1:30

Kandi ingelosi ya mu volera, U ta tia, Maria kigira Nyasaye u ku vereye tsimba basi.

Luka 2:11

kigira lero Muho nnyi wenyu naye a veye Kristo Mwami, wivuleywi mu lidala lya Daudi.

Luka 24:47

kandi lilwadzwa mu tsihiri tsyosi, lyeganira nelisameha lyobwoni ku lieta lilye, kutanga mu Yerusalemi.

Luka 8:1

Inyima wa yaga hakekeke, ya gendagenda rmu madala nomu tudala, ni yilwadza na a leta amakuva malahi gobwami bwa Nyasaye, kandi ava li likumi na vaviri va li halala naye,

Vikolwa 13:32

Kandi kwinye ku letera mwinye amakuva malahi, agelisuuviridza lya vaguga va hebwa,

Varumi 10:15

Kandi va lilwadza ndi bugira kutumwa? Kuli wa ga ng'odwa, Avya li vilahi ki ivirenge vya yavo ava leta amakuva gevindu vilahil.

Vafeso 3:8

Inze, u veye mukekeke ku mutakatifu u veye mukekeke ku vosi, nda hebwa tsimbabasi yitsi nzilwadzire Avetsihiri ubunyingi bwobutugi bwa Kristo obu ta manyekana bwosi;

Vakolosai 1:23

ni mu va ni mu menya mu lisuuvira, nokuvikwa muse kuli vikongo, nokuva nobwidinyiridzi, kandi mu ta girunkanywa mu myoyo kuleka lisuuviridzwa lyevangeli lya mwa hulira, yilwadzwa mu vilombe vyosi vi veye musi mweligulu; ya inze Paulo nda kolwa mutumwa.