Luka 19:47 - KITABU KITAKATIFU

⁴⁷ Kandi ya li ni yegidza kazozo mu litempeli. Navutswa avasalisi vanene navang'odi navanene vavandu venya kumwiita:

Luka 19:47 ပူးပေါင်းရင်းမြစ်များ

Matayo 21:23

Lwa ya mala kuduka mu litempeli, avasalisi vanene navakulundu vavandu vadza kuye lwa yegidzanga, ni va vola, Ive u kola vindu yivi netsingulu ki? Kandi ibwaha wa ku ha tsingulu yitsi?

Matayo 26:55

Inyinga zana Yesu ya volera viduma, Mu ntwuliye kungumira nevivavi netsi mpimbo kuli mu londanga munuli? Madiku gosi ndikala mu litempeli ni nzegidza, na si mwa ngumira mba.

Marko 11:18

Avasalisi vanene nava ng'odi va ga hulira, ni venya ku mwiita: kigira va mu tia, kigira avandu vosi va genya megidzo gege.

Marko 12:12

Ni venya kumugumira; navutswa va tia kiduma; kigira va manya ya vola lugano yilu kuvo: ku, va mu leka ni va tsia.

Marko 14:1

Inyima ya madiku gaviri lipasaka nobukima bu ta li namamera bwa duka. Avasalisi vanene navang'odi venya inzira yokumugumira nobugeeri, va mwiite:

Marko 14:49

Madiku gosi nda li namwinye halala mu litempeli nzegidzanga, si mwa ngumira mba: navutswa ga koleywi ndi mang'oda ga dukidzwe.

Luka 19:48

navutswa si va nyala kulola ga va nyala kukola; kigira avandu vosi va dinya kuye ni vihuliridza.

Luka 20:19

Kandi avang'odi navasalisi vanene venya kumugumira isaa zana; navutswa va tia avandu: kigira va manya ya kupa lugano yilu kuvo.

Yohana 10:39

Kunangwa venya kandi kumugumira: navutswa ya twula mu makono gavo.

Yohana 18:20

Yesu ya mu tivulira, Inze mmali kuvolera avomkivala amakuva gange habulavu; inze madiku gosi nzegidza mu masomero nomu litempeli, ha Vayuda vosi va vugana; si nda vola kindu makiriri.

Yohana 7:19

Si ya li Musa wa mu ha lilaga? Navutswa si ha veye nomulala ku mwinye u kola lilaga. Kigira ki mwinye mwenya kunziita?

Yohana 7:44

Avalala venya kumugumira; navutswa si ha veye nomundu wa hila kuye makono.