Luka 19:17 - KITABU KITAKATIFU

¹⁷ Ya mu volera, U koli bulahi, ive mutugwa mulahi: kigira wa li nelisuuvirwa ku kakuzuzu ligali, u ve netsingulu ku madala likumi.

Luka 19:17 ပူးပေါင်းရင်းမြစ်များ

Litanga 39:4

Na Yosefa ya nyola tsimbabasi imbiri wewe, na ya mu tumekira: kandi ya mu kola a ve mulindi wenyumba yeye noku vyosi vya ya li navyo ya vika mu mukono gwigwe.

Tsing'ano 27:18

Ku vosi uyu u lindanga mukuyu a la lia makuyu gagwo; Na uyu u lindanga munene wewe a lidzominywa.

Matayo 25:21

Mwami wewe ya mu volera, U koli bulahi, mutugwa mulahi nomsuu viridzi: wa linda bulahi vindu vikekeke, nda ku vika ku vindu vinyingi; wingire mu buyanzi bwomwami wowo.

Luka 16:10

U veye nelisuuvirwa ku vikekeke ligali, kandi a veye nelisuuvirwa ku vinene: kandi u veye muganga ku vikekeke a veye muganga ku vinene.

Luka 19:16

Wambiri yadza imbiri wewe, na a vola, Mwami, iratili yoyo i nyoye tsiratili likumi tsindi.

Luka 19:18

Wakaviri yadza, na a vola, Mwami, iratili yoyo i nyoye tsiratili tsitanu.

Luka 22:30

mu duke kulia nokunwa ku imeza yange mu bwami bwange; kandi mu likala ku visako vyobwami mu kalagira tsihiri likumi na tsiviri tsya Israeli.

Varumi 2:29

navutswa uyu a veye Muyuda u veye Muvuda mugati; nelikevwa ni yili lyomwoyo, mu roho si li veye mu induguta; lidzominywa lilye si li veye lyavandu, navutswa lya Nyasaye.

1 Vakorintho 4:5

Kunangwa mu ta kalaga likuva inyinga i kikiri kuduka, Mwami a luhe a duke, u li lang'aminya vindu vya viswa vyekisundi kandi a la lang'aminya lisaavira lyomu myoyo; kunangwa mundu sa mulala a la va nelidzominya lilye li twula ku Nyasaye.

2 Timoteo 2:10

Kigira yaga nzikudziranga ku vyosi kigira avatovole, navo kandi va duke kunyola ubuhonnyi bu veye mu Kristo Yesu halala nobukumi bu ta hera mba.

1 Petro 1:7

ligeridzwa lyelisuuvira lyenyu li veye lilahi kuvita ithahabu i gotanga, kali ni i geridzwa nomuliru, li lolwe kuduka ku lidzominya noku bukumi noku lidzominywa mu lilang'aminywa lya Yesu Kristo.

1 Petro 5:4

Kandi Mwayi munene lwa a lang'aminywa, mu la vugula itaji yobukumi i ta kamuluka.

1 Samweli 2:30

Kunangwa Yahova, Nyasaye wa Israeli, a vola, Inze nda vola, Ligali inyumba yoyo, nenyumba yadada wowo, i la genda imbiri wange kazozo: navuts va kalunu Yahova a vola, Inkuva yiyi i veve ihale ku inze; kigira yavo vidzominya inze nda vidzominya, na yavo va lega inze va la v olerwa, si vn veye kindu.