Luka 19:12 - KITABU KITAKATIFU

¹² Kunangwa ya vola, Mundu munene mulala ya tsia mu kivala ihale kwenyolera ubwami nokwirana.

Luka 19:12 ပူးပေါင်းရင်းမြစ်များ

Matayo 21:38

Navutswa avalimi lwa va lola mwana wewe va volerana, Uyu nu mhili womwandu, hambi, ku mwiite, ku hile vindu vivye.

Matayo 28:18

Yesu yadza na a volerana navo, na a vola, Mbebeywi tsingulu tsyosi mu ligulu nomu lirova.

Marko 12:1

Ya tanga kuvavolera amakuva mu tsing'ano. Mundu ya simika mizabibu, na a lomba lwebo, na a yava lina lyokukamira mu mazabibu, ni yombaka kitaradza, na a ha avalimi va mu limire, na a tsia mu kivala kindi.

Marko 16:19

Ni ndiyo Mwami Yesu, lwa ya mala kuvolerana navo, yingiridzwa migulu ni yikala ha mukono mulungi gwa Nyasaye.

Luka 20:9

Kandi ya tanga kuvolera avandu, na a kupa lugano yilu: Mundu ya simika kizabibu, na a ha ava mu limira, na a tsia mu kivala kindi tsinyinga tsinyingi.

Luka 24:51

Lwa ya li na a va gasidza yahuka kuvo, na a hilwa migulu.

Yohana 18:37

Kunangwa Pilatu ya mu volera, Nkani u veye mwami? Yesu ya tivula, Ive mwene u voye mbeye mwami. Yiki ni kigira ndivulwa, kandi yiki ni kigira nda duka mu lirova, nduke kulolekidza ageligali. Ku vosi u veye ku luvega lwa geligali a hulira mwoyo gwange.

Vikolwa 17:31

kigira u mali kulaga lidiku lyokukalagira avomkivala nobulungi, ku mundu wa ya tovola; naye ya ha vandu vosi kisuuviri kulyo kigira u mali kumusimugukidza mu vakudzi.

1 Vakorintho 15:25

Kigira ga mu dukira yamehe a luhe a duke kuvika avasigu veve vosi isi wetsinduvatiru tsitsye.

Vahebraina 9:28

kandi ndiyo Kristo u mali kuhaanwa inyinga indala a duke kuhila ubwoni bwavandu vanyingi, inyinga ya kaviri a la loleka ku yavo ava mu lindirira nobwizamiri, kuduka ku buhonnyi, ni yelehi ubwoni.

1 Petro 3:22

u veye ha mukono mulungi gwa Nyasaye, kigira u viti kutsia kuduka migulu; vi mali kukolwa vikekeke kuye, tsingelosi, navobunene, navetsingulu.

Likunula 1:7

Henza, yadza mu malesi; kandi tsimoni tsyosi tsi la mu lola, kandi ava mu tumita; kandi tsihiri tsyosi tsyelirova tsi la lira kuye. Yee, Amini.