Luka 18:14 - KITABU KITAKATIFU

¹⁴ Mmu volera, Mundu uyu ya sulunguta kutsia hango hehe, na a hebeywi ubulungi kuvita wundi: kigira ku vosi wenenehidza a la gehidzwa; navutswa wegehidza a la nenehidzwa.

Luka 18:14 ပူးပေါင်းရင်းမြစ်များ

Ayubu 22:29

Lwa va ku tsoma hasi, u la vola Lisingeridzwa li veye ho kandi, Na mwegehidzi a la mu honnya.

Ayubu 25:4

Mundu a nyala ndi kuvolwa kuva mulungi imbiri wa Nyasaye? Kinga a nyala ndi kuva munifu womukali yivula?

Ayubu 9:20

Kali ni mbeye mulungi, munwa gwange mwene gu la kalaga lihyolo ku inze: Kali ni mbeye mudukiru, munlla guange gu la lolekidza ku inze bukyamu.

Zaburi 138:6

Kigira kali Yahova a veye igulu, navutswa a henza avegehidzi; Navutswa a manyiranga ihale avenenehidzanga.

Zaburi 143:2

U tingira mu lilkalagira mutumekiri wowo Kigira imbiri wowo si ha veye nomundu ku vosi va veye mwoyo, u va mulungi mwene mmoni mumwo.

Kutwula 18:11

Kalunu mmanya Yahova a veye munene kuvita avanyasaye vosi; yee, mu inkuva ya va kola noluyai kuvo.

Tsing'ano 15:33

Litia Yahova li veye lyegidzwa lyobugeeri; Kandi lyegehidza limirira lidzo minywa.

Tsing'ano 18:12

Mwoyo gwomundu gu veye nobwigingiri imbiri wobwoneku; Na lyegehidza limiriranga lidzommywa.

Tsing'ano 25:7

Kigira livolerwa, Hamba ino imbiri, bu veye bulahi ku ive, Kuvita ligehidzwa imbiri womunene, Wetsimoni tsitsyo tsi mali kulola.

Tsing'ano 29:23

Uluyai lwomundu lu la mwikidza hasi; Navutswa uyu u veye nomwoyo gwokwegehidza, a lidzominywa.

Tsing'ano 3:34

Ligali a la lega avalegi; Navutswa a hedzanga avegehidzi ubulahi.

Kohelethu 9:7

Tsia ku inzira yoyo, lia vyokulia vivyo nobuyanzi, kandi u nwe iwaini yoyo nomwoyo gwobusangali; kigira Nyasaye u mali kubugirira miyinzi gyigyo.

Isaya 45:25

Mu Yahova visukululwi vyosi vya Israeli va la hebwa ubulungi, na va la mkuminya.

Isaya 53:11

A la lola ubululu bwelilumwa lyomwoyo gwigwe, na a la yanzidzwa: kigira lyemanya mwene mutumekiri mulungi wange, a la ha vanyingi ubulungi; naye a la ginga ubudamano bwavo.

Isaya 57:15

Kigira Mulala u veye igulu ligali wa nenehidzwa u menya nga mu mihiga nemihiga, welieta lilye li veye Litakatifu, a vola: Inze menya hadiguluku na hatakatifu, halala na uyu u veye na roho gwokweganira nokwegehidza, nduke kusimugukidza roho gwa vegehidzi, nokusimugukidza myoyo gya yavo aveganiranga.

Isaya 66:2

Kigira makono gange ga lombi vindu yivi vyosi, ni ndiyo vya li ho vindu yivi vyosi. Yahova a vola: navutswa nda henza ku mundu uyu, yee, uyu u veye mudaka na womwoyo gwelyeganira, welidegera kigira likuva lyange.

Danyeli 4:37

Kalunu inze, Nebukadinezaru, nzidzominya nokunenehidza nokukuminya Mwami womigulu; kigira miyinzi gyigye gyosi gyi veye gyeligali, na tsinzira tsitsye tsi veye tsinungi; na yavo ava genda nga mu bwigingiri a nyala kuvagehidza.

Habakuk 2:4

Henza, mwoyo gwigwe gu vimbi, si gu veye mulungi muye mba; navutswa wobulungi a la va mwoyo ku lisuuvira lilye.

Matayo 23:12

Uyu wenenehidza a la gehidzwa; naye wegehidza a la nenehidzwa.

Matayo 5:3

Va veye nobugasu ava li nobudaka mmwoyo: kigira ubwami bwomigulu nu bwavo.

Luka 1:52

Waguluye avagali ku tsintebe tsyavo, Kandi u nenehidzi avakekeke.

Luka 10:29

Navutswa uyu yenya kweha ubulungi ya volera Yesu, Kandi mutende wange ni bwaha?

Luka 14:11

Kigira ku vosi weginga a la gehidzwa; nowegehidza mwene a la nenehidzwa.

Luka 16:15

Naye ya va volera, Mwinye mu veye avehedza ubulungi imbiri wavandu; navutswa Nyasaye a manya myoyo gyenyu: kigira kya vandu vidzominya ki veye kidamano ligali imbiri wa Nyasaye.

Varumi 3:20

kigira imbiri wewe si ha veye nowomubiri u li volwa a veye nobulungi ku miyinzi gyelilaga; kigira limanya lyobwoni lidzira mu lilaga.

Varumi 4:5

Navutswa uyu u ta yinzira, navutswa a suuviranga ku uyu u hedzanga avekirage ubulungi, lisuuvira lilye li validzwa li yeye buhlngi.

Varumi 5:1

Kunangwa ku mali kulungekidzwa kigira lisuuvira, ku veye nemirembe na Nyasaye kigira Mwami wetu Yesu Kristo.

Varumi 8:33

Ibwaha a la yala avatovole va Nyasaye? Ni Nyasaye u mali kuvaha ubulungi;

Vagalatia 2:16

ni ku ma nya mundu si a volangwa kuva mulungi ku vikolwa vyelilaga, navutswa ku lisuuvira ku Yesu Kristo kali kwinye kwa suuvira Kristo Yesu ku duke kuvola kuva avalungi ku lisuuvira Kristo, si ga li vikolwa vyelilaga: kigira si ha veye nowomubiri u li volwa kuva mulungi ku vikolwa vyelilaga.

Yakobo 4:10

Mwegehidze mwinye avene imbiri wo Mwami, naye a la mu nenehidza.

Yakobo 4:6

Navutswa a ku ha tsimbabasi kuvita. Kigira yaga mang'oda ga vola, Nyasaye a hingira avigingiri, navutswa a hedzanga avegehidzi tsimbabasi.

1 Samweli 1:18

Naye ya vola, Inze mutugwa wowo nnyole tsimbabasi mu tsimoni tsitsyo. Kunangwa mukali uyu ya tsia, na a lia vyokulia; mumoni mwimwe mwa vula kuva nobuvereri kandi.