Luka 18:12 - KITABU KITAKATIFU

¹² Ku lisidza lilala mbonga lilia kaviri; kandi ntwulidza amazaka ku vyosi vya nyola.

Luka 18:12 ပူးပေါင်းရင်းမြစ်များ

2 Avami 10:16

Ya mu volera, Hamba halala ninze, u lole liguluha lyange lya mbeye nalyo kigira Yahova. Ma va mu ha kunina mu ligari lilye

Isaya 1:15

Lwa mu nyira makono genyu, nda visa tsimoni tsyange mbule kumulola; yee, lwa mu saala lisaala linyingi, si nda li hulira mba; makono genyu gizuye masahi.

Malaki 3:8

Mundu a liba vya Nyasaye? Navutswa mwinye mwibanga vindu vyange. Navutswa mu vola, Kwibanga ndi vindu vivyo? Ga veye ku zaka na tsisadaka.

Livalidza 18:24

Kigira izaka ya avana va Israeli, ya va haananga kudigululwa ku Yahova, inze mmali kuha Avalevi kuva miyandu gyavo: kigira yaga mmali kuvavolera, Si va la va nemiyandu mu avana va Israeli.

Livalidza 23:4

Na Nyasaye ya vugana na Balaam: naye ya mu volera, Nombi ubwali butano na buviri, na mbaani kihaanwa kyegiriki na kyeligondi likole ku bwali sa bulala.

Matayo 5:20

Kigira mmu volera, bulungi bwenyu ni bu vula kuvita ubulungi bwavang'odi nobwa Vafarisayo, si mu li nyala ligali kwingira mbwami bwomigulu.

Matayo 6:1

Henze bulahi, mu ta kola bulungi bwenyu imbiri wa vandu, va mu lole: kigira ni mu kola ndiyo, si mu nyala kunyola madanyi ku Dada wenyu u veye migulu.

Matayo 6:16

Kandi lwa mu honga lilia, mu ta va kuli avagadi, va veye netsimoni tsyokuverera: kigira va kunnya mtsimoni tsyavo, va loleka ku vandu va honga lilia. Ligali mmu volera, Va mali kunyola madanyi gavo.

Matayo 6:5

Kandi lwa mu saala, mu ta va kuli avagadi: kigira va yanza kusingira nokusaala mmasomero na mbwavakaniru bwetsinzira, avandu va va lole. Ligali mmu volera, Va mali kunyola madanyi gavo.

Matayo 9:14

Hene yaho avegidzwi va Yohana vadza kuye ni va vola, Kigira ki kwinye na Vafarisayo ku honga lilia kanyingi, navutswa avegidzwi vovo si va honga lilia?

Luka 11:42

Mwinye Avafarisayo, O bayaye bu veye ku mwinye kigira mu tunga lizaka lyenaana nesadhabu? Netsingutsa tsyosi, na mu leka amakuva gobulungi nagobuyanzi bwa Nyasaye: navutswa nu bulahi kukola yivi, kandi kuvu la kuleka yivi vindi.

Luka 17:10

Kandi mwinye ndiyo, lwa mu li mala kukola vindu vyosi vya mu volerwa, mu vole, Kwinye ku veye avatugwa ava ta kola vyambeti; kigira ku koli vutswa vya ku dukira kukola.

Varumi 3:27

Kunangwa liidzominya li veye haliha? Li twulidzeywi. Ku lilaga ki? Lyemiyinzi? Auwa: noku lilaga lyelisuuvira.

1 Vakorintho 1:29

ku mibiri gyosi gu ta va ho mulala okwiidzominya imbiri wa Nyasaye.

Vagalatia 1:14

kandi nda sira avandi vanyingi ku ihiri yange avelikula lyange mu idini ya Vayuda, kigira nda li nobugulu kuvita ku miima gyavaguga vange.

Vafeso 2:9

si li veye lyemiyinzi, mundu ku vosi a vule kwiidzominya.

1 Timoteo 4:8

kigira ku lyenalidza ku mubiri li konya hakekeke; navutswa litibwa lya Nyasaye li konyanga ku vindu vyosi, kigira li veye nelisuuviridza lyelivamwoyo lya kalunu, na yili lidzanga.

1 Samweli 15:13

Ma Samweli ya duka ku Saulo: na Saulo ya mu volera, Yahova u gasidze ive: inze mmali kudukidza amalago ga Yahova.