Luka 17:27 - KITABU KITAKATIFU

²⁷ Va lia, ni va nwa, ni va kwa ni va sererwa, kuduka ku lidiku lya Nuhu yingira mu bwato, namadzi manene gadza ni ga va hila vosi.

Luka 17:27 ပူးပေါင်းရင်းမြစ်များ

Litanga 7:23

Na vyosi vya li nelivamwoyo ku lirova vya gotidzwa, avandu, nemitugu, nevimolanga, na manyonyi gombwerefu; vyosi vya gotidzwa ku lirova. Na Nuhu yeng'ine ya tigala, navo va li halala naye mu liatu.

Litanga 7:7

Kunangwa Nuhu yingira mu liatu, na vana veve, na mukali wewe, na avakali va avana veve halala naye, kigira amadzi manene yago.

Isaya 21:4

Mwoyo gwange gu herananga, litihidza li mbiki mu butii: inyinga ya bwiranga ya nyenyanga i girunkanyeywi kuva lidegera ku inze.

Isaya 47:11

Kigira yaga ubudamano bu ladza ku ive; na ive si u la manya livuka lyabwo: na likuva lyekivi li la ku gwira; si u la nyala kwehonnya kulyo: nobudivi bu la ku nyola nonoho, bwa u ta manya.

Matayo 22:30

Kigira mu lisimuguka si va kwedza mba, kandi si va sererana, navutswa va veye kuli tsingelosi va Nyasaye mi gulu.

Luka 17:26

Kuli mu madiku ga Nuhu, kandi ga la va ndiyo mu madiku go Mwana wa Adamu.

Luka 17:28

Kandi kuli mu madiku ga Loti; va lia, ni va nwa, ni va gula, ni va gamannya, ni va taga, ni vombaka;

1 Samweli 30:16

Na lwa ya mu sulugutidza henza, va salanywa ku kivala kyosi, ni va lia ni va nwa, nokukina, kigira vilanye vyosi vinene vya va vugula kutwula mu kivala kya Vafilisiti, nokutwula mu kivala kya Yuda.