Luka 17:25 - KITABU KITAKATIFU

²⁵ Navutswa agembiri ga mu dukira kugwi rwa vindu vinyingi, nokwambakanwa nelikula yili.

Luka 17:25 ပူးပေါင်းရင်းမြစ်များ

Isaya 53:3

Ya legwa, navandu va mu sula; ya li mundu welivererera, ya manya ubuverereri ligali: kandi ya legwa kuli mulala wavandu va visa mmoni mwavo; na si kwa vola a veye kindu.

Matayo 16:21

Kutwula inyinga yeyo Yesu ya tanga kumannya avegidzwi veve ga mu dukira kutsia Yerusalemi, kandi avakulundu, navasalisi vanene, navang'odi va la mu kupidza kivi nokumwiita, kandi ku lidiku li kola gavaka a la simugukidzwa.

Matayo 21:42

Yesu ya va volera, Si mwa soma mang'oda, Ligina lya vombaki vambakana, Yili lya duka kuva mutwe gwoiwiga; Yaga ga twula ku Mwami, Ga veye gokugennya mu tsimoni tsyetu?

Marko 10:33

na a vola, Henza, ku tsitsa Yerusalemi; Mwana wa Adamu a la zamwa avasalisi vanene navang'odi va la mu gumira; va la mu kalagira a kudze, nokumuvika mu makono ge Tsihiri:

Marko 12:10

Si mu somi kali ling'oda yili: Ligina lya vombaki va suye, Yili lyene lya kolwa mutwe gwo lwiga

Marko 8:31

Na a tanga kuvegidza vindu vinyingi, na a vola, Mwana wa Adamu, ga mu dukira kukupidzwa kivi kinene, kandi avakulundu, na vasalisi vanene, navang'odi va la mu lega nokumwiita, kandi inyima yama diku gavaka a la simuguka kandi.

Marko 9:31

Kigira yegidza avegidzwi veve na a va volera, Mwana wa Adamu a la zamwa avandu, va mu gumire na va mwiite; lwa yiitwa inyima ya madiku gavaka a la simu guka kandi.

Luka 18:31

Kandi ya hila ava li likumi na vaviri haluvega na a va volera, Henzi, kwanegira kutsia Yerusalemi, kandi vindu vyosi vyavaprofeti va ng'odira Mwana wa Adamu vi la kolwa kuye.

Luka 18:33

kandi va la mu kuya na va mwiite: kandi ku lidiku li kola gavaka a la simuguka.

Luka 24:46

ka ndi ya va volera, Ga ng'odwa ndiyo, Kristo a la saliridzwa, nokusimuguka mu vakudzi ku lidiku lya kavaka;

Luka 9:22

na a vola, Mwana wa Adamu ga mu dukira a saliridzwe vindu vinyingi, kandi avakulundu, navasalisi vanene, navang'odi va mwambakana, kandi yiitwe, nelidiku lya gavaka a simugukidzwe.

Yohana 1:11

Yadza kuvyo vivye, navo aveve si va mu bugirira mba.

Yohana 12:38

li duke likuva lya Isaya muprofeti ya vola Mwami, ibwaha u suuvira livola lyetu? Kandi ibwaha wa vuulirwa mukono gwo Mwami?

1 Samweli 10:19

navutswa mwinye lero mu suye Nyasaye wenyu, wa honnya mwinye mwene kumutwulidza mu kivi kyenyu kyosi nombuvereri bwenyu; na mu mu voleye, Auwa, navutswa wamehidze mwami ku kwinye. Kunangwa kalunu, mwevungidze avene imbiri wa Yahova kuli tsihiri tsyenyu, ne tsielfu tsyenyu.

1 Samweli 8:7

Na Yahova ya volera Samweli, U hulire mwoyo gwavandu yava mu gosi ga va ku volera; kigira si ga veye vambakananga ive mba, navutswa vambakananga inze, mbule kuva mwami kuvo.