Luka 16:25 - KITABU KITAKATIFU

²⁵ Navutswa Abrahamu ya vola, Mwana wange, widzulitsa ive wa nyola vilahi lwa wa li mwoyo mu lirova, na Lazaro ya nyola vidamano: navutswa kalunu uyu u sosidzeywi hano, na ive u salira ligali.

Luka 16:25 ပူးပေါင်းရင်းမြစ်များ

Ayubu 22:18

Halala na yaga yizulitsa tsinyumba tsyavo vindu vilahi; Navutswa makuva gavadamano ga veye ihale ninze.

Zaburi 17:14

U mbonnye ku avandu, nomukono gugwo, O Yahova, U mbonnye ku avomu lirova aveliva lyavo li veye ku lirova, Avetsinda tsyavo ive wizulitsa nevyomu kidera kikyo: Va veye na avana vanyingi, Na vindu vyavo vi tigaye va lekeye avana vavo vadoto.

Zaburi 49:11

Liganagana lyomu mwoyo li veye, tsinyumba tsyavo tsi la menya mihiga nemihiga, Na hokumenya havo ha la hindira kuduka ku visukululwi vyosi; Va gulika ameta gavo ku milimi gyavo avene.

Zaburi 73:7

Va himbuki tsimoni tsyavo kigira likomera lyavo: Vya va veye navyo vi viti lyenya lyemyoyo gyavo.

Lisyoma lya Jeremia 1:7

Yerusalemi yidzulitsanga mu madiku gelidambidzwa lilye na ga likenye lilye, yidzulitsanga vindu vivye vyosi vyokuyanzidza vya li ho kutwula ku madiku ga kale: Lwa avandu veve va gwa mu makono gomusigu, na si ha veye nomulala wokumukonya mba, Avasigu va mu lola, va seka kigira liheridzwa lilye.

Danyeli 5:30

Ubudiku zana yibwo Belishazaru mwami Mukalidei, yiitwa.

Matayo 27:63

ni va vola, Mwami, kwidzulitsa uyo mugadi ya vola lwa ya kikiri mwoyo, Inze inyima ya madiku gavaka nda simuguka.

Marko 9:45

Kirenge kikyo ni ki kwikigitalidza, u ki kalage: ubulahi bwokwingira mu liva mwoyo nobuleema, bu vita kuva nevirenge viviri na u sikiswe mu gehena.

Luka 16:20

Kandi mudaka mulala wa langwa Lazaro wa vikwa ha kiribwa kikye, wa li netsinkwagu tsinyingi,

Luka 16:23

Kandi mu kihadisi ya li mu lisaliridza ya kunula tsimoni tsitsye na a lola Abrahamu ihale, na Lazaro mu kiritu kikye.

Luka 16:26

Kandi kuvita yaga, hagati hetu ni mwinye luhongo lunene lu vikeywi ho, avenya kutwula hano kutsia wenyu si va nyala, navo venya kutwula wenyu si va nyala kwambuka hano.

Luka 6:24

Navutswa mu la lola ubudamano, mwinye avatugi kigira mu mali kunyola lihodzeridza lyenyu.

Yohana 16:33

Yaga mmali kumuvolera, mu duke kuva nemirembe ku inze. Mu lirova mu la va nekivi: navutswa mwidinyiridze; inze mmali kuguuta avomkivala.

Vikolwa 14:22

Va luviridza myoyo gyavegidzwi, ni va veganehidza va menye mu lisuuvira, kandi ga ku dukira kwingira mu bwami bwa Nyasaye nelisalira linene.

Varumi 8:7

Kigira liganagana lyomubiri li veye ubusigu ku Nyasaye; kigira si lyegehidzira lilaga lya Nyasaye, kandi si li nyala kue blehidza:

Kwidzulitsa 28:17

U la laamwa mu kihinda kikyo, na u la laamwa mu kidera kikyo.

Vafilipi 3:19

avekiheri kyavo ki veye lidiva, avomunyasaye wavo a veye inda yavo, avobukumi bwavo bu veye mu tsisoni tsyavo, ava tumikiranga vindu vyelirova.

1 Vatesalonike 3:3

ku vosi mundu kali mu lala, kivi yiki ki ta mu sunda; kigira mwinye avene mu manya kwa vikwa kigira yiki.

Vahebraina 11:25

ya tovola kusanga mu likupidzwa kivi lyavandu va Nyasaye, kuvita kuva nobuyanzi bwobwoni ku inyinga

1 Yohana 2:15

Mu ta yanza kivala, kinga vindu vyomkivala. Mundu na a va na a yanza kivala, ubuyanzi bwa Dada si bu veye muye.

Likunula 7:14

Na inze nda mu volera, Mwami wange, ive u manya. Naye ya mbolera, Yava nivo va twula mu kivi kinene yikyo, navo vogidzi tsingubo tsyavo mu masahi go Mwana Weligondi, nokutsikola tsi ve tsindavu.