Luka 16:24 - KITABU KITAKATIFU

²⁴ Ya hanzuka na a vola, Dada Abrahamu, u mbererere, u tume Lazaro, a duke kudira isonga yekidete kikye mu madzi a kindidze lulimi lwange; kigira nsalira mu lumemo yilu.

Luka 16:24 ပူးပေါင်းရင်းမြစ်များ

Ayubu 20:21

Si kya tigala kindu kya ya vula kulia; Kigira yaga ligasidzwa lilye si li la hindira mba.

Isaya 27:11

Tsisya tsyalyo lwa tsyuma, tsi la vunanywa; avakali va ladza, nokutsyaakidza umuliru; kigira va veye avandu ava ta li nelimanya: kigira yaga uyu wa va lomba si a la va vererera mba, uyu wa va longa si a la va vanza mba.

Isaya 66:24

Na va la twula, va la henza mibiri mikudzu gyavandu ava hyola ku inze: kigira ing'ende yavo i la vula kukudza, kandi muliru gwavo gu la vula kusiminywa; na va la va livihiriridza ku vemibiri vosi.

Zekaria 14:12

Kandi ipelegi ya Yahova a la duyira avandu vosi avalwana na Yerusalemi, ni yiyi: tsinyama tsyemibiri gyavo tsi la nyanyika ni va singiye nevirenge vyavo, tsimoni tsyavo tsi la nyanyika mu mitwe gyavo, na tsinimi tsyavo tsi la nyanyika mu minwa gyavo.

Matayo 25:41

Hene yaho a la volera ava li ku mkono mmosi, Twuli ku inze, mwi nye ava laameywi, mu tsie mu muliru gwemihiga nemihiga gwa lomberwa Setani netsingelosi veve.

Matayo 3:9

mu ta ganagana mkiritu, mu vole, Ku veye na guga wetu Abrahamu: kigira mmu volera, Nyasaye a nyala kutwulidzira Abrahamu avana ku magina yaga.

Matayo 5:22

navutswa inze mmu volera, ku vosi u vihirirwa amwavo wewe yenya kukalagirwa; kandi ku vosi u volera amwavo wewe, Thu, yenya kuyalwa; kandi ku vosi u mbolera, Kisiru ive, yenya kuduka mmuliru gwegehena.

Luka 16:30

Naye ya vola, Auwa, dada Abrahamu: navutswa mundu na a twula mu vakudzi na a tsia kuvo va leganira.

Luka 19:9

Naye Yesu ya mu volera, Lero ubuhonnyi bu duki mu inyumba yiyi, kigira uyu kandi a veye mwana wa Abrahamu.

Luka 3:8

Mu kole makuyu ga dukana nelyeganira, mu ta tanga kuganagana, Ku veye naguga wetu Abrahamu: kigira mmu volera, Nyasaye a nyala kutwulidzira Abrahamu avana ku magina yaga.

Yohana 4:10

Yesu ya tivula na a mu volera, Ive nu u manya kihaanwa kya Nya saye, kandi ni bwaha u ku volera Mpe, kunwa; nkano wa ka mu teva naye nkano ya ka ku ha amadzi agelivamwoyo.

Yohana 4:14

navutswa ku vosi u nwa ku madzi ga ndi mu ha si a li lola ubu luhu kandi; navutswa amadzi ga ndi mu ha ga la va muye kidaho kya madzi ga senuka livamwoyo li ta hera mba.

Yohana 7:37

Ku lidiku lyekiheri, lidiku linene lyelilia, Yesu ya singira na a gamba, na a vola, Mundu na a va na a veye nobuluhu, yadze ku inze a nwe.

Varumi 4:12

Kandi a ta va ise wavakeve ve ng'ine, navutswa wa yava ava genda mu tsinduvatiru tsyelisuuvira yilyo, lya guga wetu Abrahamu lya ya li nalyo na a kikiri kukevwa.

2 Vatesalonike 1:8

a la va tunga kisalya ava vula kumanya Nyasaye, nokuvula kuhulira ivangeli yo Mwami wetu Yesu:

Yakobo 2:13

Kigira likalaga si li veye netsimbabasi ku uyu u ta li netsimbabasi: tsimbabasi tsiidzominyanga ku likalaga.

Yakobo 3:6

Kandi ululimi lu veye muliru: Iirova lyobudamano ku vivero vyetu li veye lulimi, nilwo lu vikanga kivihiri ku mubiri gwosi, nokwaakidza ligenda lyosi lyelilombwa, nalwo lwaakidzangwa negehena.

Likunula 19:20

Kandi inyama ya gumirwa, no muprofeti wobubehi wa kola vilolekidzu imbiri wewe, vya ya gadira yavo ava vugula kyokumanyirwa kyenyama, navo ava sigamira kifwananyi kikye: navo vaviri va tebwa, na va veye mwoyo, mu inyanza yomuliru yaakanga nekibiridi:

Likunula 20:15

Kandi ku vowa vula kung'odwa mu kitabu kyelivamwoyo, ya tebwa mu inyanza yomuliru.

Likunula 22:1

Kyo Mwana Weligondi. Kandi ya mmannya mugera gwamadzi gelivamwoyo, mang'ereng'anu kuli ubulengeru, gu senukanga mu intebe ya Nyasaye neyo Mwana Weligondi,

1 Samweli 28:16

Na Samweli ya vola, Kigira ki ive u tevanga inze, kigira Yahova u ku leki, na a gwiye musigu wowo?