Luka 16:23 - KITABU KITAKATIFU

²³ Kandi mu kihadisi ya li mu lisaliridza ya kunula tsimoni tsitsye na a lola Abrahamu ihale, na Lazaro mu kiritu kikye.

Luka 16:23 ပူးပေါင်းရင်းမြစ်များ

Zaburi 16:10

Kigira si u li leka mwoyo gwange mu Kinadisi; Kandi si u li bugirira mutakatifu wowo kulola ligunduluka.

Zaburi 49:15

Navutswa Nyasaye a la tungira mwoyo gwange ntwule mu tsingulu tsyekilindwa Kigira a la mbugula. [Selaha

Zaburi 86:13

Kigira tsimbabasi tsitsyo tsi veye tsinene ku inze; Na u honnyi mwoyo gwange kutwula mu Kihadisi kya hasi ligali.

Zaburi 9:17

Avadamano va lirannywa mu Kihadisi, Kali tsihiri tsyosi tsivirira Nyasaye.

Tsing'ano 15:24

Ku avageeri inzira yelivamwoyo yanigiranga igulu, A twule mu Kihadisi hasi.

Tsing'ano 5:5

Virenge vivye vi sulungutanga mu likudza; Na ligenda lilye li hambana na Kihadisi;

Tsing'ano 7:27

Inyumba yeye i veye inzira ya Kihadisi, I sulungutanga kutsia mu inyumba yelikudza.

Tsing'ano 9:18

Navutswa uyu si a manya avakudzu va veye ho; Na avageni veve va veye mu luliva lwa Kihadisi

Isaya 14:15

Navutswa u likidzwa hasi kuduka ku Kihadisi, kuduka ku tsimbega tsyekiheri ligali tsyobogo.

Isaya 14:9

Kihadisi kya hasi kya sung'uswa kigira ive ki duke ku ku vuganira lwa udzanga; ki vukidzanga avukudzu kigira ive, kali vosi yavo avanene vomu lirova; ki vukidza avami vosi vetsihiri va twule ku tsintebe tsyavo tsyobwami.

Matayo 11:23

Nive, Kapernaume, u lidzominywa ku duka igulu? U la tsia kuduka mu Kihadisi: kigira miyinzi gyetsingulu gya kolwa mu ive, gyi va gya kolwa mu Sodoma, nkano li ve ho kuduka lero.

Matayo 18:9

Kandi imoni yoyo ni i kwikigitalidza, u gi hudule u gi syuve: ubulahi bwokwingira mu liva mwoyo ni kilivi bu vita kuva netsimoni tsiviri nive u sikiswe mu igehena yomuliru.

Matayo 23:33

Tsinzoka mwinye, avana vevihirigoma, mu la hona naki mu likalagirwa lyegehena?

Matayo 5:22

navutswa inze mmu volera, ku vosi u vihirirwa amwavo wewe yenya kukalagirwa; kandi ku vosi u volera amwavo wewe, Thu, yenya kuyalwa; kandi ku vosi u mbolera, Kisiru ive, yenya kuduka mmuliru gwegehena.

Matayo 5:29

Imoni yoyo yomukono mulungi ni i kwikigitalidza, u gi twulidze, u gi te: kigira nobulahi kindu kilala ku mubiri gugwo ki dive, nomubiri gugwo gwosi gu vule kutebwa mu gehena.

Matayo 8:29

Kandi henza, va hanzuka ni va vola, Ku veye ndi nive, Yesu, Mwana wa Nyasaye? Udzi hano kukukupidza kivi inyinga i kikiri kuduka?

Luka 16:24

Ya hanzuka na a vola, Dada Abrahamu, u mbererere, u tume Lazaro, a duke kudira isonga yekidete kikye mu madzi a kindidze lulimi lwange; kigira nsalira mu lumemo yilu.

Luka 16:28

kigira mbeye navamitu vatanu; a duke kuvavolera, gase va la duka hokusa lira hano.

Luka 8:28

Kandi lwa ya lola Yesu, ya hanzuka, na a gwa imbiri wewe, na a vola nomwoyo munene, Mbeye na ki nive Yesu, Mwana wa Nyasaye Uveye Igulu Ligali? Nku saala u ta nkupidza kivi mba.

1 Vakorintho 15:55

Ive likudza, liguuta lilyo li veye haliha? Ive kihadisi, ulusere lulwo lu veye haliha?

2 Petro 2:4

Kigira Nyasaye na a va ni ya vula kuvererera tsingelosi lwa vona, navutswa ya va ta mu gehena, nokuvavika mu bogo bwekisundi, va lindwe kuduke likalagirwa;

Likunula 20:10

Kandi Ibilisi wa va gada ya tebwa mu inyanza yomuliru neyekibiridi, ha inyama nomuprofeti wobubehi va veye; navo va la saliridzwa mbasu nobudiku kuduka mihiga nemihiga.