Luka 16:17 - KITABU KITAKATIFU

¹⁷ Livita lyeligulu nelyelirova ni lyangu, kuvita livita lyenduguta indala ye lilaga.

Luka 16:17 ပူးပေါင်းရင်းမြစ်များ

Isaya 40:8

Bunyasi bu nialanga, nekimuli ki kamanga; navutswa likuva lya Nyasaye wetu li la singira mihiga nemihiga.

Isaya 51:6

Mu ginge tsimoni tsyenyu mu henze ligulu, kandi mu henze kivala kya hasi; kigira migulu mu la vuya kuli mwoki, na kivala ki la kunguha kuli ingubo, na va menyanga ku va la kudza kuli ndiyo: navutswa ubuhonnyi bwange bu la va bwemihigane mihiga, nobulungi bwange si bu la tsyomwa hasi.

Matayo 5:18

Kigira ligali mmu volera, Ku duka ku kiheri kyeligulu nelirova, induguta kinga nta kali indala yamalago si vi nyala ligali kugota, vi luhe vi kolwe vyosi.

Luka 21:33

Ligulu nelirova li la vita: navutswa amakuva gange si ga li vita mba.

Varumi 3:31

Kunangwa kwononnya lilaga ku lisuuvira yili? Auwa, ga ta va ndiyo, navutswa ku dinyeridza lilaga.

1 Petro 1:25

Navutsua likuva lyo Mwami li hindira kuduka mihiga nemihiga. Kandi yili li veye likuva lilahi lilwadzwa ku mwinye.

2 Petro 3:10

Navutswa lidiku lyo Mwami li la duka kuli mwivi; mu lidiku yilyo ligulu li la vita nomuliviti munene, nevindu vya kale vi la timbuluka ku muliru munene, kandi lirova nemiyinzi gyi veye mulyo gyi la sambwa.

Likunula 20:11

Kandi nda lola intebe inene indavu, noyu wikala ku, welirova neligulu viruka mumoni mwimwe; kandi si ha nyoleka hokumenya havyo.

Likunula 21:1

Kandi nda lola ligulu lihya nelirova lihya: kigira ligulu lyokutanga nelirova lyokutanga li mali kuvita; kandi inyanza si i veye ho kandi.

Likunula 21:4

kandi a leya vosi sa mulala amaliga mu tsimoni tsyavo; nelikudza si li la va ho kandi; kandi lisyoma, nelilira, nobusaliri, si vi la va ho kandi: vindu vyokutanga vi mali kuvita.