Luka 16:14 - KITABU KITAKATIFU

¹⁴ Kandi Avafarisayo ava veye avayanza ubutugi, va hulira vindu yivi vyosi; ni va mu kolera kihenyahenye.

Luka 16:14 ပူးပေါင်းရင်းမြစ်များ

Zaburi 119:51

Avoluyai va nkoleye kihenyahenye: Navutswa si ngirunkani kutwula ku itorati yoyo.

Isaya 53:3

Ya legwa, navandu va mu sula; ya li mundu welivererera, ya manya ubuverereri ligali: kandi ya legwa kuli mulala wavandu va visa mmoni mwavo; na si kwa vola a veye kindu.

Isaya 56:11

Yee, tsimbwa yitsyo tsi veye tsimpuvali kazozo, si tsi nyola liguta mba; kandi yava va veye avayi ava ta manya kindu: va girunkani sa mulala kulonda inzira yeye mwene, sa mulala ku vyambeti vivye, kutwula ku tsimbega tsyosi.

Jeremia 6:13

Kigira kutwula ku muke keke wavo kuduka ku munene wavo sa mulala a londanga likayirwa; kandi kutwula ku muprofeti kuduka ku musalisi sa mulala a kolanga ubu gadi.

Jeremia 8:10

Kigira yaga nda haana avakali vavo ku vandu vandi, nemilimi gyavo nda haana ku yavo avameha kuvo: kigira sa mulala kutwula ku mukekeke kuduka ku munene va londanga likayirwa; ku twula ku muprofeti kuduka ku musalisi sa mulala a kolanga agobugadi.

Ezekieli 33:31

Navo vadzanga ku ive kuli avandu vadzanga, na vikalanga imbiri wowo kuli avandu vange, na va huliranga makuva gogo, navutswa si va ga kolanga mba; kigira va lolekidza ubuyanzi neminwa gyavo, navutswa umwoyo gwavo gu londanga amadanyi gavo.

Matayo 23:13

Navutswa O Bayaye bu veye ku mwinye, avang'odi na Vafarisayo, avagadi kigira mwigalira avandu mu bwami bwomigulu: kigira mwinye si mwingira mba, kandi si mu va leka avingiranga, vingire.

Matayo 9:24

ya vola, Mwisunde: ki gira mkana si a kudzi mba navutswa a gona. Navo va mseka ni va mkolera kihenyahenye.

Luka 12:15

Kandi ya va volera, Mwelinde ku likayirwa lyosi: kigira liva mwoyo lyomundu si li veye ku vindu vinyingi vya a veye navyo.

Luka 20:47

ava lia tsinyumba tsyavakunzakali, kandi va saala namakuva manyingi ku bugadi. Yava va la nyola likalagirwa linene.

Luka 23:35

Na vandu va singira, ni va henza. Kandi avanene va mu kolera kihe nyahenye ni va vola, Ya honnya avandi; yehonnye mwene, uyu na a va na a veye Kristo wa Nyasaye, mutovole wewe.

Luka 8:53

Kandi va mu seka ni va mu kolera kihenyahenye, va manya u kudzi.

2 Timoteo 3:2

Kigira avandu va la va aveyanza avene, nava yanza ubu'ugi, naveyidzominya, navevoli, navanyegi, ava tegehidza ku avivuli vavo, ava ta li nelisantidza, nava vula kutia Nyasaye,

Vahebraina 11:36

Navandi va li neligeridzwa lyetsiseko nelyelikuywa, yee, nelyelibofwa nelyelivikwa munyumba yavahambe: