Luka 15:17 - KITABU KITAKATIFU

¹⁷ Lwa ya duka kwimanya, ya vola, Avatumiki va dada wange ivanga va veye nobukima bwokwiguta kandi bu tigala na inze inzala i nziitira hano

Luka 15:17 ပူးပေါင်းရင်းမြစ်များ

Zaburi 119:59

Nda ganagana tsinzira tsyange Na ndirannya virenge vyange ku lilolekidza lilyo.

Zaburi 73:20

Kuli liloto lwomundu a vukanga, Ni ndiyo, Mwami, lwa u vuka, u la lega lifwana lyavo.

Kohelethu 9:3

Likuva yili li veye ubudamano mu gosi aga kolangwa isi weliuva, kindu kilala ki nyola vosi kuleng'ana: yee, kandi, mwoyo gwavana vavandu gwizula ubudamano, na ubulalu bu veye mu mwoyo gwavo inyinga va veye nelivamwoyo, na inyima wa yaga va tsia ku avakudzu.

Jeremia 31:19

Ligali inyima weligirunkanywa lyange, ndeganira; nenyima weliyegidzwa lyange, ndekong'onda kwitango: na nda li netsisoni, yee, kali ku timuka inkolo, kigira nda li ni ng'ingi linyegwa lyobusoleli bwange.

Lisyoma lya Jeremia 1:7

Yerusalemi yidzulitsanga mu madiku gelidambidzwa lilye na ga likenye lilye, yidzulitsanga vindu vivye vyosi vyokuyanzidza vya li ho kutwula ku madiku ga kale: Lwa avandu veve va gwa mu makono gomusigu, na si ha veye nomulala wokumukonya mba, Avasigu va mu lola, va seka kigira liheridzwa lilye.

Ezekieli 18:28

Kigira ya henza nokuleka amahyolo gege ga ya kola nokwirana, ligali uyu a la hindira, a la vula kukudza.

Hosea 2:7

Naye a la londerera avayanze veve, navutswa a la vula kuvanyola; na a la venya, navutswa a la vula kuvalola: hene yhho a la vola, Nda tsia nokugaluka ku mu satsa wange wokutanga; kigira inyinga yeyo bwa li bulahi ku inze kuvita kalunu.

Luka 15:16

Naye ya kayirwa kwiguta amagodo getsimpidzi tsya litsanga, navutswa si ha li nomundu wa mu ha kindu.

Luka 16:23

Kandi mu kihadisi ya li mu lisaliridza ya kunula tsimoni tsitsye na a lola Abrahamu ihale, na Lazaro mu kiritu kikye.

Luka 8:35

Va twula ni va tsia kulola vya kolwa; ni va duka ku Yesu, ni va lola mundu wamademone ga twula kuye, ni yiviki tsingubo, kandi a veye nobugeeri bwibwe, ni yikaye ha virenge vya Yesu: ni va tia.

Vikolwa 12:11

Kandi Petro lwa ya duka kumanya, ya vola, Kalunu mmanya ligali Mwami u tumi ingelosi wewe kuntwulidza mu makono ga Herodi nomu tsiganagani tsyavandu va Vayuda.

Vikolwa 2:37

Lwa va hulira yaga, va tumitwa mu myoyo gyavo, ni va volera Petro navatumwa avandi, Avamitu, ku kola ndi?

Vafeso 5:14

Kigira yaga a vola, Vuka, ive u gonanga, simuguka u twule mu vakudzu, na Kristo a la ku letera ubulavu.