Luka 14:26 - KITABU KITAKATIFU

²⁶ Mundu ni yadza ku inze na a ta dunyira dada wewe, na mama wewe, nomukali, navana, navamwavo, navabotso, yee neliva mwoyo lilye kandi, si a nyala kuva mwegidzwi wange mba.

Luka 14:26 ပူးပေါင်းရင်းမြစ်များ

Zaburi 139:22

Mba dunyira nobudunyi ubudukiru: Va duki kuva avasigu vange.

Livalidza 10:30

Naye ya mu volera Inze si ntsia mba; navutswa ndirana mu kivala kyange kyene, noku aviko vange mwene.

Matayo 10:37

U yanzanga ise na mama wewe kuvita inze si a dukana ninze; kandi u yanzanga mwana muyai kinga mukana kuvita inze, si a dukana ninze.

Luka 14:20

Wundi ya vola, Nkweye mukali, kigira yiki si nyala kuudza.

Luka 14:25

Viduma vinene vya mu londa: naye ya girunkana na a va volera,

Yohana 12:25

Uyu u yanza livamwoyo lilye a li gotidza; kandi u dunyira livamwoyo lilye mu kivala yiki uyu a li li vika kuduka liva mwoyo ii ta hera mba.

Vikolwa 20:24

Navutswa si mbalidza livamwoyo lyange kuva kindu ku inze, nyole kudukidza ulugendo lwange, nobutumekiri bwa nda vugula ku Mwami Yesu, kulolekidza ivangeli yetsimbabasi tsya Nyasaye.

Varumi 9:13

Kuli ga ng'odwa, Nda yanza Yakobo, navutswa Esau nda mbihirirwa.

Kwidzulitsa 21:15

Ni i va mundu a veye navakali vaviri, mulala muyanze, nowundi a dunyirangwa, navo vombi muyanze nuyu u ta yanzwa va mivulira avana: nomuyai wa tanga kwivulwa, na a va na a veye womukali u ta yanzangwa;

Kwidzulitsa 33:9

Wa vola ku dada wewe, noku mama wewe, Si nda mu lola Kandi si a bugirira avamwavo veve, Kandi si ya manya avana veve mwene: Kigira va linda likuva lilyo, Navo va gumira lilagana lilyo.

Vafilipi 3:8

Yee kandi inze ligali ndola vindu vyosi kuva ubugoti vutswa, kigira ubulahi kuvita bwelimanya lya Kristo Yesu Mwami wange: wa nda gotidzira ku, vindu vyosi, nokuvivalidza kuva amandu vutswa, nduke kunyola Kristo,

Likunula 12:11

Navo va mu guutira masahi go Mwana Weligondi, kandi kigira likuva lyelilolekidza lyavo; kandi si va yanza livamwoyo lyavo kuduka kali likudza.