Luka 13:19 - KITABU KITAKATIFU

¹⁹ Bu fwanana nolugutsa lwelisatsi lwomundu ya vugula na a taga mu mulimi gwigwe; lwa viruka ni lu gwa musala; kandi amanyonyi gegulu ga menya ku tsisya tsyago.

Luka 13:19 ပူးပေါင်းရင်းမြစ်များ

Lwimbu lwa Solomoni 4:12

A veye mulimi gu hanwa, mubotso wange, mukana mugima wange; Kisenukiru kyamadzi ki galirwa, kidaho ki vikwa muhuri.

Lwimbu lwa Solomoni 4:16

Vuka, imbuudza ya kasikasini; hamba, imbuudza ya kusini; Huudza ku mulimi gwange, mwa yu gwagwo gu duke kuvuyidzwa kyova. Muyanze wange yingire mmulimi gwigwe, A lie amakuyu gage aga yanzidzanga.

Lwimbu lwa Solomoni 6:2

Muyanze wange a sulunguti mu mulimi gwigwe, Kutsia ku tsinkumbi tsyevifunyanga mwayu, A lie vyokulia mu mulimi zana nokwagula vimuli vyobulavidzu.

Lwimbu lwa Solomoni 8:13

Ive u menyanga mmulimi Avakyo va tegidzanga amatu va duke kuhulira mwoyo gugwo: U nkole ngu hulire.

Isaya 53:1

Ni bwaha u bugirira makuva getu? Na mukono gwa Yahova gwa vuulirwa bwaha?

Isaya 53:10

Navutswa ga yanzidza Yahova kumukuya; ya mu vereridza: lwa u kola mwoyo gwigwe kuva kyokusayasayira ubwoni, a la lola kisukululwi kikye, a la meda madiku gege, na ga Yahova a yanza ga la gasidzwa mmukono gwigwe.

Isaya 58:11

na Yahova a la kwimirira kazozo, na a la kwigutilza mu hosi ha ta veye namadzi, nokuvika vigumba vivyo tsingulu; na u la va kuli mulimi gwa samwa amadzi, na kuli kisenukiru kyamadzi, kya amadzi gakyo ga vula kukama.

Isaya 61:11

Kigira kuli lirova li sebukanga musoga gwekimuli, na kuli mulimi gu virukidzanga vindu vya tagwa mu; ni ndiyo Mwami Nyasaye a li virukidza ubulungi nelidzominywa kuviruka imbiri wetsihiri tsyosi.

Isaya 9:7

Na ku limeda lyelyameha lilye, nemirembe si vi la va nekiheri mba, ku intebe yobwami ya Daudi, nomu bwami bwibwe, kubudinyeridza, nokubudira nelikalaga nobulungi kutwula kalunu kuduka mihiga nemihiga. Ubugulu bwa Yahova wa mahe bu li kola yaga.

Jeremia 31:12

Na va ladza nokwimba mu hadiguluku ha Zioni, na va la londekana halala va tsie ku bulahi bwa Yahova ubuswage, newaini, namaguta, noku avana vamagondi, noku vimoli: nomwoyo gwavo gu la va kuli mulimi gwa samwa; na si va la vererera kandi mba.

Ezekieli 31:6

Amanyonyi gosi agombwe refu gombaka vyaliira vyago mu tsisaga tsyagwo; kandi isi wetsisya tsyagwo tsinyama tsyosi tsyomige ndanyama tsivulira mu avana vatsyo; netsihiri tsyosi tsinene tsya menya isi wekiriri kyagwo.

Danyeli 4:12

Amatu gagwo ga li malahi, na makuyu gagwo ga li manyingi, nago ga li na vyokulia vya vyosi: na tsinyama tsyomwigendanyama tsya nyola kiriri isi wagwo, na amanyonyi ge igulu ga menya ku tsisya tsyagwo, na vyemibiri vyosi vigutidzwa kugwo.

Danyeli 4:21

gwa amatu gagwo ga li malahi, na makuyu gagwo namanyingi, na kugwo vya li vyokulia vya vyosi; isi wagwo tsinyama tsyomwigendanyama tsya menya mu, na ku tsisya tsyagwo manyonyi gegulu ga li nelimenya lyago:

Zekaria 2:11

Na ku lidiku yilyo tsihiri tsinyingi tsi lehambannya na Yahova, navo va la va avandu vange; na nda va hagati hoho, na u la manya Yahova wa mahe niye wa ntuma ku ive.

Matayo 17:20

Na a va volera Kigira lisuuvira lyenyu ni likekeke. Kigira mmu volera, Ligali, ni mu ve nelisuuvira kuli bugutsa bwelisatsi, mu la volera kigulu yiki, Twula hano, wisunde hala; ki lisunda; kandi vindu vyosi vi la nyalika ku mwinye.

Marko 4:30

Na a vola. Ku fwananya na ki ubwami bwa Nyasaye? Nolugano ki lwa ku fwananya nalwo?

Luka 17:6

Mwami ya va volera, Ni mu veye nelisuuvira li leng'ana nolugutsa lwelisatsi, nkano mu volera mukuyu yigu, Kunyuka hano u simikwe mu inyanza; nagwo nkano gwa ka mu hulira.

Vikolwa 2:41

Yavo ava vugula likuva lilye, va batidzwa: kandi lidiku yilyo va daswa avandu kuduka himbi tsielfu tsivaka.

Vikolwa 21:20

Navo lwa va hulira, vidzominya Nyasaye; ni va mu volera, Ive amitu, u lola va veye ho tsielfu netsielfu ku Vayuda kuvo ava mala kusuuvira; navo vosi va veye nobugulu kugumira lilaga

Vikolwa 4:4

Navutswa vanyingi kuvo ava hulira likuva va suuvira; kandi livalidza lyavo lya li himbi kuduka tsielfu tsitanu.

Varumi 15:19

mu tsingulu tsyevilolekidzu nevyokugenya, mu tsingulu tsya Roho Mutakatifu; kuduka kutwula Yerusalemi, netsimbega tsyosi kuduka Iluriko, nzilwadzi ivangeli ya Kristo ligali;

Likunula 11:15

Ingelosi wa katano na kaviri ya kupa; gya twula myoyo minene migulu, ni gyi vola, Ubwami bwelirova bu gwiye bwo Mwami wetu, nobwa Kristo wewe: naye a lameha mihiga nemihiga.