Luka 13:17 - KITABU KITAKATIFU

¹⁷ Lwa ya vola vindu yivi tsisoni tsya gumira avahangalidzi veve vosi: kandi kiduma kyosi kya sangala ku vindu vyobukumi vya ya kola.

Luka 13:17 ပူးပေါင်းရင်းမြစ်များ

Zaburi 109:29

Avasigu vange va vikwe lilegwa kuli ingubo, Na vekunike avene netsisoni tsyavo kuli ingubo.

Zaburi 111:3

Miyinzi gyigye gyi veye ubukumi no ubunene; Na ubulungi bwibwe bu hindira nga mihiga nemihlga.

Zaburi 132:18

Avasigu veve nda va vika tsisoni; Navutswa kuye mwene itaji yeye i la gasidzwa

Zaburi 40:14

Va vikwe mu tsisoni, na va leganywe halala; Avenyanga mwoyo gwange kugudividza: Na viranywe inyima, na va legwe Ava sangala ku lidambidzwa lyange.

Kutwula 15:11

Ibwaha u veye kuli ive, O Yahova, mu avanyasaye? Ibwaha u veye kuli ive, mu bukumi nomu butakatifu, U tihidzanga mu lidzominya lilyo, u kolanga vyokugenya?

Isaya 4:2

Mu lidiku yilyo lusya lwa Yahova lu la va lulahi nokuva nobukumi, na makuyu gelirova ga la va amalahi ligali na manolu ga ve ga yavo avahona ku Vaisraeli.

Isaya 45:24

Mulala a vola ku inze, mu Yahova yeng'ine, vi nyoleka ubulungi nobunyali; avandu va la tsia kuye; navo vosi ava mu dunyira va la va isoni.

Isaya 66:5

Mu hulire makuva ga Yahova, mwinye ava degeranga kigira makuva gege: Avamwavo venyu ava dunyira mwinye, ava syuva mwinye kyova kigira lieta lyange, va voye, Yahova a kuminywe, kuduke kulola ubuyanzi bwenyu; navutswa ni yavo va la va isoni.

Luka 14:6

Navo si va nyala kutivula kandi ku vindu yivi.

Luka 18:43

Nonoho ya nyola lilola lilye, na a mu londa, ni yidzominya Nyasaye: kandi avandu vosi, lwa va lola ndiyo, vidzominya Nyasaye.

Luka 19:48

navutswa si va nyala kulola ga va nyala kukola; kigira avandu vosi va dinya kuye ni vihuliridza.

Luka 20:40

Kigira si va lema mwoyo kandi kumuteva kali hakuzu.

Vikolwa 4:21

Navo lwa va mala kuvatihidza va va lakuula, va vula kulola kindu kuvaha mageli, kigira avandu; kigira avandu vosi vidzominya Nyasaye ku aga kolwa.

2 Timoteo 3:9

Navutswa si va lisunda imbiri mba: kigira ubusiru bwavo bu la lang'aminywa ku vosi, kuli bwa yavo bwa duka kuva.

Tito 2:8

livola lyobukonyi ii ta nyala kuvolwa ku kindu; uyu u hing'ananga a duke kulegannywa, kigira si a veye nekya a vola ku kwinye kidamano.

1 Petro 3:16

mu veye nomwoyo mulahi; mu likuva lya mu hudziridzwa, va duke kuva netsisoni yavo ava nyega ligenda lyenyu lilahi li veye mu Kristo.