Luka 13:15 - KITABU KITAKATIFU

¹⁵ Navutswa Mwami ya mu tivulira na a vola, Mwinye avagadi, Ku mwinye sa mulala si mu boholola ing'ombe yenyu kinga isukiri yenyu kutwula mu kego, mu tsia kuginwehidza ku lidiku lyelisabato?

Luka 13:15 ပူးပေါင်းရင်းမြစ်များ

Ayubu 34:30

Mundu u vula kutia Nyasaye si yameha mba A ta va ho mundu kali mulala kutega avandu.

Tsing'ano 11:9

Umundu u vula kutia Nyasaye, a dividza wakye nomunwa gwi gwe; Navutswa mulungi a la hona kigira limanya.

Isaya 29:20

Kigira mutihidzi u heridzeywi, nomulegi u heri, na vosi ava lindiriranga ubu damano va twulidzeywi;

Matayo 15:14

Mu va leke va ve: va veye avimiri vaboku. Mboku ni yimirira mboku, vombi va la gwa mbogo.

Matayo 15:7

Mwinye avagadi Isaya ya profeta bulahi ku mwinye, na a vola,

Matayo 23:13

Navutswa O Bayaye bu veye ku mwinye, avang'odi na Vafarisayo, avagadi kigira mwigalira avandu mu bwami bwomigulu: kigira mwinye si mwingira mba, kandi si mu va leka avingiranga, vingire.

Matayo 23:28

Kandi ndiyo mwinye habulavu mu loleka ku vandu kuli avalungi, navutswa mugati mwizuye ubugadi nekirage.

Matayo 7:5

Mugadi ive, u tange kutwulidza musala gu veye mmoni yoyo; kunangwa u la lola bulahi kutwulidza lindu mmoni yamwavo wowo.

Luka 12:1

Mu inyinga yeyo, viduma lwa vya duka tsielfu tsinyingi va duvagana, ya tanga kuvolera avegidzwi veve, Kyembiri mu gelieh ku mamera ga Vafarisayo aga veye ubugadi.

Luka 14:5

Kandi ya va volera, U li ha ku mwinye, isukiri yeye kinga ing'ombe yeye ni i gwiye mu kidaho, si a li gi twulidza bwangu ku lidiku lyeliiabato?

Luka 6:42

Kinga u la nyala ndi kuvolera amwavo wowo, Amitu, u leke, nku twulidze lindu mu imoni yoyo, na ive mwene si u lola musala gu veye mu imoni yoyo? Mugadi ive, u tange kutwulidza musala gu veye mu imoni yoyo, kunangwa u la lola bulahi kutwulidza lindu li veye mu imoni yamwavo wowo.

Luka 7:13

Mwami, lwa ya mu lola ya mu vererera, na a mu volera, U ta lira mba.

Luka 7:19

Na Yohana ya langa avegidzwi veve vaviri, na a va tuma ku Mwami, na a vola, Ive niye udzanga, naho ku linde wundi?