Luka 12:32 - KITABU KITAKATIFU

³² Mu ta tia, mwinye kyayo kikekeke; kigira Dada wenyu a yanza kumuha ubwami.

Luka 12:32 ပူးပေါင်းရင်းမြစ်များ

Isaya 40:11

A laya kyayo kikye kuli mwayi, a la gumira avana vamagondi mmukono gwigwe, na a la va ginga ku kiritu kikye, na va nunanga a la vendereridza.

Isaya 41:14

U ta tia mba, ive ing'ende Yakobo, na mwinye avandu va Israeli; nda ku konya, Yahova a vola, na Muhonnyi wowo ni uyu Mutakatifu wa Israeli.

Isaya 53:6

Kwinye kwosi ku goti kuli magondi; ku girunkani sa mulala a londa inzira yeye; na Yahova a mu dwika ubudamano bwetu kwosi.

Jeremia 3:19

Navutswa nda vola, Nyala ndi kuvika ive halala na avana, nokuha ive kivala ki yanzidzanga miyandu milahi gyamahe ge tsihiri? Na nda vola, Mu la nanga Dada Wange, na si mu la girunkana kuleka kulonda inze.

Matayo 14:27

Nonoho Yesu ya va volera, na a vola, Mweleminye mu myoyo; ninze; mu ta tia mba.

Matayo 20:16

Ndi avenyima va la va avembiri, navo avembiri va la va avenyima.

Matayo 25:34

Ma Mwami a la volera ava veye ku mkono mulungi, Mudze, avagasu va Dada wange, mu nyole miyandu gyo ubwami bwa mwa lomberwa kutwula inyinga yelirova lya lombwa:

Matayo 7:15

Mu gelihe ku vaprofeti vobubehi, vadza ku mwinye viviki tsingubo tsyamagondi, navutswa mmyoyo gyavo va veye visalang'ongo vyomulitu, vilulu.

Luka 10:21

Inyinga zana ya yanza ligala mu Roho Mutakatifu, na a vola, Nkwidzominya ligali, Dada, Mwami weligulu nelirova, kigira wa visa ivindu yivi ku vageeri navahuliri, navutswa u vuuliye avana vadoto: yee, Dada; kigira u yanza ndiyo.

Yohana 18:36

Yesu ya tivula, Ubwami bwange si bu veye bwomkivala yiki: ubwami bwange ni bu veye bwomkivala yiki, avatumekiri vange nkano va ka lwana kalunu, inze nda vula kuvikwa mu makono ga Vayuda: navutswa ubwami bwange si bu veye bwokutwula kalunu.

Vikolwa 20:28

Mwelinde kandi mu linde kyayo kyosi, kya Roho Mutakatifu a mu kola mu ve avalolekidzi, mu duke kulageridza livugana lya Nyasaye lya yegulira namasahi gege mwene.

Vikolwa 20:29

Inze mmanya inyima yokutwula kwange ivisalang'ongo vilulu vi lingira mu mwinye vi ta vererera kyayo;

Varumi 6:23

Kigira madanyi gobwoni ni likudza; navutswa kihaanwa kya Nyasaye ki veye livamwoyo lyemihiga nemihiga mu Kristo Yesu Mwami wetu.

1 Vakorintho 1:21

Kigira mu bugeeri bwa Nyasaye, lirova, mu bugeeri bwalyo, si lya manya Nyasaye, Nyasaye ya yanza kuhonnyira avasuuvira mu busiru bwelilwadza.

Vafilipi 2:13

Kigira a veye Nyasaye u kolanga mu mwinye lyenva nelikola, kigira liyanzidzwa lilye.

2 Vatesalonike 1:11

Kigira yaga ku saala Nyasaye kazozo kigira mwinye Nyasaye wetu a duke kulola mwinye kuva avadukanu mu lilangwa lyenyu, nokudukidza netsingulu, lyegomba bulahi nemiyinzi gyosi gyelisuuvira;

2 Vatesalonike 1:5

Yiki ni kilolekidzu kyobulungi bwelikalaga lya Nyasaye; mwinye mu duke kuvali dzwa kuva avadukani ku bwami bwa Nyasaye, bwa mu nyolera ku kivi:

Vahebraina 12:28

Kigira yaga, ni ku vugula ubwami bu ta nyala kudegeridzwa, ku ve netsimbabasi kutsyo ku duke kukolera Nyasaye, ubutumiki bwa mu yanzidza, nelitibwa nelyegehidza:

Yakobo 2:5

Mu hulire, avamitu avayanze; Nyasaye si ya tovola ava veye avadaka vomulirova, va ve avatugi velisuuvira, kandi va ve ava lia miyandu gyobwami bwa ya laga ava mu yanzanga?

2 Petro 1:11

kigira ndiyo mu la hebwa nobuhaani lingira mu bwami bwemihiga nemihiga bwo Mwami wetu Muhonnyi Yesu Kristo.

Likunula 1:6

na a ku kola ubwami navasalisi va Nyasaye wewe, Dada wewe; ubukumi bu ve kuye na lyameha kuduka imihiga nemihiga. Amini.

Likunula 22:5

Kandi ubudiku si bu la va ho kandi mba; kandi si va veye nelyenya ubulavu bwetaya, kinga ubulavu bweliuva; kigira Mwami Nyasaye a la va laviranga: kandi va lameha mihiga nemihiga.