Luka 12:28 - KITABU KITAKATIFU

²⁸ Navutswa Nyasaye na a va ni yavala ubulimu bwomulimi bu veye ho lero, na mugamba bu tebwa mu kisambiru; na si ndi mwinye, mwinye avelisuuvira likekeke?

Luka 12:28 ပူးပေါင်းရင်းမြစ်များ

Isaya 40:6

Mwoyo gwomulala u volanga, Hanzuka. Kandi wundi ya teva, Mbanzukira ki? U vole, Vyemibiri vyosi vi veye bunyasi, nobulahi bwavyo bwosi bu veye kuli vimuli vyommulimi.

Matayo 14:31

Nonoho Yesu ya nyira mkono, na a mgumira, na a mu volera, Ive welisuuvira likekeke, kigira ki u hayahaya?

Matayo 16:8

Yesu ya manya ga va volerana, na a vola, Avelisuuvira likekeke, kigira ki mu monyana ku livula kuvugula milango?

Matayo 17:17

Yesu ya tivula na a vola, Likula li ta li nelisuuvira nelyokuhinga, nda va na mwinye kuduka inyinga ki? Nda mu vererera kuduka inyinga ki? Mu mu lete hano ku inze.

Matayo 17:20

Na a va volera Kigira lisuuvira lyenyu ni likekeke. Kigira mmu volera, Ligali, ni mu ve nelisuuvira kuli bugutsa bwelisatsi, mu la volera kigulu yiki, Twula hano, wisunde hala; ki lisunda; kandi vindu vyosi vi la nyalika ku mwinye.

Matayo 6:30

Nyasaye na a va ni yavala ndiyo ubulimu bwemilimi, bu veye ho lero, na mugamba bu tebwa mkisambiru, nasindi a lavala mwinye, Mwinye avelisuuvira likekeke?

Matayo 8:26

Ya va volera, Kigira ki mu tia, mwinye avelisuuvira likekeke? Hene yaho ya singira, na a gaya imbuudza nenyanza; ni gu va muleng'era munene.

Luka 8:25

Kandi ya va volera, Lisuuvira lyenyu li veye ha li ha? Va tia, ni va genya, ni va volerana, Ibwaha uyu, a loga kali kihuudzudzi nenyanza, na vi mu hulira?

Vahebraina 6:7

Kigira lirova li nwedzanga imbula i kupanga hali kanyingi kulyo, kandi li meranga tsingutsa tsi dukiranga yava ava limirangwa, li nyolanga ubugasu bwa Nyasaye;

1 Petro 1:24

Kigira, Mibiri gyosi gyi veye kuli ubunyasi, Kandi ubukumi bwagyo bu veye kuli kimuli kyobunyasi. Ubunyasi bwumanga, nekimuli kyabwo ki vunguluka: