Luka 12:21 - KITABU KITAKATIFU

²¹ A veye ndiyo wivikira vindu, navutswa ku Nyasaye si a veye nobutugi.

Luka 12:21 ပူးပေါင်းရင်းမြစ်များ

Tsing'ano 13:7

A veye ho wekolanga mutugi, navutswa si a veye nekindu: A veye ho wekolanga mudaka, navutswa a veye nobutugi bunyingi.

Hosea 10:1

Israeli a veye muzabibu munetu, gwamanga makuyu: kuli ubunyingi bwamakuyu gagwo ni ndiyo kandi a medanga ubwali bwibwe; kuli ubulahi bwekivala kyavo bu veye va lombi ndiyo tsitiru tsindahi.

Habakuk 2:9

O bayaye ku uyu u nyoleranga inyumba yeye vyambeti vyobudamano, a duke kuvika inyumba yeye igulu, a duke kuhonywa ku mukono gwobudamano

Luka 12:33

Mu gulidze vya mu veye navyo, mu tunge tsisadaka; mwelombere avene tsimuya tsi ta kunguha, akiba yomigulu i ta hendeka, homwivi a tisunda himbi, kandi hetsisere tsi tononnya.

Luka 16:11

Kunangwa mwinye ni mu ta li nelisuuvirwa ku butugi bu ganga, ibwaha u li mu ha ubutugi bweligali?

Luka 6:24

Navutswa mu la lola ubudamano, mwinye avatugi kigira mu mali kunyola lihodzeridza lyenyu.

Varumi 2:5

Navutswa ku budinyu bubwo nomwoyo gugwo gu ta li nelyeganira, wevikiranga akiba yobutima mu lidiku lyobutima nelyelilang'aminywa lyelikalaga lilu ngi lya Nyasaye.

2 Vakorintho 6:10

kuli ava verera, navutswa ava sangalanga kazozo; kuli avadaka, navutswa ku kolanga avanyingi avatugi; kuli ava ta li nekindu, navutswa ku veye nevindu vyosi.

1 Timoteo 6:9

Navutswa yavo ave nyanga kuva nobutugi va gwidzanga mu ligeridzwa nomu mitego, nomu likayirwa linyingi lyobusiru nelyo kwononnya, li hila avandu mu bukyamu nomu budivi.

Yakobo 2:5

Mu hulire, avamitu avayanze; Nyasaye si ya tovola ava veye avadaka vomulirova, va ve avatugi velisuuvira, kandi va ve ava lia miyandu gyobwami bwa ya laga ava mu yanzanga?

Likunula 2:9

Mmanya lidambidzwa lilyo, nobudaka bubwo (navutswa u veye mutugi), kandi mmanya linyega lya yavo avevolanga va veye Avayuda, navutswa si va li ndiyo, navutswa va veye avelivugana lya Setani.