Luka 12:20 - KITABU KITAKATIFU

²⁰ Navutswa Nyasaye ya mu volera, Ive wobusiru, ubudiku yibu nu bwoku twulidza liva mwoyo lilyo; kandi vindu vya wa lomba vi la va vya bwaha?

Luka 12:20 ပူးပေါင်းရင်းမြစ်များ

Esther 5:11

Na Haman ya va volera ubukumi bwobutugi bwibwe, nobunyingi bwa avana veve na makuva gevindu vyosi vyomwami ya mu nenehidza kuvyo, kandi kuli mwami ya mu ha ubunene kuvita avanene na vatumekiri vomwami.

Ayubu 27:8

Kigira lisuuvira lya uyu u vula kutia Nyasaye li veye ki, kali ni yenyolera vyambeti, Lwa Nyasaye a twulidza mwoyo gwigwe?

Zaburi 39:6

Ligali sa mulala a gendanga na a veye kiriri vutswa; Ligali va henda mwoyo vutswa: A vungidzanga ubutugi na si a manya ibwaha a la bu vugula.

Zaburi 49:10

Kigira a lolanga avageeri va kudza; Musiru navo avombiri vosi halala va diva, Na va lekera avandi ubutugi bwavo.

Zaburi 73:19

Ga veye ndi va gwiye uboneku nonoho Va diva ligali mu litihidza.

Zaburi 78:30

Si va vukanywa nelikayirwa lyavo Vyokulia vyavo vya li ni vi veye mminwa gyavo,

Tsing'ano 10:2

Tsikiba tsyobudamano tsi veye tsya vutswa; Navutswa ubulungi bu honnyanga ku likudza.

Tsing'ano 11:4

Ubutugi si bu konya kindu mu lidiku lyobutima; Navutswa ubulungi bu honnyanga ku likudza.

Tsing'ano 13:7

A veye ho wekolanga mutugi, navutswa si a veye nekindu: A veye ho wekolanga mudaka, navutswa a veye nobutugi bunyingi.

Tsing'ano 27:1

U te yiidzominya ku mugamba; Kigira si u manya inkuva yelidiku li nyala kuleta.

Tsing'ano 28:8

Uyu u medznga ubutugi bwibwe ku vyambeti na limedeka li ta li lilungi, A bu vungidzanga bu ve bwa uyu u verereranga avadaka.

Isaya 56:12

Va vola, Hambi nda leta iwaini nokulizulitsa myoyo gyetu lihambika, kandi mugamba i la va kuli lero, lidiku linene kuvita kigero.

Jeremia 17:11

Kuli inkwari i goneranga mabuyu amasiru nokuvula kwalula, ni ndiyo a veye uyu u nyola ubutugi, navutswa si bu veye ku bulungi; bu la mu leka hagati ha madiku gege, na mu kiheri kikye a la va umusiru.

Amosi 6:13

mwinye ava mu sangaliranga mu kindu kya vutswa, ava vola, Si kwenyoleye tsinziga netsingulu tsyetu avene?

Nahum 1:10

Kigira kali ni va veye kuli amafwa ga di ndana, nokuhambika kuli mu linwa lyavo, va sambwa ligali kuli mavivi amumu.

Luka 11:40

Mwinye avobusiru, u lomba vye igulu si a lomba kandi vyomugati.

1 Vatesalonike 5:3

Lwa va volanga, Gyi veye mirembe kandi lyelemeridza, hene yaho ubwoneku bu la va nyola bwangu, kuli lilumwa lyelivula li dukiranga u veyenda, navo ligali si va la hona mba.

1 Timoteo 6:17

U lage ava veye avatugi mu tsinyinga tsya kalunu, va ta va nobwigingiri, kandi va ta vika lisuuvira lyavo ku ubutugi bu ta suuvirwa, nawtswa va suuvire Nyasaye, u ku hedzanga vindu vyosi nobuhinda ku duke kuvitumekira nobuyanzi;

1 Timoteo 6:7

Kigira si kwa duka mu lirova nekindu, kandi si ku nyala kutsia nekindu kali kilala;

Yakobo 4:14

navutswa mwinye si mu manya aga na ga ve ho mugamba. Livamwoyo lyenyu li veye ki? Kigira mwinye mu veye mwika ogu loleka inyinga inkekeke, ma gu gota.