Luka 12:19 - KITABU KITAKATIFU

¹⁹ Kandi nda volera mwoyo gwange, Mwoyo, u veye nevindu vinyingi vikeywi vyemihiga minyingi; u lie, u nwe, u sangale.

Luka 12:19 ပူးပေါင်းရင်းမြစ်များ

Ayubu 14:1

Mundu, womukali yivula, A veye wamadiku ga gehi na yizuye kivi.

Zaburi 49:18

Kali lwa ya li mwoyo yegasidza mu mwoyo gwigwe (Na avandu va kwidzominya lwa wekolanga ubulahi).

Zaburi 62:10

Mu ta suuvira lidambidza, Mu tegingira ku lilanya lyenyu: Ubutugi ni bu medeka, u ta bu vika mu mwoyo gugwo.

Tsing'ano 10:2

Tsikiba tsyobudamano tsi veye tsya vutswa; Navutswa ubulungi bu honnyanga ku likudza.

Tsing'ano 14:24

Igudwa yavageeri i veye ubutugi bwavo; Navutswa ubusiru bwavasiru bu veye ubusiru vutswa.

Tsing'ano 18:11

Ubutugi bwomutugi bu veye lidala lilye lyolugaga Kandi li veye kuli lidigi litambi mu liganagana lilye munene.

Tsing'ano 23:5

U tumika tsimoni tsitsyo ku yiki ki ta li kindu, Kigira ligali ubutugi bwekolera tsimbaha, Kuli indidzu i bulukanga kutsia migulu.

Tsing'ano 27:1

U te yiidzominya ku mugamba; Kigira si u manya inkuva yelidiku li nyala kuleta.

Kohelethu 11:9

O musoleli, sangala, mu busoleli bubwo, nomwoyo gugwo gu ku sangalidze mu madiku gobusoleli bubwo, na u gende mu tsinzira tsyomwoyo gugwo, nomu lilola lyetsimoni tsitsyo: navutswa u manye Nyasaye a la ku vika mu likalagirwa kigira vindu yivi vyosi.

Kohelethu 2:24

Si ha veye nobulahi ku mundu kuvita yaga, a lie kandi a nwe, noku sangalidza mwoyo gwigwe mu bulahi, mu lididikana lilye. Kandi nda lola yaga ga twula mukono gwa Nyasaye.

Isaya 22:13

na vutswa henza, ubuyanzi nobusangali, nokwiita tsing'ombe nokwiita magondi, nokulia inyama nokunwa iwaini: Gendi ku lie nokunwa, kigira mugamba ku kudzanga.

Isaya 5:11

Ubudamano bu ve ku yavo ava vukanga mabwebwe, va duke kulonda lihambika; ava hongeranga kuduka ubudiku hagati, iwaini i luhe yaakidze muliru muvo

Isaya 5:8

Ubudamano bu veye kuvo ava medanga inyumba ku inyumba yindi, na va hambannya mulimi ku mulimi gundi, ubwiyangu bu luhe bu dake, na mwinye ga mu dukiye kudalang'ana hagati hekivala

Isaya 56:12

Va vola, Hambi nda leta iwaini nokulizulitsa myoyo gyetu lihambika, kandi mugamba i la va kuli lero, lidiku linene kuvita kigero.

Hosea 12:8

Na Efiraim ya vola, Ligali inze ngwiye mutugi, nyoye vindu vinyingi: mu miyinzi gyange gyosi si va la nyola ubukyamu mu inze bu veye ubwoni.

Amosi 6:13

mwinye ava mu sangaliranga mu kindu kya vutswa, ava vola, Si kwenyoleye tsinziga netsingulu tsyetu avene?

Habakuk 1:16

Kigira yaga a lombera muluvu gwigwe kihaanwa, nokuvuyidzira kyokukwesa kikye kimuli; kigira a nyolanga kidieli kyobunolu ku vindu yivi, nevyokulia vivye vi nenehi.

Luka 12:18

Kandi ya vola, Nda kola ndi: nda sambula amagungi gange, nzombake agandi amanene; kandi nda vungidza mu ubuswage bwange bwosi nevindu vyange vyosi.

Luka 16:19

Ha li nomutugi mulala, kandi yivika ingubo yekiforosadi na ya katani indahi, na a menya mu lisangala kazozo.

Luka 21:34

Navutswa mwinye mu gelihe gase myoyo gyenyu gyi la minika nobuhuvali nobuhambiki nobunyankani bwelivamwoyo yili, kandi lidiku yilyo li la mu nyola bwangu kuli mutego:

1 Vakorintho 15:32

Ni mba ni nonda miima gyavandu ni nkupana netsinyama tsyomulitu Efeso, ga la nkonya ki? Avakudzu ni va va ni va vula kusimugukidzwa, gendi ku lie, noku nwe kigira mugamba ku la kudza.

Vafilipi 3:19

avekiheri kyavo ki veye lidiva, avomunyasaye wavo a veye inda yavo, avobukumi bwavo bu veye mu tsisoni tsyavo, ava tumikiranga vindu vyelirova.

1 Timoteo 5:6

Navutswa u menyanga mu lilonda uluyai, u kudzi mu liva lya a veye mwoyo.

1 Timoteo 6:17

U lage ava veye avatugi mu tsinyinga tsya kalunu, va ta va nobwigingiri, kandi va ta vika lisuuvira lyavo ku ubutugi bu ta suuvirwa, nawtswa va suuvire Nyasaye, u ku hedzanga vindu vyosi nobuhinda ku duke kuvitumekira nobuyanzi;

2 Timoteo 3:4

avazami, avahindagiridzi, avigingiri, ava yanzi lyeyanzidza kuvita liyanza Nyasaye;

Yakobo 5:5

Mu menyi nobwelemeridzi mu lirova, nokumenya noluyai; mu komeridzi myoyo gyenyu mu lidiku lyokuyaywa.

1 Petro 4:3

Kigira tsinyinga tsya vita tsi hereridzi kukola yaga aga Vetsihiri venyanga, nokugenda mu kifwabwi, nomu likayirwa, nomu lihambika, nomu lisyeva, nomu linwa, nomu lisalisa misambwa gyekivihiri:

Likunula 18:7

Ku liidzominya lyalyo, noku limenya lyalyo bugira kwilinda, mu li he ubusaliri neliverera kule ng'ana na yaga: kigira livola mu mwoyo gwalyo, Inze mmenya mu bwami, kandi si mbeye mukunzakali, kandi si nda va neliverera kali hakuzu.

1 Samweli 30:16

Na lwa ya mu sulugutidza henza, va salanywa ku kivala kyosi, ni va lia ni va nwa, nokukina, kigira vilanye vyosi vinene vya va vugula kutwula mu kivala kya Vafilisiti, nokutwula mu kivala kya Yuda.