Na Shimei ya singira, ni yaala ku isukiri vyokwikala ku, na a tsia Gathu ha Akishi kwenya vatumekiri veve; Shimei ya tsia na a leta avatumekiri veve kutwula lidala lya Gathu.
Kigira kutwula ku muke keke wavo kuduka ku munene wavo sa mulala a londanga likayirwa; kandi kutwula ku muprofeti kuduka ku musalisi sa mulala a kolanga ubu gadi.
Navo vadzanga ku ive kuli avandu vadzanga, na vikalanga imbiri wowo kuli avandu vange, na va huliranga makuva gogo, navutswa si va ga kolanga mba; kigira va lolekidza ubuyanzi neminwa gyavo, navutswa umwoyo gwavo gu londanga amadanyi gavo.
Na va kayirangwa milimi, nokugyigumira; netsinyumba kandi, nokutsihila: na va dambidzanga mundu nenyumba yeye, yee, va dami)idzanga mundu nemiyandu gyigye.
Navutswa mwinye mu gelihe gase myoyo gyenyu gyi la minika nobuhuvali nobuhambiki nobunyankani bwelivamwoyo yili, kandi lidiku yilyo li la mu nyola bwangu kuli mutego:
Nabwo bwa gwa mu mafwa, nava ava hulira, navutswa lwa va genda ku inzira yavo, amadidikano, nobutugi, nelikayirwa lye liva mwoyo lya ka lunu, vi va miga si va komelidza kindu.
Kigira avandu va la va aveyanza avene, nava yanza ubu'ugi, naveyidzominya, navevoli, navanyegi, ava tegehidza ku avivuli vavo, ava ta li nelisantidza, nava vula kutia Nyasaye,
Mu ta va neliva lyokuyanza ubutugi; kandi mu dukane nevindu vya mu veye navyo: kigira mwene ya vola, Inze ligali si nda ku leka mba, kandi ligali si nda vukana ku ive mba.
lwa ndoli mu vilanye ijoho indahi ya Babuloni, netsishekeli tsimia tsiviri tsyefetha, nekilezero kyethahabu yetsishekeli makumi gatano buliduhu bwakyo, hene vaho nda vi kayirwa, nokuvivugula; na henza, vi viseywi mu lirova hagati helihema lyange, na ifetha i veye isi wavyo.
ava veye netsimoni tsyobuheyi ava ta nyala kwigaya ku bwoni; ava goonyanga myoyo gyiyagika; ava veye nomwoyo gwa nalidzwa mu likayirwa; avana vekikyeno;
Kandi mu likayirwa lyavo va lenyolera madanyi ku mwinye ku makuva gobugadi: avelikalagirwa lyavo kutwula kale si li lindagira, kandi ubwoneku bwavo si bu gona tsindolo.