Luka 11:41 - KITABU KITAKATIFU

⁴¹ Navutswa mu twulidze isadaka ku vyomugati; kandi henza, vindu vyosi vi veye vilahi ku mwinye.

Luka 11:41 ပူးပေါင်းရင်းမြစ်များ

Zaburi 112:9

A sugeridzi, na a haani ku avadaka; Ubulungi bwibwe bu hindiranga mihiga nemihiga: Ulwiga lwilwe lu la nenehidzwa nobukumi.

Zaburi 41:1

A veye nobugasu uyu widzuli tsanga avadaka: Yahova a la mu honnya mu lidiku lyekivi.

Tsing'ano 14:31

Uyu u dambidzanga avadaka a leganga Mulombi wewe; Navutswa uyu u verereranga ava dambi yidzominyanga Mulombi wewe.

Tsing'ano 16:6

Ubudamano bwogidzangwa netsi mbabasi na ageligali; Avandu va twula ku ubudamano kigira litia Yahova.

Tsing'ano 19:17

Uyu u verereranga avadaka a hambidza Yahova kivete, Na likola lilye lilahi a la mu tunga kandi.

Danyeli 4:27

Kunangwa, kigira yaga, O mwami, amakuva gange ga bugirike ku ive, u leke ubwoni bubwo mu likola bulungi, na ubudamano bubwo mu livera avadaka tsimbabasi; mbula ubuIahi bubwo bu la medeka.

Matayo 26:11

Kigira avadaka va veye halala nemwinye madiku gosi; navutswa inze si mbeye nemwinye halala madiku gosi.

Matayo 5:42

U ku sava, u mu he, kandi wenya klvete u ta mima mba.

Marko 7:19

kigira si vingira mu mwoyo mba, navutswa vi tsitsa mmunda, kandi vi la twula? Ya vola yaga, a kole vyokulia vyosi vi ve vilahi.

Luka 12:33

Mu gulidze vya mu veye navyo, mu tunge tsisadaka; mwelombere avene tsimuya tsi ta kunguha, akiba yomigulu i ta hendeka, homwivi a tisunda himbi, kandi hetsisere tsi tononnya.

Luka 16:9

Na inze mmu volera, Mwekolere avalina ku butugi bu ganga; lwa bu li yoneka, va la ka mwingiridze mu bugono bu ta hera mba.

Luka 18:22

Yesu lwa ya hulira yaga, ya mu volera, U daki kindu kilala kalunu: gula vyosi vya u veye navyo, u he avadaka, na ive u la va nekiba migulu: hamba, u nonde.

Luka 19:8

Zakayo ya singira na a volera Mwami, Henza, Mwami, mbedza avadaka inusu vye vindu vyange ni mba ni nyaga mundu kali mulala, kindu, mmwi ranyira hali kane.

Vikolwa 10:15

Kandi mwoyo gwadza kuye hali kaviri, Kya Nyasaye ya takasa, ive u ta ki kola kidamano.

Vikolwa 11:29

Navegidzwi sa mulala kuli va nyala va lalira kuhila ubukonyi ku vamwavo ava menya Ebuyuda:

Vikolwa 24:17

Kalunu inyima yemihiga minyingi nda duka kuletera ihiri yange tsisadaka nevihaanwa:

2 Vakorintho 8:12

Kigira ni gu ve ho mwoyo gwete geke gu bugirirangwa kuli kigero kyomundu a veye nakyo, si ga li kuli kigero kya a ta li nakyo mba.

Vafeso 4:28

Uyu wiba a tiba kandi: navutswa nubulahi a didikane, a yinzire namakono gege, a kole kindu ki veye kilahi, a duke kuva nekindu kyokuha uyu u veye nobudaka.

Tito 1:15

Ku avanifu vindu vyosi vi veye vinifu: navutswa ku avadamano nava vula kusuuvira si ha li nekindu kinifu kuvo; navutswa ubugeeri bwavo nomwoyo gwavo gu gwiye mudamano.

Vahebraina 13:16

Navutswa mu tivirira kukola bulahi nokusanga, kigira visyuviriru kuli yivi Nyasaye a yanzidzangwa navyo.

Vahebraina 6:10

Kigira Nyasaye si a li nobudamano kuduka kwivirira miyinzi nobuyanzi bwenyu bwa mwa lang'aminya ku lieta lilye, ku litumekira avatakatifu, kandi mu va tumekiranga.

Yakobo 1:27

Idini ya Nyasaye indahi i ta li nobudamano imbiri wa Nyasaye na Dada wetu ni yiyi, kutsia ku yavo avabisandu noku vakunzakali mu likupa kivi lyavo, nokwilinda ligali mwene a ve bugira imbala yevyelirova.