Luka 11:36 - KITABU KITAKATIFU

³⁶ Nu u va nobulavu mu mubiri gugwo gwosi, ni gu ta li na ha kisundi, gu la va nobulavu gwosi, kuli itaya i ku mulikira nobulavu ubunene bwayo.

Luka 11:36 ပူးပေါင်းရင်းမြစ်များ

Tsing'ano 1:5

Mundu wobugeeri a hulire, nokumeda limanya; Na mundu welimanya a duke kumanyeridza makuva madukanu:

Tsing'ano 20:27

Roho gwomundu gu veye itaya ya Yahova, Yokuluuta hosi muye.

Tsing'ano 6:23

Kigira lilaga li veye itaya; na lyegidza li veye ubulavu; Na lyegidzwa lyeligondokirwa li veye inzira yelivamwoyo:

Isaya 42:16

Nda leta avaboku ku inzira ya va ta manya; nda va hila ku tsinzira tsya va ta manya; nda kola kisundi kuva ubulavu imbiri wavo, na ha kyama nda lungekidza ho. Makuva yaga nda kola, si nda va leka mba.

Isaya 8:20

Mu tsie ku malago nokulilolekidza ni i va va ta vola ga leng'ana ne likuva yili, ligali ubulavu si bu veye kuvo.

Hosea 6:3

Hene yaho ku la manya, ni ku va ni ku londerera kumanya Yahova: litwula lilye li veye lyeligali kuli mugamba; naye a ladza ku kwinye kuli imbula, kuli imbula yamadzi mavovo i kupanga ku lirova.

Matayo 13:52

Naye ya va voiera, Yiki ni kigira ku mung'odi samulala u koleywi mwegidzwi mu bwami bwomigulu, a veye kuli mundu mwene inyumba, a twulidza mu kiba yeye vindu vihya na vindu vikulu.

Matayo 5:15

Kandi avandu si va hambidza itaya va gi kunike mu kihinda, navutswa va gi vika ku meza; ni i mulika ku vosi ava veye munyumba.

Luka 11:35

Kigira yaga, henza bulahi ubulavu bu veye mu ive bu ta va kisundi.

Luka 11:37

Na a ki vola ndi Mufarisayo ya mu langa a tsie kulia naye vyokulia: naye yingira ni yikala ku vyokulia.

2 Vakorintho 4:6

Kigira ni Nyasaye wa vola, Ubulavu bu la ng'ereng'ana kutwula mu kisundi, wa ng'ereng'ana mu myoyo gyetu, kukuha ubulavu bwelimanya lyobukumi bwa Nyasaye mumoni mwa Yesu Kristo.

Vafeso 4:14

ku ta va kandi avana vadoto ava viting'anywa yiyi neyiyi nokuvodonkanywa netsimbuudza tsyosi tsyamegidzo, ku busegetiri bwavandu mu bugeeri bwobugadi, ku lilonda ubugadi bwobugotidzi.

Vakolosai 3:16

Likuva lya Kristo li menye mu mwinye nobuhinda: mu bugeeri bwosi mwegidzane nokugerihidzana avene navene ku zaburi noku tsinyimbu noku tsinyimbu tsyomu roho, mwimbire Nyasaye nemyoyo milahi.

Vahebraina 5:14

Navutswa vyokulia vidinyu vi veye vya vandu va duki, yavo kigira litumekira ubugeeri bwavo bu nalidzeywi kwavukannya ubulahi nobudamano.

Yakobo 1:25

Navutswa uyu u henzanga malago madukiru ageliboholola, nokumenya mu, uyu si a veye muhuliri wivirira navutswa mukoli wemiyinzi, mundu uyu a la va nobugasu ku likola lilye.

2 Petro 3:18

Navutswa mu kulire mu tsimbabasi nomu limanya lyo Mwami wetu Muhonnyi Yesu Kristo. Ubukumi bu ve kuye kalunu imihiga nemihiga. Amini.