Luka 10:42 - KITABU KITAKATIFU

⁴² navutswa kindu kilala kyeng'ine ki duki: kigira Maria u mali kutovola kindu kilahi, kya a li vula kunyagwa.

Luka 10:42 ပူးပေါင်းရင်းမြစ်များ

Zaburi 119:111

Lilolekidza lilyo mbuguye kuva miyandu gyange mihiga gyosi; Kigira li veye lyokusangalidza mwoyo gwange.

Zaburi 119:173

Mukono gugwo gwetegeke kunkonya; Kigira ntovoye megidzo gogo.

Zaburi 119:30

Ntovoye inzira yobusuuvirifu: Mbiki amalago gogo imbiri uange.

Zaburi 142:5

Ndanira ku ive, O Yahova; Nda vola, Ive u veye kyokwivisa mu kyange, Kidieli kyange mu kivala kya yavo ava veye mwoyo.

Zaburi 17:15

Na inze, nda lola mumoni mumwo mu bulungi; Ndiguta neligondo lilyo, lwa mbuka mu lifwanana lilyo.

Zaburi 27:4

Kindu kilala ntevi Yahova, yiki nda kyenya: Mmenye mu inyumba ya Yahova madiku gange gosi, Kulola ubulahi bwa Yahova, Nokuganagana mu litempeli lilye.

Zaburi 73:25

Ni bwaha wa mbeye naye migulu, na a ta li ive? Kandi si ha li nowa nyenya ku lirova, na a ta li ive weng'ine.

Kohelethu 12:13

Kiheri kyenkuva yiyi ni yiki; gosi ga mali kuhulirwa: U tie Nyasaye, u gumire lilaga lilye; kigira miyinzi gyi dukiranga mundu ku budukiru bwibwe ni yigyi.

Marko 8:36

Mundu na a va na a nyola vyomu lirova vyosi na a gotidza liva mwoyo lilye, vi mu konya ki?

Luka 10:39

Kandi ya li namwavo wa langwa Maria ya li ni yikaye ha virenge vyo Mwami, na a hulira likuva lilye.

Luka 11:1

Ya li na a saala ha luvega lulala, kandi lwa ya leka, mulala ku vegidzwi veve ya mu volera, Mwami, u kwegidze kusaala, kuli Yohana yegidza avegidzwi veve.

Luka 12:20

Navutswa Nyasaye ya mu volera, Ive wobusiru, ubudiku yibu nu bwoku twulidza liva mwoyo lilyo; kandi vindu vya wa lomba vi la va vya bwaha?

Luka 12:33

Mu gulidze vya mu veye navyo, mu tunge tsisadaka; mwelombere avene tsimuya tsi ta kunguha, akiba yomigulu i ta hendeka, homwivi a tisunda himbi, kandi hetsisere tsi tononnya.

Luka 16:2

Ya mu langa na a mu volera, Amakuva ki ga mbulira ku ive? Tivula hesabu yobulindi bubwo; kigira ive si u nyala kandi kuva mulindi.

Luka 16:25

Navutswa Abrahamu ya vola, Mwana wange, widzulitsa ive wa nyola vilahi lwa wa li mwoyo mu lirova, na Lazaro ya nyola vidamano: navutswa kalunu uyu u sosidzeywi hano, na ive u salira ligali.

Luka 18:22

Yesu lwa ya hulira yaga, ya mu volera, U daki kindu kilala kalunu: gula vyosi vya u veye navyo, u he avadaka, na ive u la va nekiba migulu: hamba, u nonde.

Luka 8:18

Kigira yaga mwilinde kuli mu hulira: kigira u veve nakyo, a la hebwa; no ta veye nakyo, a la nyagwa kya a ganagana a veye nakyo.

Yohana 11:1

Mundu mulala, Lazaro wa Betani, womu lidala lya Maria namwavo wewe Marita, ya lwala.

Yohana 11:19

kandi vanyingi ku Vayuda vadza ku Marita na Maria va va leminye mwoyo kigira mbotso wavo.

Yohana 12:3

Mi Maria ya vugula maguta genardi yere, ga funya mwayu, ageratili indala, aga gulwa vindu vinyingi, na a vaka Yesu virenge, ni yeya virenge vivye nelisu lilye: inyumba yekolera mwayu.

Yohana 17:3

Kandi livamwoyo li ta hera mba ni yili va duke kumanya ive, Nyasaye weligali weng'ine, na uyu wa wa tuma, Yesu Kristo.

Yohana 4:14

navutswa ku vosi u nwa ku madzi ga ndi mu ha si a li lola ubu luhu kandi; navutswa amadzi ga ndi mu ha ga la va muye kidaho kya madzi ga senuka livamwoyo li ta hera mba.

Yohana 5:24

Ligali, ligali, mmu volera, U hulira likuva lyange, na a suuvire wa ntuma, a veye nelivamwoyo li ta hera mba, kandi si a li nyala kwingira mu likalagirwa, navutswa u mali kutwula mu likudza kuduka mu livamwoyo.

Yohana 6:27

Mu ta yinzira ku vugula vyokulia vyoneka, navutswa mu yinzire kuvugula vyokulia vi menya kuduka ku livamwoyo li ta hera mba, vyo Mwana wa Adamu a la mu ha: kigira Dada, Nyasaye, u mali kukupa kuye kyokulolera.

1 Vakorintho 13:3

Kandi ni mba ni mbaana vindu vyange vyosi kukonya avadaka, kandi ni mba ni mbaana mubiri gwange gu sa mbwe, navutswa ni nta va nobuyanzi, si vi nkonya kali hakuzu.

Vagalatia 5:6

Kigira mu Kristo Yesu likevwa si li konya kindu, kinga livula kukevwa; navutswa lisuuvira li kolanga miyinzi kigira ubuyanzi.

Kwidzulitsa 30:19

Nanganga ligulu nelirova kulolekidza ku mwinye lero kuli mbikiye imbiri wa ive livamwoyo nelikudza, ubugasu nevilaamo: kunangwa u tovole livamwoyo, u duke kuva mwoyo, ive navana vovo;

Joshua 24:15

Litumekira Yahova ni li va ni li loleka kuva ku mwinye lidamano, mu tovole lero wa mu tumekira; ni va va ni va veye avanyasaye va vaguga venyu va tumekira lwa va li engereka va Mugera, kinga ni va va avanyasaye va Vaamori, ava mu menya mkivala kyavo: navutswa inze nenyumba yange, ku la tumekira Yahova.

Joshua 24:22

Na Joshua ya volera avandu, Mwinye mu veye avalolekidzi ku mwinye avene mu tovoye Yahova, mu duke kumutumekira. Navo va vola, ku veye avalolekidzi.