Luka 10:37 - KITABU KITAKATIFU

³⁷ Naye ya vola, Uyu wa mu vera tsimbabasi. Yesu ya mu volera, Ive u tsie kukola ndiyo.

Luka 10:37 ပူးပေါင်းရင်းမြစ်များ

Tsing'ano 14:21

Uyu u leganga mutende wewe a kolanga ubwoni; Navutswa uyu u verereranga avadaka, a veye nobuyanzi.

Hosea 6:6

Kigira inze nyenyanga tsimbabasi, si nyenya vihaanwa; nelimanya Nyasaye nyenya nga kuvita vihaanwa vyokusambwa.

Mika 6:8

Uyu u vuuliranga ive, O mundu, aga veye malahi; na Yahova yenyanga kindu ki ku ive, ni ga ta li likola ubulungi, nokuyanza tsimbabasi, nokugenda nobuhooma halala na Nyasaye wowo?

Matayo 20:28

kuli Mwana wa Adamu si yadza kutumekirwa, navutswa kutumekira, nokuhaana liva mwoyo lilye li ve litungira lya vanyingi.

Matayo 23:23

O Bayaye bu veye ku mwinye, avang'odi na Vafarisayo, avagadi kigira mu tunga izaka ya inaana, nebizari, nekumini, navutswa mu leki amakuva manene gelilaga, bulungi, netsimbabasi, nelisuuvira: navutswa yivi nu bulahi kuvikola, vindu vindi vyembiri muvule kuvileka.

Luka 10:36

Ku yava vavaka u li ha wa u lola kuva mutende wa uyu wa gwa hagati ha vanuuli?

Luka 10:38

Lwa va genda ku inzira yavo, yingira mu kadala kalala: kandi mukali mulala wa langwa Marita ya mwingiridza mu inyumba yeye.

2 Vakorintho 8:9

Kigira mu manya tsimbabasi tsyo Mwami wetu Yesu Kristo, kali ya li mutugi ya gwa mudaka kigira mwinye mwinye mu duke kuva avatugi kigira ubudaka bwibwe.

Vafeso 5:2

kandi mu gende mu buyanzi, kuli Kristo kandi ya mu yanza, na a haana livamwoyo lilye kigira kwinye, kihaanwa nesadaka ya Nyasaye i veye mwayu gwelifunya lilahi.

1 Petro 2:21

Kigira mwa langirwa yaga: kigira Kristo kandi ya mu salirira, na a mu lekera kyokuhenzera ku, mu duke kulonda tsinduvatiru tsitsye:

Likunula 1:5

kandi gyi twulanga ku Yesu Kristo, u veye muloli musuuvirifu, nowa tanga kwivulwa wavakudzu, nomunene wavami velirova. Kuye u ku yanzanga, kandi ya ku boholola namasahi gege kutwula mu bwoni bwetu,