Luka 10:2 - KITABU KITAKATIFU

² Kandi ya va volera, Ligesa li veye linene, navutswa avayinziri va gehi: kigira yaga mwinye mu saale Mwami weli gesa a lete avayinziri va tsie mu ligesa lilye.

Luka 10:2 ပူးပေါင်းရင်းမြစ်များ

1 Avami 18:22

Hene yaho Elija ya volera avandu yavo, Inze hano, Inze mbeye tsveng'i ne muprofeti wa Yahova; navutswa Baal a veye navaprofeti veve avandu tsimia tsine na makumi gatano.

Zaburi 68:11

Mwami a haana makuva: Avakali ava ga landidza va veye kiduma kinene.

Jeremia 3:15

Na nda ha mwinye avayi va veye kuli mwoyo gwange, ava li lageridza mwinye nobugeeri nelimanya.

Zekaria 11:17

O bayaye umwayi u ta konya kindu, u lekanga kyayo kivavi ki la va ku mukono gwigwe, noku imoni yeye ye nomukono mulungi: mukono gwigwe gu la va mwumu ligali, nemoni yeye yenomukono mulungi i la va kilive ligali.

Zekaria 11:5

ama, gondi ga yavo ava veye nago viita, navo velanga avene ava ta li neli, hyola ku kindu; na yavo ava ga gulidzanga va vola, Yahova a gasi dzwe, kigira inze mbeye mutugi; na yavo avayi vago avene si va ga vererera mba.

Livalidza 11:17

Na inze ndika nokuvolerana nive ha zana: na nda vugula ku Roho u veye ku ive, nokuvika kuvo, navo va Ia ginga musigo gwa avandu halala nive, ive u vule kuguginga weng'ine.

Livalidza 11:29

Na Musa ya mu volera, U veye nelikendeka kigira inze? Nkano avandu vosi va Yahova va veye avaprofeti, nkano a vike Roho wewe kuvo

Matayo 20:1

Kigira ubwami bwomigulu bu fwanana nomundu mwene inyumba, wa twula mugamba tsuri kwenya avayinziri vekizabibu kikye.

Marko 13:34

Ga veye kuli mundu a tsia lugendo mu kivala kindi, na a leka inyumba yeye, na a ha vatumekiri veve tsillgulu, na a ha vosi miyinzi gyavo na a ha u linda kiliango munwa a linde.

Marko 16:15

Ya va volera Gendi mu tsie mu lirova lyosi mwilwadze ivangeli ku vandu vosi.

Marko 16:20

Kandi va twula ni vilwadza mu vivala vyosi, Mwami yinzira navo, na a nenehidza amakuva ne vilolekidzu vya va hereka. Ameni.

Luka 9:1

Langa ava li likumi na vaviri, na a va ha amaha netsingulu ku mademone gosi, nokuhonnya tsinkudzo.

Vikolwa 11:19

Kunangwa yava va salanywa kigira lidambidzwa lya twulira ku Stefano, va tsia kuduka kali Foinike na Kuporo, na Antiokia, si va volera mundu likuva navutswa Avayuda veng'ine.

Vikolwa 13:2

Navo lwa va li ni va tumekira Mwami, ni va honga lilia, Roho Mutakatifu ya va volera, Mu ntwulidzire Baranaba na Saulo kigira miyinzi gya mba langira.

Vikolwa 13:4

Kunangwa navo, va tumwa na Roho Mutakatifu va sulunguta kuduka Seleukia; na kutwula yaho va nina mu bwato va tsia Kuporo.

Vikolwa 20:28

Mwelinde kandi mu linde kyayo kyosi, kya Roho Mutakatifu a mu kola mu ve avalolekidzi, mu duke kulageridza livugana lya Nyasaye lya yegulira namasahi gege mwene.

Vikolwa 22:21

Navutswa ya mbolera, Tsia: kigira nda ku tuma u tsie hale kuduka ku Tsihiri.

Vikolwa 8:4

Kigira yaga yava ava salana va vodonkana ni vilwadza likuva yili.

1 Vakorintho 12:28

Kandi Nyasaye ya vika avalala mu livugana, vokutanga avatumwa, avakaviri navaprofeta, avakavaka va veye avegidzi, kandi likola miyinzi gyokugenya, kandi vihaanwa vyokuhonnya avalwaye, kandi ubukonyani, kandi lya meha, kandi tsing'ano tsyetsinimi.

1 Vakorintho 15:10

Navutswa kigira tsimbabasi tsya Nyasaye mbeye kuli mbeye: kandi tsimbabasi tsitsye tsya nda hebwa si tsi veye tsya vutswa; navutswa inze nda kola miyinzi kuvita vosi: navutswa si ya li inze, navutswa tsimba basi tsya Nyasaye tsya li halala na inze.

2 Vakorintho 6:1

Muye. Na kwinye ku yinzira halala naye ku mu goonya kandi mu ta vugula tsimbabasi tsya Nyasaye tsi ve tsya vutswa.

Vafilipi 2:21

Kigira vosi venya vyavo avene, si venyanga vindu vya Yesu Kristo.

Vafilipi 2:25

Navutswa nda lola ga ndukira kutuma ku mwinye Epafradito, amitu wange, wa ku sangi naye miyinzi, kandi musikari halala na inze, naye nu mutumwa wenyu, kandi mutumiki ku budaka bwange;

Vafilipi 2:30

kigira ku miyinzi gya Kristo ya li himbi likudza, ya vika livamwoyo lilye mu buhimwa a duke kwizulitsa kya gehera mu litumika lyenyu ku inze.

Vakolosai 1:29

Na inze nkola miyinzi kigira gene yaga, nokwidinyeridza kuli likola lilye, lya a kolanga netsingulu mu inze.

Vakolosai 4:12

Epafara, u veye mulala ku mwinye, mutugwa wa Kristo Yesu, a mu chelidza, weguluhidzanga mu lisaala madiku gosi kigira mwinye, mu duke kusingira avadukiru navekilema mwoyo ligali mu bulaliri bwosi bwa Nyasaye.

1 Vatesalonike 2:9

Avamitu vetu kigira mwidzulitsa linyankana lyetu nobusaliri: ku kolanga miyinzi ubu diku nombasu ku vule kumina mundu kali mulala ku mwinye, kwa mwilwadzira ivangeli ya Nyasaye.

1 Vatesalonike 5:12

Navutswa ku goonya mwinye, avamitu, mu manye yavo avanyankanira mu miyinzi hagati henyu, nokuva avanene venyu mu Mwami, nokuva avagerehidzi venyu;

2 Vatesalonike 3:1

Inyima, avamitu, mu ku saalire, likuva lyo Mwami li lande bwangu nokwidzominywa, kuli li veye mu mwinye,

1 Timoteo 4:10

Kigira yaga ku yinziranga nokweguluhidza, kigira ku suuvira Nyasaye u veye mwoyo, u veye Muhonnyi wavandu vosi, kuvita wa yava avasuuviri.

2 Timoteo 4:5

Navutswa ive, weli nde ku vyosi, wekudzire ku budinyu, u kole miyinzi gyomwilwadzi wevangeli, u dukidze ubutumwa bubwo.

Filemona 1:1

Paulo, muhambe wa Kristo Yesu, na Timoteo amitu wetu, ibaruu a yetu yiyi i duke ku muyanze wetu Filemona muyinziri halala nekwinye,

Vahebraina 3:6

navutswa Kristo kuli mwana ku inyumba yeye; wenyumba yeye i veye kwinye, ni ku va ni ku gumira ubuluviriri bwetu nelidzominya lyelisuuviridzwa lyetu netsingulu, kuduka ku kiheri.

Likunula 2:1

U ng'odere ingelosi welivugana lya Efeso: Yivi nivyo vya uyu u veye netsing'ereng'ani tsitano na tsiviri mu mukono gwigwe mulungi, u gendanga hagati hevinara vyethahabu vitano na viviri vyetsitaya, a volanga: