Luka 10:19 - KITABU KITAKATIFU

¹⁹ Henza, mmali kumuha tsingulu kuduvaga tsinzoka neng'e, kandi ku tsingulu tsyosi tsyomusigu: kandi si ha li nekindu ki li mwononnya kali hakuzu.

Luka 10:19 ပူးပေါင်းရင်းမြစ်များ

2 Kyetsinyinga 10:11

Na kalunu kuli dada wange ya mu dwika inira indiduhu, inze nda meda inira yenyu: dada wange ya mu kuya netsinkova navutswa inze nda mu kuya netsing'e.

Zaburi 91:13

U la duvaga king'ang'a na kihirigoma: U la duvagira king'ang'a kisoleli na inzoka isi wevirenge.

Isaya 11:8

Na mwana u nu nanga a la kina ku mwanka gwenzoka, nomwana wa luguhira a la vika mukono gwigwe mu luhangaywa lwekihirigoma.

Ezekieli 2:6

Na ive, mwana womundu, u ta tia avandu yavo mba, kandi u ta tia amakuva gavo mba, kali amafwa nolutavati ni vi veye halala nive, na ive u menya nga hagati ha tsing'e: u ta tia amakuva gavo, kandi u ta timuka enkola kigira lifwana lyavo, kali ni va veye inyumba yebaala.

Marko 16:18

va la ginga tsinzoka, kandi ni va nwa kindu kyokwiita si ki nyala ligali kuvononnya mba; va la vika makono ku valwaye, na va la hona.

Luka 11:12

Kinga na a saaya libuyu a mu he tsing'e?

Vikolwa 28:5

Navutswa mwene yuha kindu mu muliru, kandi si ya lola kivi.

Varumi 16:20

Nyasaye wemirembe a la syonola Setani isi wevirenge vyenyu kalunu ndi. Tsimbabasi tsyo Mwami wetu Yesu Kristo tsi ve nemwinye.

Likunula 11:5

Kandi ku vosi mundu ni yenya kuvononnya, muliru gu twula mu minwa gyavo nokulia avasigu vavo; kandi ku vosi mundu ni yenya kuvononnya ga mu dukira yiitwe ndiyo.