Luka 10:15 - KITABU KITAKATIFU

¹⁵ Nive, Kapernaume, u lidzominywa ku duka mu ligulu? U likidzwa kuduka mu kihadisi.

Luka 10:15 ပူးပေါင်းရင်းမြစ်များ

Litanga 11:4

Kandi va volerana avene na avene, Gendi, kweyombakire avene lidala, na munara, gwobutambi bwagwo bu duka ku ligulu, nokwelombera lieta; gase ku la salanywa ku lirova lyosi.

Isaya 5:14

Kigira yaga Kihadisi ki galaminye ligali likayirwa lyakyo, nokwalaminya munwa gwakyo kuvita kigero; nobukumi bwavo, nobunyingi bwavo, noluyai lwavo, na uyu u sangalanga hagati havo, viyongoveranga mu.

Jeremia 51:53

Kali Babuloni ni yanegira igulu kuduka miguiu, kandi kali ni yelombera lugaga ku budiguluku bwetsingulu tsitsye, navutswa avokudividza va ladza kuye kutwula ku inze, Yahova a vola.

Ezekieli 26:20

hene yaho nda kwikidza hasi halala na yavo avikanga kutsia mbogo, u tsie ku avandu va kale, nda ku kola u menye mugati mwelirova, umu veye umwere kutwula kale, halala na yavo avikanga kutsia mbogo, u vule kumenywa navandu; nda vika ubukumi mu kivala kya yavo ava veye mwoyo.

Ezekieli 31:18

Ive u fwanana na bwaha mu bukumi nomubunene, hagati hemisala gya Edeni? Navutswa u likidzwa hasi mu lirova halala nemisala gya Edeni: u la gona hagati ha vasindi halala na viitwa nekivavi. Uyu niye Farao nobunyingi bwavandu veve, Mwami Nyasaye a vola.

Ezekieli 32:18

Ive mwana womundu, u lirire ubunyingi bwa Egepeti, u va sigise hasi, kali uyu, navakana vetsihiri tsyobukumi, kuduka hasi ligali mu lirova, halala na yavo avikanga mbogo.

Ezekieli 32:20

Va la gwa hagati ha yavo aviitwa nekivavi: uyu wa vikwa ku kivavi; u mu kwese hasi halala nobunyingi bwibwe bwosi.

Ezekieli 32:27

Navo si va la gona halala na yavo avobunyali ava gwa ku yavo avasindi, ava sulunguta mu Kihadisi halala nevyuma vyavo vyobulwani, na va viki vivavi vyavo isi wemitwe gyavo, nobudamano bwavo bu veye ku vigumba vyavo; kigira Da li litihidza lya yavo avobunyali mu kivala kya yavo ava veye mwoyo

Obadia 1:4

Kali ni weduda igulu kuli kihungu, kali inyumba yoyo ni ya vikwa mu tsing'ereng'ani, nda kwikidza hasi kutwula yo, Yahova a vola.

Matayo 10:28

Kandi mu ta tia aviitanga mubiri mba, navu tswa si va nyala kwiita mwoyo: nu bulahi mu tie u nyala kudividza mwoyo kandi mubiri mu gehena.

Matayo 11:23

Nive, Kapernaume, u lidzominywa ku duka igulu? U la tsia kuduka mu Kihadisi: kigira miyinzi gyetsingulu gya kolwa mu ive, gyi va gya kolwa mu Sodoma, nkano li ve ho kuduka lero.

Matayo 4:13

na a twula Nazareti, yadza na a menya Kapernaume, lya li ku luginga lwenyanza, mu tsinzako tsya Zebuloni na Nafitali:

Luka 13:28

Li la va lilira nokudyedyeidza amino, lwa mu li lola Abrahamu, na Isaka, na Yakobo, navaprofeti vosi mu bwami bwa Nyasaye, na mwinye avene mu tebeywi kyova.

Luka 16:23

Kandi mu kihadisi ya li mu lisaliridza ya kunula tsimoni tsitsye na a lola Abrahamu ihale, na Lazaro mu kiritu kikye.

Kwidzulitsa 1:28

Kwanegira kutsia haliha? Avamitu vetu va salulukidzi myoyo gyetu, ni va vola, Avandu yavo va veye avanyingi navatambi kuvita kwinye; namadala ga veye manene, kandi ga veye namadigi kuduka migulu; na kandi kwa lola avana va Anaki va veye ho.

2 Petro 2:4

Kigira Nyasaye na a va ni ya vula kuvererera tsingelosi lwa vona, navutswa ya va ta mu gehena, nokuvavika mu bogo bwekisundi, va lindwe kuduke likalagirwa;