Luka 1:65 - KITABU KITAKATIFU

⁶⁵ Ubutii bwa duka ku vosi ava menya halala navo: amakuva yaga gosi ga landidzwa mu kivala kyosi kyevigulu vye Buyuda.

Luka 1:65 ပူးပေါင်းရင်းမြစ်များ

Matayo 2:1

Inyinga Yesu yivulwa mu Bethlehemu lyo Buyuda mmadiku ga Herodi mwami, henza, Avageeri va twula ivugwe, vadza Yerusalemi, ni va vola,

Luka 1:39

Mu madiku yago Maria ya singira na a tsia bwangu mu kivala kyevigulu, mu lidala lye Buyuda;

Luka 2:18

Vosi ava hulira va genya vindu vyavayi va va volera.

Luka 5:26

Ubugenyi bwa gumira vosi, ni vidzominya Nyasaye; ni vizula ubutii, ni va vola, Lero ku loli vindu vyokugenya.

Luka 7:16

Nobutii bwa gumira vosi, ni vidzominya Nyasaye, ni va vola, Muprofeti munene u vuki mu kwinye: Nyasaye u henzi avandu veve.

Vikolwa 19:17

Yaga ga manyekana ku vosi Vayuda na Vagreki, ava menya Efeso; kandi vosi va gumirwa nobutii, nelieta lyo Mwami Yesu lidzominywa.

Vikolwa 2:43

Ubutii bwa gumira myoyo gya vosi: kandi vyokugenya vinyingi nevilolekidzu vinyingi vya kolwa navatumwa.

Vikolwa 5:11

Ubutii bunene bwa duka ku livugana lyosi, noku vosi ava hulira vindu yivi.

Vikolwa 5:5

Kandi Anania lwa ya hulira amakuva yago ya gwa hasi na a kudza: ubutii bunene bwa duka kuvo vosi ava ga hulira.

Joshua 10:40

Kunangwa Joshua ya duya kivala yikyo kyosi, kyekivala kyevigulu, nekivala kya Kusini, nekivala kyekereremu, nevivala vi diguluku, na avami vavyo vosi: si ya leka kali mulala kutigala, navutswa ya vononya ligali vosi avaheranga, kuli Yahova, Nyasaye wa Israeli, ya laga.

Joshua 10:6

Na avasatsa va Gibeon va tuma vatumwa ku Joshua kuduka hokusosa ha Gilgali, ni va mbolera, U ta lindagiridza mukono gugwo ku avatumekiri vovo; wanegire bwangu ku kwinye, kukuhonnya, nokukukonya: kigira avami vosi va Vaamori ava menyanga mu kivala kyevigulu va ku twulira halala.

Likunula 11:11

Inyima wamadiku gavaka nenusu, mwika gwokuva mwoyo gu twula ku Nya saye gwingira muvo, navo va singira nevirenge; kandi ubutii bunene bwa gumira yavo ava va lola.