Luka 1:51 - KITABU KITAKATIFU

⁵¹ U lolekidzi tsingulu nomukono gwigwe U salanyi avigingiri mu tsiganigani tsyemyoyo gyavo.

Luka 1:51 ပူးပေါင်းရင်းမြစ်များ

Litanga 11:8

Kunangwa Yahova ya va salanya kutwula yaho va tsie ku lirova lyosi: na va leka kwombaka lidala.

Litanga 6:5

Kandi Yahova ya lola ubudamano bwa avandu bwa li bunene ku lirova, kandi lisaavira lyosi na tsinganagani tsyomwoyo gwavo tsya li ubudamano bwere kazozo.

Litanga 8:21

Na Yahova ya hulira mwayu munolu; na Yahova ya vola mmwoyo gwigwe, Si nda laama lirova kandi kigira avandu, kigira tsiganagani tsyomwoyo gwavandu tsi veye tsindamano kutwula bwana boke; kandi si nda kuya kandi vyosi vi veye mwoyo, kuli nda kola.

Zaburi 118:15

Mwoyo gwelisangala na gwobuhonnyi gu veye mu mahema gavalungi: Mukono mulungi gwa Yahova gu kolanga vyetsingulu.

Zaburi 33:10

Yahova a kolanga litovola lya vetsihiri kuva vutswa; Kandi a kolanga tsiganagani tsya avandu kuvula kukola kindu.

Zaburi 52:9

Nda santidza ive mihiga nemihiga, kigira wa ga kola; Na nda lindirira lieta lilyo, kigira li veye lilahi, imbiri wa avatakatifu vovo.

Zaburi 63:5

Mwoyo gwange gu liguta kuli gu veye nobuhaali na maguta Munwa gwange gu la kwidzominya neminwa gyobusangali;

Zaburi 89:10

Ive u shonolannyi Rahabu kuli wiiteywi; U salanyi avasigu vovo nomukono gwetsingulu tsitsyo.

Zaburi 89:13

U veye nomukono gwobunyali; Mukono gugwo gu veye netsingulu, mukono gugwo mulungi gu veye munene.

Zaburi 98:1

Mwimbire Yahova ulwimbu luya Kigira u koli vindu vyokugenya: Kigalo kikye kilungi, na mukono mutakatifu gwigwe gu mu koleye ubuhonnyi.

Kutwula 18:11

Kalunu mmanya Yahova a veye munene kuvita avanyasaye vosi; yee, mu inkuva ya va kola noluyai kuvo.

Isaya 40:10

Henza, Mwami Nyasaye a ladza kuli Wanyala, na mukono gwigwe gu leyamehira mwene: Henza, madanyi gege a veye nago halala, na litunga lilye li veye imbiri wewe.

Isaya 51:9

Vuka, vuka, wivike ubunyali, O mukono gwa Yahova; vuka, kuli ga li mu madiku ga kale, mu makula goku matsyambiri. Si a li ive wa kalaga Rahabu vidonye, nokuhudula gunani?

Isaya 52:10

Yahova u vimbuye mukono gwigwe mutakatifu imbiri wetsimoni tsyetsihiri tsyosi; na tsindulu tsyosi tsyelirova tsi la lola ubuhonnyi bwa Nyasaye wetu.

Isaya 63:12

Uyu wa gendidza mukono gwigwe gwobukumi ku mukono mulungi gwa Musa? Uyu watannya amadzi imbiri wavo a duke kwelombera mwene lieta lyemiihiga nemihiga?

Jeremia 49:15

Kigira, henza, nkole ive kuva muke ku tsihiri, nokulegwa mu avandu.

Danyeli 4:37

Kalunu inze, Nebukadinezaru, nzidzominya nokunenehidza nokukuminya Mwami womigulu; kigira miyinzi gyigye gyosi gyi veye gyeligali, na tsinzira tsitsye tsi veye tsinungi; na yavo ava genda nga mu bwigingiri a nyala kuvagehidza.

Varumi 1:21

Kigira kali va manya Nyasaye, si va mwidzominya kuli a veye Nyasaye, kandi va msantidza; navutswa va girunkanywa kuva vutswa mu tsiganagani tsyavo, nemyoyo gyavo gyobusiru gya gwa kisundi.

2 Vakorintho 10:5

kutsoma hasi mahangali na vyosi vi veye igulu, vi hing'ananga nelimanya lya Nyasaye, nokulanya tsiganagani tsyosi nokutsivika mu lihulira Kristo;

Kwidzulitsa 4:34

Kinga inyinga ki Nyasaye ya tsia kwevugulira ihiri hagati hehiri yindi, neligeridza, nelilolekidza, nevyokugennya, nobulwani, nomukono gwetsingulu, nomukono gwanyirika, nelitihidza linene, kuleng'ana navyosi vya Yahova Nyasaye wenyu ya mu kolera Egepeti imbiri wetsimoni tsyenyu?

1 Petro 5:5

Kandi ndiyo mwinye avanyerere, mwegehidze ku vakulundu venyu. Kandi mwinye vosi mwivike ubwegehidzi, mu duke kutumekirana avene navene: kigira Nyasaye a hingiranga avigingiri, navutswa avegehidzi a va hedzanga tsimbabasi.

Likunula 18:8

Kigira yaga liduywa lyalyo li la duka ku lidiku lilala, nalyo li veye likudza, neliverera nenzala; kandi li la sambwa nomuiiru ligali; kigira Mwami Nyasaye wa li kalagira a veye netsingulu.