Luka 1:19 - KITABU KITAKATIFU

¹⁹ Ingelosi ya tivula na a mu volera, Inze mbeye Gabirieli u singiranga imbiri wa Nyasaye; ntumeywi kuvolerana nive nokukuletera amakuva malahi yaga.

Luka 1:19 ပူးပေါင်းရင်းမြစ်များ

Danyeli 8:16

Na nda hulira mwoyo gwomundu hagati ho mugera gwa Ulai, gwa langirira, nokuvola, Gabirieli, Lungika mundu uyu malola.

Matayo 18:10

Mu henze mu ta lega mulala ku vakekeke yava: kigira mmu volera, mwigulu tsingelosi vavo va hongera kulola mtsimoni tsya Dada wange u veye migulu.

Luka 1:20

Henza, ive u la va idimbidi, si u li nyala kuvola, kuduka ku lidiku lya yaga ga li kolwa, kigira si wa suuvira amakuva gange, aga li kolwa inyinga yago.

Luka 1:26

Mu mweli gwa kola gyitanu na mulala ingelosi Gabirieli ya tumwa kutwula wa Nyasaye kutsia mu lidala lye Galilaya, lya iangwa Nazareti,

Luka 2:10

Ingelosi ya va volera, Mu ta tia; kigira henza, mmu letera amakuva malahi gobuyanzi bunene ga la va ku vandu vosi:

Luka 21:36

Navutswa mwinye mu linde kazozo, mu saale, mu duke kunyola tsingulu kuhona mu vindu yivi vyosi vi li duka, nokusingira imbiri wo Mwana wa Adamu.

Vahebraina 4:14

Kunangwa kigira ku veye nomusalisi munene wetsingulu wingira na a vita mu ligulu, Yesu Mwana wa Nyasaye, ku gumire ligali lyeyama lyetu.