Luka 1:17 - KITABU KITAKATIFU

¹⁷ A limira imbiri wewe mu mwoyo nomu tsingulu tsya Elija, a giru nkannye myoyo gyavadada ku vana, kandi a vike avatingu mu bugeeri bwavalungi; kutegekera Mwami ava ndu avalombwa.

Luka 1:17 ပူးပေါင်းရင်းမြစ်များ

1 Avami 17:1

Na Elija Mutishibi, wa li mu yavo va menya ha Gileadi, ya volera Ahabu, Kuli Yahova, Nyasaye wa Israeli, a veye mwoyo, wa inze singiye imbiri wewe, si ha la va nelime kinga imbula ku mihiga yigyi, ni ga ta li kuli likuva lyange.

1 Avami 18:18

Naye ya tivula, Si a li inze u dambidzanga Israeli; navutswa ni ive, nenyumba ya dada wowo kigira mu leki lilagana lya Yahova, na ive u londanga Vabaal.

1 Avami 21:20

Ahabu ya volera Elija, U nyoye, O musigu wange? Naye ya tivula, Yee, mali kukunyola, kigira wa gulidza mwoyo gugwo kukola ubu damano imbiri wa Yahova.

2 Avami 1:16

Na ya volera mwami Yahova a ku volera, Kigira ive wa tuma avatumwa va teve ku Baal zebubu, munyasaye wa Ekiron, ga veye kigira si ha veye na Nyasaye mu Israeli u teve likuva lilye? Kigira yaga si u lika kutwula ku kitali kya u nina ku navutswa ligali u la kudza.

1 Kyetsinyinga 29:18

O Yahova, Nyasaye wa Abrahamu, na wa Isaka, na wa Israeli, avaguga vetu, u linde inkuva yiyi madiku gosi, i duke kuva mu tsiganagani tsyeliganagana lyemyoyo gyavandu vovo, u dinyeridze myoyo gyavo ku ive;

2 Kyetsinyinga 29:36

Na Hezekia ya sangala, navandu vosi, kigira ku yaga ga Nyasaye ya lombera avandu: kigira inkuva yiyi ya lombeka nonoho.

Zaburi 10:17

Yahova, ive u huliye liyenya lyavahoma: Ive u la lomba myoyo gyavo, u la tegidza gutu gugwo kuhulira;

Zaburi 111:10

Kutia Yahova ni litanga lyobugeeri; Lihulira lilahi li veye ku vosi ava kolanga malngo gege: Lidzominywa lilye li menyanga mihiga nemihiga.

Zaburi 78:8

Na va vule kuva kuli avaguga vavo Ava li kisukululwi kyobwebaali na kyokutinguha, Kisukululwi kya vula kulungikidza mwoyo gwakyo, Na mwoyo gwakyo si gwa dinya ku Nyasaye mba.

Isaya 29:24

Na yavo ava hyolanga mu myoyo gyavo va la nyola li manya, na yavo va monyanga va legidzwa megidzo.

Amosi 4:12

Kunangwa kigira yaga nda ku kolera ndi, O Israeli; na kigira nda ku kolera yaga, wetegeke kulolana na Nyasaye wowo, O Israeli.

Matayo 11:14

Kandi mwinye ni mwenya kubugirira, uyu niye Elija u lidza.

Matayo 14:4

Kigira Yohana ya mbolera, Ni mugyiru ive kuva naye.

Matayo 3:3

Kigira uyu niye wa Isaya mprofeti ya vola kuye na a vola Mwoyo gwomulala a hanzukanga mwigendanyama, Mu lombe inzira yo Mwami, Mu lungikidze mihanda gyigye.

Matayo 3:4

Yohana mwene ya li nengubo yobwoya bweng'amia, ni yeboha lukova mkikengi kikye; kandi vyokulia vivye vya li tsisigi nobwuki bwomulitu.

Luka 1:16

Avanyingi ku vana va Israeli a la va girunkannya a va yekidze ku Mwami Nyasaye wowo.

Luka 1:76

Yee, kandi ive mwana u la langwa muprofeti wa Uveye Igulu Ligali: Kigira u la tsia imbiri wo Mwami kulomba tsinzira tsitsye;

Yohana 1:13

ava masahi ga tivula mba, kinga ubulaliri bwo mubiri kinga ubulaliri bwomundu, navutswa ubulaliri bwa Nyasaye.

Yohana 1:34

Na inze mmali kulola, kandi mmali kulolekidza a veye Mwana wa Nyasaye.

Yohana 3:28

Mwinye avene mu ndolekidzira, nda vola, Inze si mbeye Kristo, navutswa, nda tumwa imbiri wewe.

Vikolwa 10:33

Nonoho nda tuma avandu ku ive; na ive u koli bulahi udzi. Kalunu kwinye kwosi ku veye hano imbiri wa Nyasaye, kuhulira gosi go Mwami a ku laga.

Varumi 9:23

kandi a duke kumannya ubutugi bwetsimbabasi tsitsye ku viju vyetsimbabasi, vya ya tanga kulomba kuduka mu bukumi,

Vakolosai 1:12

nokusantidza Dada, wa ku kola ava dukana kunyola kidieli kyemiyandu gyavatakatifu mu bu lavu.

2 Timoteo 2:21

Kunangwa mundu ni yetakasa nokweleha yivi, a la va kiju kyelidzominywa, ki takaseywi, ki dukana nemiyinzi gyo Mwami, ki lombeywi ku miyinzi gyosi milahi.

1 Petro 2:9

Navutswa mwinye mu veye likula li tovoleywi ubusalisi bwobwami, ihiri intakatifu, avandu va veye ava Nyasaye mwene mu duke kulang'aminya ubulahi bwibwe, uyu wa mu langa mu twule mu kisundi mu duke mu bulavu bwibwe obweligenya:

1 Yohana 2:28

Kandi kalunu, avana vakekeke vange, menyi muye; kandi na a va na a lolekidzwa ku ve nobuluviriri, kandi ku ta va netsitsoni imbiri wewe ku liduka lilye.

Likunula 20:4

Kandi nda lola tsintebe, navo avikala kutsyo, va hebwa likalaga; kandi nda lola myoyo gya yavo ava kalagwa mitwe kigira lilolekidza lya Yesu, kandi kigira likuva lya Nyasaye, kandi gya yavo ava vula kusigamira inyama, kinga kifwananyi kikye, kandi va vula kuvugula kyokumanyirwa mu bweni bwavo, kinga mu makono gavo; navo va veye mwoyo, nokwameha halala na Kristo mihiga elfu.

1 Samweli 7:5

Na Samweli ya vola, Israeli vosi va vugane halala ha Mizipa, na inze nda saalira mwinye ku Yahova.