Luka 1:15 - KITABU KITAKATIFU

¹⁵ Kigira a la va munene imbiri wo Mwami, si a li nwa iwaini namalwa mba; a lizula Roho Mtaka tifu, kutwula munda mwa mama wewe.

Luka 1:15 ပူးပေါင်းရင်းမြစ်များ

Litanga 12:2

na nda kola Ive u ve ihiri inene, na nda ku gasidza, na nda kola lieta lilyo li ve linenena ive u ve ubugasu:

Litanga 48:19

Na dada wewe ya sula, na a vola, Mmanya, mwana wange, mmanya; uyu kandi a la gwa ihiri, kandi a la va munene: navutswa amwavo wewe muke a la va munene kuvita uyu, na kisukululwi kikye ki la gwa ubunyingi bwetsihiri.

1 Kyetsinyinga 17:8

na nda li halala nive hosi ha wa tsia, na nda kalaga vasigu vovo vosi imbiri wowo; na nda manya nkulo mbere lieta, kuli lieta lyavanene va veye mu lirova.

1 Kyetsinyinga 29:12

Ubutugi nelidzominywa vi twula ku ive, na wamehanga ku vindu vyosi; tsingulu nobunyali vi veye mu mukono gugwo; nomu mukono gugwo gu nyoleranga vosi ubunene netsingulu.

Zaburi 22:9

Navutswa ni ive wa ntwulidza mmunda; Wa nsuuviridza, lwa nda li ku tsimbeere tsya mama wange.

Jeremia 1:5

Kutwula ni nkikiri kukulomba munda nda ku manya, kandi nu u kikiri kutwula munda nda ku takasa; nda ku vika u ve mprofeti kuprofetera avetsihiri.

Jeremia 35:6

Navutswa va vola, Kwinye si ku la nwa iwaini mba: kigira Jonadabu mwana wa Rekabu, guga wetu, ya ku ha lilaga, na a vola, Mu ta nwa iwaini mba, mwinye kinga avana venyu kuduka mihiga nemihiga:

Kyavalevi 10:9

U ta nwa iwaini, kinga kyokuhambikidza, ive, kinga avana vovo halala nive, lwa mwingira mu lihema lyokuvuganira mu, mu vule kukudza: yili li la va lilaga lyemihiga nemihiga mu visukululwi vyenyu vyosi:

Zekaria 9:15

Yahova wa mahe a la va sola; na va la lia nokuduvaga magina ga laswa nolu kova; na va la nwa, nokukupa liyoga kuli lyewaini; na va lizula kuli tsi ndavo, kali mu tsikona tsyobwali.

Luka 1:14

U la ka ve nobuyanzi nobusangali, kandi vanyingi va la sangala ku livulwa lilye.

Luka 7:28

Mmu volera, Kuvo vavakali vivula si ha li no u vita Yohana: navutswa u veye mukekeke vutswa mu bwami bwa Nyasaye a veye munene kuvita uyu.

Luka 7:33

Kigira Yohana Mubatidzi yadza si ya lagira ubukima kandi si ya nwa iwaini; na mwinye mu vola A veye nelidemone.

Yohana 5:35

Uyo ya li itaya yokwaaduka nokung'ereng'ana; mwinye mwa yanza kusangala mu bulavu bwibwe inyinga inkekeke.

Vikolwa 2:4

Kandi vizula vosi Roho Mutakatifu ni va tanga kuvola netsinimi lugano lugano, kuli Roho ya va ha livola.

Vagalatia 1:15

Navutswa lwa Nyasaye uyu wa nzahula kutwula munda mwa mama wange, kandi wa nanga ku tsimbabasi tsitsye, kuli lwa ya lola bulahi,

Vafeso 5:18

Kandi mu ta hambika iwaini i veye nekivihiri, navutswa mwizuye Roho.

Joshua 3:7

Na Yahova ya volera Joshua, Lero ndi nda tanga kukukuminya imbiri wetsimoni tsya Israeli vosi, va duke kumanya, kuli nda li halala na Musa, ni ndiyo nda va halala nive.

Joshua 4:14

Ku lidiku yilyo Yahova ya kuminya Joshua imbiri wetsimoni tsya Israeli vosi; navo va mu tia, kuli wa va tidzanga Musa, madiku gosi gelivamwoyo lilye.