Luka 1:13 - KITABU KITAKATIFU

¹³ Navutswa ingelosi ya mu volera, U ta tia, Zekaria: kigira lisaala lilyo li huleywi, kandi mukali wowo Elisabeti a la kwivulira mwana muyai, lieta lilye, u la mu gulika Yohana.

Luka 1:13 ပူးပေါင်းရင်းမြစ်များ

Litanga 17:10

Yili ni lilagana lyange, lya mu la gumira, hagati hange na mwinye na visukululwi vivyo inyima wowo: avasatsa vosi va veye ku mwinye sa mulala va la kevwa.

Litanga 17:19

Nyasaye ya vola, Auwa, navutswa Sara mukali wowo a la kwivulira mwana; na u la mu gulika lieta lilye Isaka, na nda singeridza lilagana lyange naye kuva lilagana lyemihiga nemihiga noku visukululwi vivye inyima wewe.

Litanga 18:14

Ha veye nekindu ku vyosi ki nyala kutama Yahova? Ku inyinga ya lagwa ndirana ku ive, lwa tsinyinga tsi duka, na Sara a la nyola mwana muyai.

Litanga 25:21

Na Isaka ya saalira mukali wewe ku Yahova, kigira ya li mugumba: na ya mu hulira, na Rebeka mukali wewe ya vereka.

Zaburi 113:9

A kolanga mugumba kulinda inyumba yeye, Nokuva mama wobusangali wa avana. Mwidzominye Yahova.

Zaburi 118:21

Nda ku santidza; kigira ive u ntivuliye, Nokugwa ubuhonnyi bwange.

Isaya 8:3

Na nda tsia ku muprofeti mukali; naye ya vereka, na yivula mwana muyai. Hene yaho Yahova ya mbolera, U gulike lieta lilye Maherishalalihashi bazu.

Danyeli 10:12

Ma ya mbolera, Danyeli, u ta tia mba; kigira kutwula ku lidiku lya wa tanga kusaavira limanya, nokwegehidza imbiri wa Nyasaye wowo, amakuva gogo ga hulirwa: na inze nduki kigira makuva gogo.

Hosea 1:4

Na Yahova ya mu volera, U mu gulike lieta lilye Jezireeli; kigira i kikiri inyinga inkekeke, nda vanza kisalya amasahi ga Jezireeli ku inyumba ya Jehu, na nda heridza ubwami bwenyumba ya Israeli.

Hosea 1:6

Na umukali uyu ya vereka kandi, ni yivula mwana mukana. Na Yahova ya mu volera, U mu gulike lieta lilye Loruhama; kigira si nda vererera inyumba ya Israeli kandi mba, mbule kuvasameha ligali.

Matayo 1:21

Naye a livula mwana muyai; na ive u la mu gulika lyeta lilye YESU; kigira uyu niye u li honnya avandu veve va twula mu bwoni bwavo.

Matayo 14:27

Nonoho Yesu ya va volera, na a vola, Mweleminye mu myoyo; ninze; mu ta tia mba.

Matayo 28:5

Ingelosi ya tivula na a volera avakali, Mu ta tia mba, mwinye; kigira mmanya mwenya Yesu wa bambwa.

Marko 16:6

Ya va volera, Mu ta genya mba: mwenya Yesu Munazareti, wa bambwa. U simuguki; si a veye hano mba: henzi ha va mu vika.

Luka 1:14

U la ka ve nobuyanzi nobusangali, kandi vanyingi va la sangala ku livulwa lilye.

Luka 1:30

Kandi ingelosi ya mu volera, U ta tia, Maria kigira Nyasaye u ku vereye tsimba basi.

Luka 2:21

Madiku gatanu na gavaka, lwa ga duka ga va mu kevera mu, lieta lilye lya gulikwa YESU, kuli wengelosi ya mu gulika, na a kikiri kuverekwa.

Vikolwa 10:31

naye ya mbolera, Kornilyo, lisaala lilyo li hulirwa, netsisadaka tsitsyo tsidzulitswa imbiri wa Nyasaye.

Vakalagi 6:23

Na Yahova ya mu volera, Mirembe gyi veye ku ive; u ta tia mba: si u la kudza mba.

1 Samweli 2:21

Na Yahova ya gasidza Hana, naye ya li inda, naye yivuln avana vavaka vayai navakana vaviri. Na uyu mwana Samweli ya viruka imbiri wa Yahova.