Livalidza 2:2 - KITABU KITAKATIFU

² avana va Israeli va lombaka sa mulala himbi nebendera yeye mwene, halala nevilolero vyetsinyumba tsyavaguga vavo: ku tsindulu tsyelihema lyokuvuganira mu, va lombaka mahema gavo kulikumbiridza.

Livalidza 2:2 ပူးပေါင်းရင်းမြစ်များ

Zaburi 74:4

Avasigu vovo va humi mu livu gana lilyo; singeridzi tsibendera tsyavo kuva lilolekidza.

Zaburi 76:11

Mu lagane na Yahova Nyasaye wenyu, na mu tunge: Vosi ava mu kumbiridza, va lete vihaanwa ku uyu u tibangwa.

Isaya 12:6

U hanzuke ligali, kupe lwanga, ive u menyanga mu Zioni; kigira Mutakatifu wa Israeli a veye munene ligali hagati hoho.

Isaya 18:3

Mwinye vosi avamenyi mu lirova, na mwinye avamenyi ku kivala lwa ibendera i sungwa igulu ku viguiu, mu lole; na lwa kisiliva ki kupwa, mu hulire.

Ezekieli 43:7

Naye ya mbolera, Ive mwana womundu, hano ha veye ha intebe yange yobwami, na ha tsinduvatiru tsyevirenge vyange, ha inze nda menya hagati ha avana va Israeli mihiga nemihiga. Na inyumba ya Israeli il a vula kwononnya lieta lyange litakatifu kandi, yava, kinga avami vavo, ku makuva gavo ga malaya, noku mibiri mikudzu gyavami vavo mu hadiguluku havo;

Zekaria 9:16

Na Yahova Nyasaye wavo a la va honnya mu lidiku yilyo kuli kyayo kyavandu veve; kigira va la va kuli magina getaji ga gingwa igulu ligali ku kivala kikye.

Livalidza 1:50

navutswa u la vika Avalevi ku lihema lyelilolekidza, noku viju vyalyo, noku vyosi vi veye kulyo: navo va la ginga lihema, na viju vyosi vyalyo; na va la tumekira kulyo, navo va lombaka mahema gavo kukumbiridza lihema litakatifu.

Livalidza 10:14

Na mu litanga ibendera ya mahema ga avana va Yuda, ya samula kuli amahe gavo: na Nahashoni mwana wa Aminadabu ya li munene ku lihe lilye.

Livalidza 10:18

Na ibendera ya amahema ga Rubeni ya samula kutsia imbiri kuli amahe gavo: na igulu ku lihe lilye munene ya li Elizuru mwana wa Shedeuru.

Livalidza 10:22

Na ibendera ya mahema ga avana va Efiraim ya samula kutsia imbiri kuli amahe gavo: na ku lihe lilye munene ya li Elishama mwana wa Amihudu.

Livalidza 10:25

Na ibendera ya mahema ga avana va Dan, ga li inyima wa mahema gosi, ya samula kuli amahe gavo: na ku lihe lilye munene ya li Ahiezeru mwana wa Amishadai.

Livalidza 2:1

Na Yahova ya volera Musa na Haruni, na a vola,

Livalidza 2:10

Ku luvega lwa kusini ha la va ibendera ya hokusosa ha Rubeni kuli amahe gavo: na munene wa avana va Rubeni a la va Elizuru mwana wa Shedeuru.

Livalidza 2:3

Na yavo avombaka ku luvega lwevugwe kuhenza ku litwulira lyeliuva va la va avebendera ya Yuda, kuli amahe gavo: na munene wa avana va Yuda a la va Nahashoni mwana wa Aminadabu.

Livalidza 24:2

Na Balaam ya ginga tsimoni tsyitsye, na a lola Israeli va menyanga kuli tsihiri tsyavo; na Roho wa Nyasaye ya duka kuye.

1 Vakorintho 14:33

kigira Nyasaye si a li Nyasaye wekivihiri, navutswa wemirembe; kuli ga veye mu mavugano gosi ga vatakatifu.

1 Vakorintho 14:40

Navutswa vindu vyosi vi kolwe kuli wa ga dukanga, kandi kuli miima milahi.

Vafilipi 1:27

Geng'ine limenya lyenyu li ve kuli wa li dukiranga ivangeli ya Kristo: ni mba ni nzidza kumulola naho ni mba ni nta va ho, mbulire amakuva genyu, mu singiranga nobuluviriri mu roho mulala, nomwoyo mulala mu lwana kigira lisuuvira lyevangeli;

Vakolosai 2:19

u vuli kugumira Mutwe, kugwo mubiri gwosi, gu gasidzeywi nokuhambanywa halala kigira vyungu vyagwo nemigoye gyagwo, gu medekanga ku limeda lya Nyasaye.

Joshua 3:4

Navutswa ubwiyangu bu la va yo hagati helisanduku nemwinye, bweligera lyamakono tsielfu tsiviri: mu ta tsia himbi nalyo mba, mu duke kumanya inzira i mu dukiranga kutsia kuyo; kigira mwinye mu kikiri kugenda ku inzira yiyi.