Litanga 8:21 - KITABU KITAKATIFU

²¹ Na Yahova ya hulira mwayu munolu; na Yahova ya vola mmwoyo gwigwe, Si nda laama lirova kandi kigira avandu, kigira tsiganagani tsyomwoyo gwavandu tsi veye tsindamano kutwula bwana boke; kandi si nda kuya kandi vyosi vi veye mwoyo, kuli nda kola.

Litanga 8:21 ပူးပေါင်းရင်းမြစ်များ

Litanga 3:17

Kandi ya volera Adamu Kigira ive u huliye livola lyomukaii wowo, na u liye ku musala, gwa nda ku laga, ni mbola, U ta lia kugwo: marova ga laameywi kigira ive; u la lia vyokulia vivyo mu liyinzira lidinyu madiku gosi gelimenya lilyo lyosi;

Litanga 4:12

kutwula kalunu lwa u lima, si li la leta ku ive tsingulu tsyalyo; u la va mwivisi nomugendagendi ku lirova.

Litanga 5:29

na a mu gulika lieta lilye Nuhu na a vola, Uyu a la leminya myoyo gyetu mu miyinzi gyetu nomu likola lya makono getu, kigira lirova lya Yahova ya laama.

Litanga 6:13

Kandi Nyasaye ya volera Nuhu, Kiheri kya vyembiri vyosi ki duki imbiri wange; kigira lirova lizuye kirage kigira yivyo; kunangwa, henza, nda vi dividza halala nelirova.

Litanga 6:17

Kandi inze, henza, inze ndesanga amadzi manene ku lirova kudividza vyemibiri vyosi vi veye nomwika gwelivamwoyo muvyo vi twule isi weligulu; vyosi vi veye ku lirova vi la kudza.

Litanga 6:5

Kandi Yahova ya lola ubudamano bwa avandu bwa li bunene ku lirova, kandi lisaavira lyosi na tsinganagani tsyomwoyo gwavo tsya li ubudamano bwere kazozo.

Litanga 6:7

Na Yahova ya vola, Nda gotidza avandu ava nda lomba, va twule ku lirova; vyombi avandu na tsinyama, na vimolanga, na manyonyi gegulu; kigira ndeganira ku lilomba lyavyo.

Ayubu 14:4

Ni bwaha u nyala kutwulidza kindu kinifu ku kidamano? Si ha veye nonyala.

Zaburi 51:5

Henza, ndivulwa mu liva lyobwoni; Kandi mama wange ya mbereka mu bwoni.

Zaburi 58:3

Avadamano va veye avageni kutwula munda: Va tsia haluvega kutwula livulwa lyavo, ku livola ububehi.

Zaburi 58:4

Ubusungu bwavo bu veye kuli busungu bwenzoka: Va fwana kihirigoma ki ta hulira kya hana amatu,

Kutwula 29:18

Na u la samba ligondi likole lyosi ku bwali: li veye kihaanwa kyokusambirwa Yahova: ki veye kyafunya mwayu, kihaanwa ki sambeywi nomuliru ki ve kya Yahova.

Kutwula 29:25

Na u la vi twulidza ku makono gavo, nokuvisamba isadaka iveye ku bwali bwokusamba vihaanwa, vi ve vifunya vilahi imbiri wa Yahova: ki veye kihaanwa kyokulombwa no muliru ku Yahova.

Tsing'ano 20:9

Ni bwaha u nyala kuvola, Mmali kulavidzwa mwoyo gwange, Mbeye munifu ku ubwoni bwange?

Kohelethu 7:20

Ligali si ha veye nomundu wobu geeri mulala ku lirova, u kolanga bulahi, nokuvula kukola ubwoni.

Isaya 47:12

Kalunu singira nobusegetiri bubwo, nobunyingi bwobukumu bubwo, bwa wa nyakana ku kutwula bwana buke; mbu'a u la nyala kukonywa, mbula u la guuta.

Isaya 47:15

Ni ndiyo vindu yivi vya wa nya nkana ku vi la va ku ive: na ava gulana nive kutwula busoleli bubwo va la gotera sa mulala ku luvega lwi lwe, si ha la va nomundu kukuhonnya.

Isaya 48:8

Yee, si wa hulira; yee, si wa manya; yee, ugutu gugwo si gwigulika kutwula kale: kigira inze nda manya u veye wokukola ubugadi bunene, na walangwa muhyoli kutwula mu livulwa lilyo.

Isaya 53:6

Kwinye kwosi ku goti kuli magondi; ku girunkani sa mulala a londa inzira yeye; na Yahova a mu dwika ubudamano bwetu kwosi.

Isaya 65:6

Henza, likuva yili li ng'odeywi imbiri wange: si nda kiring'ana, navutswa nda tunga amaanyi, yee, nda tunga amadanyi gavo mu viritu vyavo,

Jeremia 17:9

Mwoyo yigwo nogwobugadi kuvita vindu vyosi, gu veye nobudekeranu buvitiriru: ni bwaha a nyala kugumanya?

Jeremia 18:12

Navutswa va vola, Si ha veye nelisuuvira, kigira kwinye ku la tsia kulonda tsiganagani tsyetu avene, na ku la kola sa mulala ku kwinye kuli ubukyamu bwomwoyo gwigwe mudamano.

Jeremia 8:6

Nda huliridza, ni mbulira, navutswa si va vola bulungi: si ha veye nomundu kali mulala weganira ku ubudamano bwibwe, nokuvola, Nkoli ki? Sa mulala a gumiranga lugendo lwilwe mwene, kuli iparasi i gendanga tsimbiru kwingira mu bulwani.

Ezekieli 20:41

Irze nda bugirira mwinye kuli umuhomo gu yanzidzanga, lwa ntwu lidza mwinye mu vandu, nokumu vungidza mu twule mu vivala vya mwa salannywa mu: na nda takaswa mu mwinye imbiri wetsimoni tsyetsihiri.

Kyavalevi 1:13

navutswa amala na virenge a la vyogidza namadzi. Na musalisi a la haana vyosi, nokuvisamba ku bwali: ki veye kihaanwa kyokusambwa, kihaanwa kyokuhaanwa nomuliru, kyokufunyira Yahova mwayu.

Kyavalevi 1:17

na a la li tandula netsimbaha tsyalyo, navutswa si a la lyavukanya vidonye viviri mba. Na musalisi a la li samba ku bwali, ku tsinku tsi veye ku muliru: ki veye kihaanwa kyokusambwa: kihaanwa kyokuhaanwa nomuliru, kyokufunyira Yahova mwayu.

Kyavalevi 1:9

navutswa amala gayo na virenge vyayo a la vyogidza: na musalisi a la samba vyosi ku bwali, kuva kihaanwa kyokusambwa, ki haanwa nomuliru, kyokufunyira Yahova mwayu.

Kyavalevi 26:31

Na nda kola madala genyu ga gwe vyanyi, na hatakatifu henyu, nda kola hatswa, na si nda funyeridza lifunya lyomwayu gwenyu.

Kyavalevi 4:31

Na a la twulidza itinya yakyo yosi, kuli itinva: twulidzangwa ku kihaanwa kyemirembe; na musalisi a la gi sambira ku bwali i ve mwayu ku Yahova; na musalisi a la lombera uyu kyokukunika ubwoni, na a la samefwa.

Kyavalevi 8:28

Na Musa ya vi vugula mu makono gavo, nokuvisamba ku bwali ku kihaanwa kyokusambwa: vya li vyokutakasa, vi ve mwayu; kya li kihaanwa kya lombwa nomuliru ku Yahova.

Livalidza 15:3

ni mwenya kuhaana ku Yahova kihaanwa kyomuliru, kihaanwa kyokusambwa, kinga kihaanwa kyokwiitwa kudukidza lilagana, kinga ni ki veye kihaanwa kyobuyanzi, kinga mu madiku manene genyu gamalia genyu, kulombera Yahova mwayu mulahi, kihaanwa kyetsing'ombe kinga kyamagondi;

Matayo 15:19

Kigira mmwoyo vi twula tsiganagani tsi ndamano, neliluminda, nobuheyi, nokutsia mbakana, nobwivi, nobugini, nobunyegi:

Yohana 3:6

Kyomubiri gwivula nu mubiri; kandi kya Roho yivula ni roho.

Varumi 1:21

Kigira kali va manya Nyasaye, si va mwidzominya kuli a veye Nyasaye, kandi va msantidza; navutswa va girunkanywa kuva vutswa mu tsiganagani tsyavo, nemyoyo gyavo gyobusiru gya gwa kisundi.

Varumi 3:23

Kigira vosi va kola ubwoni, va vula kuduka ku ubukumi bwa Nyasaye;

2 Vakorintho 2:15

Kigira ku veye muhomo mulahi gwa Kristo ku Nyasaye, mu yava ava honyanngwa nomu va divanga;

Vafeso 5:2

kandi mu gende mu buyanzi, kuli Kristo kandi ya mu yanza, na a haana livamwoyo lilye kigira kwinye, kihaanwa nesadaka ya Nyasaye i veye mwayu gwelifunya lilahi.

Vafilipi 4:18

Navutswa mbeye nevindu vi duki kandi vi viti: kandi nziguti, mmali kunyola vindu vya twula ku mwinye mu makono ga Epafradito, vi veye mwayu gwelifunya lilahi, vi veye isadaka yokubugirirwa kandi yokuyanzidza Nyasaye.

1 Yohana 5:19

Ku manya ku veye ava twula ku Nyasaye, kandi avomkivala vosi va gona mu mudamano.

1 Samweli 26:19

Kunangwa kalunu, nku saala, munene wange mwami u hulire makuva gomutumwa wowo. Na a va na a veye Yahova u vukidzi ive ku inze, a vugule kihaanwa: navutswa ni va va ni va veye avana vavandu, va laamwe imbiri wa Yahova; kigira va nkungi lero, mbule kuhambana nemiyandu gya Yahova, ni va vola, Tsia u tumekire avanyasaye vandi.