Litanga 6:9 - KITABU KITAKATIFU

⁹ Yivi ni visukululwi vya Nuhu. Nuhu ya li mundu mulungi, nomudukiru mu likula lilye: Nuhu ya genda halala na Nyasaye.

Litanga 6:9 ပူးပေါင်းရင်းမြစ်များ

Litanga 10:1

Yivi ni visukululwi vya avana va Nuhu, vya Shem, Ham, na Jafethu: na avana avayai vivulwa kuvo inyima wa madzi manene.

Litanga 17:1

Na lwa Abram ya duka mihiga makumi gatano na gane, na gyitano na gyine, Yahova ya loleka ku Abram, na a mu volera, Mbeye Nyasaye Wanyala Vyosi; Genda imbiri wange, na u ve mudukiru.

Litanga 2:4

Yivi ni visukululwi vyeligulu na vyelirova ku lidiku lya Yahova Nyasaye ya lomba lirova ne ligulu.

Litanga 48:15

Naye ya gasidza Yosefa, na a vola, Nyasaye wavaguga vange Abrahamu na Isaka va genda imbiri wewe, Nyasaye wa ndageridza mu buhindiri bwange bwosi kuduka lero,

Litanga 5:1

Yiki ni kitabu kyevisukululwi vya Adamu. Mu lidiku lya Nyasaye ya lomba mundu, mu lifwanana lya Nyasaye ya mu lomba;

Litanga 5:22

na Enoka ya genda halala na Nyasaye inyima wokwivula Methusela mihiga tsimia tsivaka, na yivula avayai navakana:

Litanga 5:24

na Enoka ya genda halala na Nyasaye: na si ya loleka; kigira Nyasaye ya mu yugula.

Litanga 6:10

Na Nuhu yivula avana vabaka avayai, Shem, na Ham, na Jafethu.

Litanga 7:1

Kandi Yahova ya volera Nuhu, Hamba, wingire mu liatu, ive navenyumba yoyo vosi; kigira ndoli ive u veye mulungi imbiri wange mu likula yili.

2 Samweli 22:24

Nda li mudukiru imbiri wewe; Nzegaya ku ubukyamu bwange.

1 Avami 3:6

Na Solomoni ya tivula, na a vola, Ive wa kolera Daudi dada wange, mutumekiri wowo, ubulahi bunyingi, kuli ya genda imbiri wowo mu geligali, nombulungi, nomubulahi bwomwoyo halala nive; na ive wa mu vikira ubulahi yibu bunyingi, kigira wa mu ha mwana kwikala ku intebe yeye yobwami, kuli ga veye lero.

2 Kyetsinyinga 15:17

Navutswa si ya twulidza hadigu luku mu Israeli mba: navutswa mwoyo gwa Asa gwa li mudukiru madiku gege gosi.

2 Kyetsinyinga 25:2

Ya kola gobulungi mu tsimoni tsya Yahova, navutswa si ya li nomwoyo mu dukiru.

Ayubu 1:1

Ya li ho mundu mu kivala kya Uzu, wa langwa Ayubu; mundu uyu ya li mudukiru nomulungi, ya li mulala wa tia Nyasaye, nokwavukana nobudamano.

Ayubu 1:8

Na Yahova ya teva Setani, Wa li ku lola mutu mekiri wange Ayubu? Kigira si ha li nomulala u veye kuli uyu mu lirova lyosi, mundu musuuvirifu nomulungi, mulala u tidzanga Nyasaye, nokwavukana nobudamano.

Ayubu 12:4

Inze mbeye-mulala u veye kyokusekwa ku vakye, Mbeye mund u wanira Nyasaye, naye ya mu tivulira: Mulungi, mundu mudukiru, u gwiye kyokusekwa.

Zaburi 37:37

U henze ligali mundu mudukiru, u lole mulungi; Kigira kiheri kyomundu uyu ki veye mirembe.

Zaburi 37:39

Navutswa ubuhonnyi bwavalungi bu veye ku Yahova: A veye lugaga lwavo mmadiku gekivi.

Tsing'ano 4:18

Navutswa inzira yavalungi i fwanana nobulavu bu ng'ereng'ananga, Bu ng'ereng'ananga kuvita nokuvita, kuduka ku lidiku lidukiru.

Kohelethu 7:20

Ligali si ha veye nomundu wobu geeri mulala ku lirova, u kolanga bulahi, nokuvula kukola ubwoni.

Ezekieli 14:14

kali avandu yava vavaka, Nuhu, na Danyeli na Ayubu ni va veye mukyo, nkano va ka honnya myoyo gyavo avene gyeng'ine mu ubulungi bwavo, Mwami Nyasaye a vola.

Ezekieli 14:20

kali ni va veye mukyo Nuhu, na Danyeli, na Ayubu, kuli mbeye mwoyo Mwami Nyasaye a vola, si va la honnya avayai kinga avakana; va la honnya myovo gyavo avene gyeng ine mu ubulungi bwavo.

Habakuk 2:4

Henza, mwoyo gwigwe gu vimbi, si gu veye mulungi muye mba; navutswa wobulungi a la va mwoyo ku lisuuvira lilye.

Luka 1:6

Navo vombi va li ava lungi imbiri wa Nyasaye, ni va gendera mu makuva gosi nomu malago go Mwami bugira kindu kuvo.

Luka 2:25

Henza, ya li ho mu Yerusalemi mundu, wa langwa lieta lilye Simeoni; mundu uyu ya li mulungi wa tia Nyasaye, wa linda lihodzeridzwa lya Israeli: kandi Roho Mutakatifu ya li kuye.

Luka 23:50

Kandi henza, mundu wa langwa Yosefa wa li munene wekyina, mundu mulahi nomulungi

Vikolwa 10:22

Ni va vola, Kornilyo, munyampara, mundu mulungi, wa tia Nyasaye, kandi u veye nelidzominywa ku ihiri yosi ya Vayuda, wa Nyasaye ya mannya nengelosi mutakatifu a tume kulanga ive u tsie mu inyumba yeye, a duke kuhulira amakuva ku ive.

Varumi 1:17

Kigira kuyo ubulungi bwa Nyasaye bu lang'aminyangwa kutwula ku lisuuvira kuduka ku lisuuvira: kuli ga ng'odwa, U veye nobulungi a hindiranga kigira lisuuvira.

Vagalatia 3:11

Ga veye habulavu si ha veye nomundu u volangwa kuva nobulungi imbiri wa Nyasaye mu lilaga: kigira, Wobulungi a la va mwoyo kigira lisuuvira;

Kwidzulitsa 18:13

U ve mudukiru imbiri wa Yahova Nyasaye wowo li

Vahebraina 11:7

Ku lisuuvira Nuhu, lwa Nyasaye ya mu mannya amakuva gevindu vi kikiri kuloleka, ku litia lya ya tia Nyasaye, ya lomba liato a duke kuhonnya avenyumba yeye; ku yago ya kalagira avelirova va ve nekindu kuvo, kandi ya gwa wemiyandu gyobulungi bu veye ku lisuuvira.

1 Petro 2:5

kandi mwinye, kuli amagina ga veye mwoyo, mwombakeywi kuva inyumba ya roho, kuva ubusalisi butakatifu, mu haane visyuviriru vya roho, vi bugirirangwa ku Nyasaye kigira Yesu Kristo.

2 Petro 2:5

kandi ni ya vula kuvererera avelirova va kale, navutswa ya honnya Nuhu, mwilwadzi wobulungi, navandi vatano na vaviri, inyinga ya leta amadzi manene ku lirova lya vula kutia Nyasaye.