Litanga 6:6 - KITABU KITAKATIFU

⁶ Na Yahova yeganira ku lilomba mundu ku lirova, na a vereridzwa mmowyo gwigwe.

Litanga 6:6 ပူးပေါင်းရင်းမြစ်များ

Litanga 6:7

Na Yahova ya vola, Nda gotidza avandu ava nda lomba, va twule ku lirova; vyombi avandu na tsinyama, na vimolanga, na manyonyi gegulu; kigira ndeganira ku lilomba lyavyo.

2 Samweli 24:16

Na ingelosi lwa ya nyira mukono gwigwe ku Yerusalemi kulyononya, Yahova yeganira ku budamano vibu, na a volera ingelosi wononya avandu, Ga duki gaya mukono gugwo kalunu. Na ingelosi wa Yahova ya li himbi ku lodze lwa Arauna Mujebusi.

1 Kyetsinyinga 21:15

Na Nyasaye ya tuma ingelosi ku Yeru salemi kulidividza: na lwa yenya kulidividza, Yahova ya lola, na yeganira ku budamano zana, na ya volera ingelosi zana wokudividza, Ga duki; gaya mukono gugwo. Na ingelosi wa Yahova ya li na a singiye ahimbi nolodze lwa Orinan Mujebusi.

Zaburi 106:45

Na ya vidzulira ku lilagana lilye, Na a galuka kuvo kuli ubunyingi bwetsimhabasi tsitsye.

Zaburi 110:4

Yahova yesuha, na si a leganira mba: Ive u veye musalisi mihiga nemihiga Ku lugano lwa Melikizedeki.

Zaburi 119:158

Nda lola avekirage na mbihirirangwa Kigira va vula kugumira likuva lilyo.

Zaburi 78:40

Hali kanyinga va hing'ana naye mwigendanyama, Na va mu vereridzira mu kyangalangwi

Zaburi 81:13

O nkano avandu vange va mbulire, Na Israeli nkano va gende mu tsinzira tsyango

Zaburi 95:10

Mihiga makumi gane nda verereridzwa nelikula yilyo, Na mbola, Va veye ihiri ya avandu va gota mu myoyo gyavo Na va vuli kumanya tsinzira tsyange:

Kutwula 32:14

Na Yahova yeganira ubudamano bwa ya vola a la kolera avandu veve.

Isaya 48:18

Nkano wa ka hulira amalago gange hene yaho mirembe gyigyo nkano gya ka va kuli mugera, nobulungi bubwo kuli viguvuli vyenyanza:

Isaya 63:10

Navutswa va kola ubwebaali, ni va verereridza Roho Mutakatifu wewe: kigira yaga ya girunkana a duke kuva musigu wavo, naye ya lwana navo.

Jeremia 18:7

Nonoho lwa mbola kindu ku ihiri ku tsyosi, noku bwami ku bwosi ukwiha, nokusambula, nokubudividza;

Jeremia 26:19

Hezekia mwami wa Yuda na Yuda vosi viita uyu Mika? Hezekia si ya tia Yahova, nokusaala tsimbabasi tsya Yahova na Yahova yeganira ku budamano bwa ya li na a voye kuvo? Na ndiyo ku va kuiiii Jeremia nkano ku koli ubudamano ubunene ku myoyo gyetu avene.

Ezekieli 33:11

U va volere Kuli mbeye mwoyo, Mwami Nyasaye a vola, Inze si nsangalira likudza lyomudamano; navutswa nobulahi mudamano yeganire nokuleka inzira yeye nokuhindira a ve mwoyo; mweganire, mweganire mu leke tsinzira tsyenyu tsindamano; kigira ki mwenya kukudza, mwinye avenyumba ya Israeli?

Hosea 11:8

Inze nyala ndi kukuleka, Efiraim? Nyala ndi kukuta, Israeli? Nyala ndi kukukola kuli Adima? Nyala ndi ku kuvika u ve kuli Zeboim? Mwoyo gwange gu girunkanywa mu inze, tsimbabasi tsyange tsyaaki halala.

Joeli 2:13

Mu tandule mwoyo, mu ta tandula tsingubo tsyenyu, mwirane ku Yahova Nyasaye wenyu; kigira uyu a veye netsimbabasi na livererera, si a vihirirangwa bwangu, a veye netsimbabasi tsinyingi, na yeganiranga ku kivi.

Jona 3:10

Na Nyasaye ya lola likola lyavo, kuli va girunkana nokuleka inzira yavo indamano; na Nyasaye yeganira ku kivi kya ya vola a la va kolera; na si ya ki kola mba.

Malaki 3:6

Kigira inze, Yahova, si ngirunkannyangwa mba; kigira yaga mwinye, avana va Yakobo, si mu sambwa mba.

Livalidza 23:19

Nyasaye si a veye mundu, a vole ububehi, Kandi si a veye mwana womundu, yeganire: A vole, ma a vule kukola? Kinga u tivuye likuva, na a la vula kulidukidza?

Varumi 11:29

Kigira vihaanwa nelilanga lya Nyasaye si li veye neligirunkana.

Vafeso 4:30

Kandi mu ta vereridza Roho Mutakatifu wa Nyasaye wa mwa vikirwa ku muhuri, mu luhe mu duke ku lidiku lyelitungirwa.

Kwidzulitsa 32:29

Nkano va veye nobugeeri kumanya yaga, Va duke kuganagana kiheri kyavo

Kwidzulitsa 32:36

Kigira Yahova a la kalagira avandu veve, A la vererera avatumekiri veve; Inyinga a lola tsingulu tsyavo tsi twuli kuvo, Kandi si ha tigala nomundu, wa bofwa kinga wa bohololwa.

Kwidzulitsa 5:29

Nkano va veye nomwoyo kuli yigu muvo, madiku gosi, gwo kuntia, nokugumira amalago gange gosi madiku gosi, ga duke kuva ubulahi kuvo, noku avana vavo mihiga nemihiga

Vahebraina 3:10

Kigira yaga nda vihirirwa likula yili, Kandi nda vola, Kazozo va kyama mu myoyo gyavo; Kigira yaga si va manya tsinzira tsyange;

Vahebraina 3:17

Kandi ni bwaha ava ya vihirirwa mihiga makumi gane? Si va li yavo ava kola ubwoni, avemibiri gyavo gya gwa mu kyangalangwi?

Yakobo 1:17

Vikululirwa vyosi vilahi kandi vihaanwa vyosi vilahi vi veye vidukiru vi twulanga migulu kwika hasi kutwula ku Dada wobulavu, weligirunkannya li ta veye kuye kali kiriri kyeligirunkana.

1 Samweli 15:11

Inze nzeganiye kigira nda singeridza Saulo a ve mwami; kigira ya girunkana na a leka kunonda, na si ya dukidza malago gange. Na Samweli ya vererera; na yanira Yahova budiku bei.

1 Samweli 15:29

Na kandi kuvita yaga, Munyali wa Israeli si a la veha kinga si a leganira; kigira si a veye umundu, a duke kweganira.

1 Samweli 15:35

Na Samweli si ya tsia kandi kulolana na Saulo kuduka ku lidiku lyelikudza lilye; kigira Samweli ya syomera Saulo: na Yahova yeganira kigira yamehidza Saulo a veye mwami wa Israeli.