21 Kandi u vugule nokuvungidza ku vyokulia vyosi vi libangwa, navyo vi la va vyokulia vivyo, na vya yivyo.
Ni bwaha u nyoleranga lijikolo vyokulia valyo, Lwa viminyu vyalyo vyaniranga Nyasaye, Nokuvoyavoya kigira lidaka vyokulia?
Ligali vigulu vi mwamiranga vyokulia, Hetsinyama tsyosi tsi kinanga.
U haananga vyokulia ku vyemibiri vyosi; Kigira tsimbabasi tsitsye tsi veye ho mihiga nemihiga.
U kunula mukono gugwo, Nokwigutidza lyenya lya vyosi vi veye mwoyo.
U hedzanga tsinyama vyokulia vyatsyo, U lageridza avana va majikolo aga liranga.
Inzira yavo i ve nekisundi nobuterere Na ingeiosi wa Yahova a va kunganga.
Mu henze amanyonyi ge igulu, si ga taga, kandi si ga gesa, kandi si ga tera mkidera; na Dada wenyu womigulu a ga lihidzanga. Mwinye si mu veye avalahi ligali kuvita yaga?