Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Litanga 50:24 - KITABU KITAKATIFU

24 Kandi Yosefa ya volera avamwavo veve, Nkudzanga, navutswa ligali Nyasaye a la duka ku mwinye, nokumuleta kwanegira kutwula mu kivala yiki kutsia mu kivala kya yisuhira Abrahamu, na Isaka, na Yakobo.

အခန်းကိုကြည့်ပါ။ ကော်ပီ




Litanga 50:24
34 ပူးပေါင်းရင်းမြစ်များ  

Kandi Yahova ya loleka ku Abram, na a mu volera, Inze nda ha kisukululwi kikyo kivala yiki: naye yombakira ho Yahova ubwali, wa loleka kuye.


kigira kivala yiki kyosi kya u lolanga, nda ha ive, ne kisukululwi kikyo mihiga nemihiga


Vuka, u gende mu kivala mu butambi bwakyo nomu bugalamu bwakyo; kigira nda ku ha kivala yiki.


Mu lidiku yilyo Yahova ya kola lilagana na Abram, na a vola, Mmali kuha visukululwi vivyo kivala yiki, kutwula ku mu gera gwa Egepeti kuduka ku mugera munene gwa Farati:


Na ya mu volera, Inze mbeye Yahova wa ku twulidza mu Uru lya Vakalidei, kukuha kivala yiki kuva miyandu gyigyo.


Naye ya vola, O Mwami Yahova, Nda manya ndi nda ki nyola kuva miyandu?


Kandi nda ha ive na visukululwi vivyo inyima wowo, kivala kya limenya lilyo, kivala kyosi kya Kanani, ki ve miyandu gyemihiga nemihiga; na nda va Nyasaye wavo.


Na Yahova ya henza Sara kuli ya vola, na Yahova ya kolera Sara kuli ya mu volera.


wikale mu kivala yiki, na inze nda va halala nive, na nda ku gasidza kigira nda ha ive na kisukululwi kikyo, vivala yivi vyosi, kandi nda singeridza lyesuha lyange lwa ndisuhira Abrahamu dada wowo;


Na henza, Yahova u singiye igulu kuyo, na a vola, Inze mbeye Yahova, Nyasaye wa dada wowo Abrahamu, na Nyasaye wa Isaka: kivala kya u goni mu, nda ku ha, na kisukululwi kikyo;


mu lugeri lwommoni mumwo u la lia vyokulia, kuduka ive u lirana mu marova; kigira wa twulidzwa mugo: kigira u veye ulugukyi, na u lirana mu lugukyi.


kandi kivala kya nda ha Abrahamu na Isaka, nda ha ive, na kisukululwi kikyo inyima wowo nda va ha kivala.


Inze nda sulunguta halala nive kutsia Egepeti; na ligali nda ku leta hano kandi: na Yosefa a la vika mukono gwigwe ku tsimoni tsitsyo.


Na inyinga yelikudza lya Israeli ya duka himbi: naye ya langa mwana wewe Yosefa, na a mu volera, Ni mba ni mberereywi imbiri wetsimoni tsyitsyo, nku goonya u vike mukono gugwo ku ivadzwa yange, u nkolere malahi na ageligali: u ta nta mu Egepeti mba, nku goonyanga;


Na Israeli ya volera Yosefa, Henza, nkudzanga: navutswa Nyasaye a la va halala nemwinye, naye a la mu hila kumuvika kandi mu kivala kya avaguga venyu.


Dada wange ya nsuhidza, na a vola, Henza nkudzanga: mu la nta mu kilindwa kya ndeyavira mu kivala kya Kanani. Kunangwa, kalunu nku goonya u mpe munwa kwanegira ntsie kuta dada wange, ma ntsidze kandi.


Kigira manya u la ndeta kuduka mu likudza Noku inyumba ya lomberwa avelivamwoyo vosi.


Kunangwa, inyinga yemihiga tsimia tsine nemihiga makumi gavaka, kali ku lidiku zana yili, ga duka amahe gosi ga Yahova ga twula mu kivala kya Egepeti.


Kunangwa lidiku zana yili, Yahova ya twulidza avana va Israeli mu kivala kya Egepeti na amahe gavo.


Na Musa ya hila vigumba vya Yosefa halala naye: kigira uyu yisuhidza avana va Israeli, na a vola, Ligali Nyasaye a ladza ku mwinye; na mu la hila vigumba vyange kutwula hano halala na mwinye.


na inze nziiki mba honnye ku makono ga Vaegepeti, nokuvatwulidza mu kivala yikyo, va tsie mu kivala kilahi na kinene, kivala ki gangalukanga amaveere na bwuki; ha veye ha Avakanani, na Avahiti, na Avaamori, na Avaperizi, na Avahivi, na Avajebusi.


Kandi Yahova ya volera Musa Mu twule, mwanegire, ive na avandu ava wa leta kutwula mu kivala kya Egepeti, mu tsie mu kivala kya ndesuhira Abrahamu, na Isaka na Yakobo, nokuvola, Nda ha kisukululwi kikyo kivala yiki:


Na avandu va suuvira: lwa va hulira Yahova yadza ku avana va Israeli, kandi ya lola ubusaliri bwavo, hene yaho vinaminya mitwe gyavo nokusigamira.


yee, va la tia kyegi nga, na vyokutihidza ui li va ku inzira; na mulodzi gu la lavidza vi muli, nelidede li la va musigo, na likayirwa si li veye netsingulu kandi; kigira mundu a tsitsanga yengo we limenya madiku gosi, na ava syomanga va tsitsanga yiyi na yiyi mu tsinzira:


nolugukyi kwirana ku lirova kuli lwa li, nomwoyo kwirana ku Nyasaye wa tanga kuguhaana.


Ligali si ha la va nomulala ku yavo ava li kutwula mu Egepeti, kutwula ku avemihiga makumi gaviri nokuvita u nyala kulola kivala kya nda lagana na Abrahamu, na Isaka, na Yakobo; kigira si va nonda nomwoyo gwosi:


Kigira yaga, kuli ubwoni bwa duka mu lirova kigira mundu mulala na ndiyo kandi likudza lya duka kigira ubwoni; kandi ndiyo likudza lya duka ku vandu vosi, kigira vosi voni:


Henza, mbiki kivala imbiri wenyu; mwingire mu gumire kivala kya Yahova yesuhira avaguga venyu, Abrahamu, na Isaka, na Yakobo, kuhaana kuvo, noku visukululwi vyavo inyima wavo.


Na ga la va, lwa Yahova Nyasaye wowo a ku leta mu kivala kya yisuhira avaguga vovo, Abrahamu, na Isaka, na Yakobo, kukuha madala manene namalahi, ga wa vula kwombaka,


Ku lisuuvira Yosefa, inyinga kiheri kikye kya li himbi, ya tala amakuva agelitwula lyavana va Israeli; na a laga ku vigumba vivye.


Kandi kuli avandu va vikirwa likudza inyinga indala, kandi inyima li la duka likalagirwa;


Na vigumba vya Yosefa, vya avana va Israeli va leta kutwula Egepeti, va vi ta ha Shekem, mu kidieli kyekivala kya Yakobo ya gula ku avana va Hamoru ise Shekem, nevidonye mia vyefetha: nakyo kya gwa miyandu gyavana va Yosefa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ