Litanga 50:17 - KITABU KITAKATIFU

¹⁷ Mu la volera Yosefa ndi, Mwadza, u samehe kalunu ubudamano bwa avamwavo vovo, na ubwoni bwavo, kigira va ku kolera ubudamano yibu. Na kalunu ku ku goonya, u ku samehe mahyolo ga avatumekiri va Nyasaye wa dada wowo. Na Yosefa ya lira lwa va volerana naye.

Litanga 50:17 ပူးပေါင်းရင်းမြစ်များ

Litanga 31:42

Na a ta li Nyasaye wa dada wange, Nyasaye wa Abrahamu, na Uyu Welitibwa wa Isaka wa li halala ninze, nkano kalunu ligali, ive wa ka nkunga vutswa. Nyasaye u loli ubusaliri bwange na linyankana lya makono gange, na ya ku gaya ubudiku lwa veye.

Litanga 45:8

Kunangwa si mwa li mwinye mwa ndeta hano, navutswa Nyasaye: naye u nkoli kuva dada ku Farao, nokuva mwami wenyumba yeye yosi, na mwamehi ku kivala kyosi kya Egepeti.

Litanga 49:25

Kali Nyasaye wa dada wowo, u li ku konya, Noku Wanyala Vyosi u li ku gasidza, Nobugasu bwomigulu igulu, Nobugasu bwenyanza ya hasi, Nobugasu bwetsimbeere nobwa inda.

Litanga 50:16

Navo va hila mutumwa ku Yosefa, ni va vola, Dada wowo na a kikiri kukudza, ya laga, na a vola,

Litanga 50:18

Kandi avamwavo veve va tsia, ni va gwa hasi imbiri wewe, ni va vola, Henza, kwinye ku veye avatugwa vovo.

Litanga 50:20

Ku mwinye mwa saavira ubudamano ku inze; navutswa Nyasaye ya saavira ubulahi, kuleta yaga kuli ga veye lero, kuhonya livamwoyo lya avandu vanyingi.

Zaburi 21:11

Kigira va ganagana ubudamano ku ive; Va ganagana ubudamano bwa vata nyala kukola.

Tsing'ano 28:13

Uyu u kunikanga mahyolo gege si a la gasidzwa; Navutswa ku vosi uyu weyamanga nokugaleka a la verererwa.

Matayo 10:42

Ku vosi u linwehidza mulala ku vakekeke yava kisanda kyamadzi makindu vutswa, ku lieta lyomwegidzwi, ligali mmu volera si a li nyala ligali kugotidza lidanyi lilye.

Matayo 18:35

Dada wange womigulu a la mu kolera ndiyo, ni mu ta sameha avamwavo mu myoyo gyenyu.

Matayo 25:40

Mwami a la tivula na a va volere, Ligali mmu volera, Kuli ga mwa kolera avamwavo vange yava vakekeke, ligali mwa kolera inze.

Matayo 6:12

U ku samehe magovi getu, kuli kwinye ku sameha avamagovi getu.

Marko 10:41

Ava li likumi lwa va ga hulira, va tanga kuvihirirwa Yakobo na Yohana.

Vagalatia 6:10

Kunangwa inyinga ku va nobwiyangu, ku kole bulahi ku vandu vosi, kandi ligali ku viko velisuuvira.

Vagalatia 6:16

Ku yava ava londa miima yigyi gyekilombe kihya, mirembe gyi ve kuvo, kandi tsimbabasi, kandi ku Vaisraeli va Nyasaye.

Vafeso 4:32

mu ve nobuhooma avene navene, nokuvererana tsimbabasi, nokusamehana avene navene, kuli Nyasaye ya sameha mwinye mu Kristo.

Yakobo 5:16

Mweyamirane ubwoni bwenyu avene navene, mu saalirane avene navene mu duke kuhonnywa. Lisaala lyomundu mulungi li konya ligali mu likola lyalyo.