Litanga 5:22 - KITABU KITAKATIFU

²² na Enoka ya genda halala na Nyasaye inyima wokwivula Methusela mihiga tsimia tsivaka, na yivula avayai navakana:

Litanga 5:22 ပူးပေါင်းရင်းမြစ်များ

Litanga 17:1

Na lwa Abram ya duka mihiga makumi gatano na gane, na gyitano na gyine, Yahova ya loleka ku Abram, na a mu volera, Mbeye Nyasaye Wanyala Vyosi; Genda imbiri wange, na u ve mudukiru.

Litanga 24:40

Naye ya mbolera, Yahova wa ng'enda imbiri wewe, a la tuma ingelosi wewe a tsie halala nive, a gasidzire ulugendo lulwo; na ive u la vugulira mwana wange mukali mu viko vange, nomu inyumba ya dada wange:

Litanga 48:15

Naye ya gasidza Yosefa, na a vola, Nyasaye wavaguga vange Abrahamu na Isaka va genda imbiri wewe, Nyasaye wa ndageridza mu buhindiri bwange bwosi kuduka lero,

Litanga 5:21

Kandi Enoka ya hindira mihiga makumi gatano na lilala na gyitano, na yivula Methusela:

Litanga 5:23

na madiku gosi ga Enoka ga li tsimia tsivaka na makumi gatano na lilala na gyitano:

Litanga 5:24

na Enoka ya genda halala na Nyasaye: na si ya loleka; kigira Nyasaye ya mu yugula.

Litanga 6:9

Yivi ni visukululwi vya Nuhu. Nuhu ya li mundu mulungi, nomudukiru mu likula lilye: Nuhu ya genda halala na Nyasaye.

1 Avami 2:4

Yahova a duke kudinyeridza likuva lilye lya ya vola ku liva lyange, na a vola, Avana vovo ni va linda inzira vavo, kugenda imbiri wange mu geligali nomwoyo gwavo gwosi na roho gwavo gwosi, si u la geherwa mba (ya vola) umundu kwikala ku intebe yobwami ya Israeli.

2 Avami 20:3

O Yahova, nku saala ligali, mwadza, Widzulitsa kalunu kuli nda genda imbiri wowo mu geligali nomwoyo mudukiru, nokukola amalahi mu tsimoni tsitsyo. Hezekia ya lira ligali.

Zaburi 116:9

Nda genda imbiri wa Yahova Mu kivala kya va veye mwoyo.

Zaburi 128:1

A veye nobugasu uyu u tidzanga Yahova, Uyu u gendanga mu tsinzira tsitsye.

Zaburi 16:8

Mbiki Yahova imbiri wange kazozo: Kigira a veye ha mukono gwange mulungi, si nda dengeyidzwa.

Zaburi 26:11

Navutswa inze nda genda mu bulungi bwange: U ntungire, na u mbere tsimbabasi.

Zaburi 56:13

Kigira wa honnya mwoyo gwange mu likudza: Ive si u honnya virenge vyange mu likigitala? Nduke kugenda imbiri wa Nyasaye Mu bulavu bwa ava veye mwoyo?

Zaburi 86:11

U nzegidze inzira yoyo, O Yahova; nda genda mu ageligali gogo: U kole mwoyo gwange kuva mulala kutia lieta lilyo.

Kutwula 16:4

Hene yaho Yahova ya volera Musa, Henza, Nda mu kupidzira imbula yobukima kutwula migulu; na avandu va la tsia kyova kazozo kudola kidieli kyelidiku selilala, nduke kuvageridza, ni va va ni va genda mu malago gange naho mba.

Lwimbu lwa Solomoni 1:4

U nkwese; na ku la ku londa: tsimbiru inyima wowo: Mwami u ndeti mu tsinyumba tsitsye; Ku la yanza nokusangala ligali ku ive; Ku la twulidza makuva gobuyanzi bubwo kuvita makuva gewaini: Liyanza lya va ku yanza ni lilungi.

Hosea 14:9

Ibwaha u veye nobugeeri, nowokumanya vindu yivi? Ni bwaha u veye netsiganagani a vi manye? Kigira tsinzira tsya Yahova tsi veye tsinungi, na avobulungi va la genda mutsyo; navutswa avamahyolo va la gwa mutsyo.

Kyavalevi 26:12

Na nda genda halala na mwinye, na nda va Nyasaye wenyu, na mwinye mu la avandu vange.

Amosi 3:3

Vaviri va nyala ndi kugenda halala, ni va vula kuhuliridzana?

Mika 4:5

Kigira avandu vosi va genda sa mulala mu lieta lyomunya saye wewe; navutswa kwinye ku la genda mu lieta lya Yahova Nyasaye wetu mihiga nemihiga.

Mika 6:8

Uyu u vuuliranga ive, O mundu, aga veye malahi; na Yahova yenyanga kindu ki ku ive, ni ga ta li likola ubulungi, nokuyanza tsimbabasi, nokugenda nobuhooma halala na Nyasaye wowo?

Malaki 2:6

Lilaga lya geligali lya li mu munwa gwigwe, na bukyamu si bwa loleka mu minwa gyigye mba: ya genda halala ninze mu mirembe nomu bulungi, na ya girunkannya avanyingi va leke ubudamano.

Luka 1:6

Navo vombi va li ava lungi imbiri wa Nyasaye, ni va gendera mu makuva gosi nomu malago go Mwami bugira kindu kuvo.

Vikolwa 9:31

Kunangwa mavugana mu Buyuda, na Galilaya, na Samaria ga li nemirembe ni lyombakwa; ni ga genda mu butii bwo Mwami, nomu lileminywa lya Roho Mutakatifu, ni li dasika.

Varumi 8:1

Kunangwa kigira yaga kalunu si ha veye nelikalagirwa lidamano ku yavo ava veye mu Kristo Yesu, ava ta genda kuli liva lyomubiri, navutswa kuli liva lya Roho.

1 Vakorintho 7:17

Navutswa kuli Mwami a gavulira avandu sa mulala, kandi kuli Nyasaye ya langa mundu sa mulala, a gende ndiyo. Na inze ndaganga ndiyo mu mavugano gosi.

2 Vakorintho 6:16

Kandi litempeli lya Nyasaye li veye nobuhambani ki nemisambwa? Kigira kwinye ku veye litempeli lya Nyasaye welivamwoyo; kuli Nyasaye ya vola, Nda menya muvo, kandi nda genda muvo; kandi nda va Nyasaye wavo, navo va la va avandu vange.

Vafeso 5:15

Kigira yaga mu henze bulahi kuli mu genda, mu ta genda kuli ava ta li nobugeeri navutswa kuli avobugeeri;

Kwidzulitsa 13:4

Mu gende kulonda Yahova Nyasaye wenyu, mu mu tie, nokugumira malago gege, nokuhulira mwoyo gwigwe, na mu mu tumekire, nokuhambana naye.

Kwidzulitsa 28:9

Yahova a la ku kola kuva ihiri imakatifu kuye, kuli ya kwisuhira; nu u va nu u gumira malago ga Yahova Nyasaye wowo, nokugenda mu tsinzira tsitsye.

Kwidzulitsa 5:33

Mu gende ku inzira yosi ya Yahova Nyasaye wenyu ya mu laga, mu duke kuva mwoyo na bu ve bulahi ku mwinye mu koie madiku genyu kuva manyingi mu kivala kya mu gumira.

Vakolosai 1:10

nokugenda kuli wa ga dukanga ku Mwami nokuduka ku liyanzidza lyosi, nokwama makuyu mu miyinzi gyosi milahi, nokumedeka mu limanya lya Nyasaye.

Vakolosai 4:5

Mu gende nobugeeri ku va veye kyova, mwegulire ubwiyangu.

1 Vatesalonike 2:12

mu duke kugenda kuli wa ga dukananga ku Nyasaye, wa mu langa mwingire mu bwami bwibwe nomu bukumi.

1 Vatesalonike 4:1

Inyima yaga, avamitu, ku mu goonya nokumweganehidza mu Mwami Yesu, kuli mwa vugula ku kwinye nu bulahi mu gendere nokuyanzidza Nyasaye, kuli mu gendanga, mu duke kukira ligali.

1 Yohana 1:7

navutswa ni ku genda mu bulavu kuli a veye mu bulavu, kwinye ku veye nelisanga avene na avene, kandi masahi ga Yesu Kristo Mwana wewe ga kwogidza ubwoni bwosi.