Litanga 49:27 - KITABU KITAKATIFU

²⁷ Benjamini a veye kisalang'ongo ki tandulanga: Mugamba a la lia vyoluhidzi Na mgolova a la gavula vilanye.

Litanga 49:27 ပူးပေါင်းရင်းမြစ်များ

Litanga 35:18

Kunangwa mwoyo gwigwe, lwa gwa li ni gu twula kuye (kigira ya kudza), ya mu gulika lieta lilye Ben-oni: navutswa dada wewe ya mu gulika lieta lilye Benjamini.

Litanga 46:21

Na avana va Benjamini: Bela, na Bekeru, na Ashibel, Gera, na Naaman, Ehi, na Rosh, Mupim, na Hupim, na Aridi.

Litanga 49:26

Ubugasu bwa dada wowo Bu veye netsingulu kuvita bwa vaguga vange Kuduka ku tsinzaka tsyekiheri kyevigulu vi ta hera mba: Ubugasu yibu bu la va ku mutwe gwa Yosefa, Noku itaji yomutwe gwa uyu wa hulanywa ku avamwavo veve.

Litanga 49:28

Yava vosi va veye tsihiri likumi na tsiviri tsya Israeli: na makuva yaga nigo ga dada wavo ya va volera, nokuvagasidza; sa mulala kuli ubugasu bwibwe, ya va gasidza.

Jeremia 5:6

Kunangwa kigira yaga, king'ang'a ki twulanga mbulimu ki la viita, kisalang'ongo kyo mgolova ki la va dividza, ingo i la goneka madala gavo; mundu sa mulala u twula mu a la tandulwa; kigira mahyolo gavo ga veye manene, na lirana inyima lyavo li medeki.

Ezekieli 22:25

Ha veye nelihambana lyobwebaali lyavaproieti veve hagati hehe, kuli king'ang'a ki fwumanga nokutandula vihimwa: va mali kumira myoyo gyavandu; va vugula akiba nevindu vyobuguli budinyu; va medi livalidzwa lyavakunzakali veve hagati hehe.

Ezekieli 22:27

Avanene veve muye va gwiye kuli visalang'ongo vi tandu langa vihimwa, kuduka kutahidza masahi, nokudividza myoyo gyavandu, va duka kunyola vyambeti ku ga ta li bulungi.

Zefania 3:3

Avanene veve hagati hehe va veye ving'ang'a vi fwumanga; avakalagi veve va veye visalong'ongo vyamgo lova; si va lekanga ki tigala kuduka mugamba kali kilala mba.

Livalidza 1:36

Ku avana va Benjamini, visukululwi vyavo, kuli bwiko bwavo, noku tsinyumba tsyavaguga vavo, kuli livalidzwa lya ameta gavo, kutwula ku vemihiga makumi gaviri nokuvita, vosi ava nyala kutsia mu bulwani;

Livalidza 23:24

Henza, avandu va vuka kuli king'ang'a kikali, Na kuli king'ang'a yeginganga mwene: Si a li gona hasi a luhe a duke kulia kilanye, Nokunwa masahi ga yavo aviitwa.

Livalidza 34:21

Na wehiri ya Benjamini, Elidadi mwana wa Kislon.

Matayo 10:16

Henza, inze mmu tuma kuli magondi hagati hevisalang'ongo; mu ve nobugeeri kuli tsinzoka, nobuhooma kuli makuulu.

Matayo 7:15

Mu gelihe ku vaprofeti vobubehi, vadza ku mwinye viviki tsingubo tsyamagondi, navutswa mmyoyo gyavo va veye visalang'ongo vyomulitu, vilulu.

Vikolwa 20:29

Inze mmanya inyima yokutwula kwange ivisalang'ongo vilulu vi lingira mu mwinye vi ta vererera kyayo;

Vikolwa 8:3

Navutswa Saulo yononnya livugana ligali, ni yingira mu tsinyumba tsyosi, na a hila avasatsa navakali netsingulu na a va vika mu inyumba yavahambe.

Vikolwa 9:1

Navutswa Saulo ya li na a kira kuvola litihidza nelyokwiita ku vegidzwi vo Mwami, ya tsia ku musalisi munene,

Kwidzulitsa 33:12

Ku Benjamini ya vola Umuyanze wa Yahova a la menya nemirembe kuye; A mu kinganga mbasu bei Na a menyanga hagati ha mavega gege.

Vafilipi 3:5

Nda kevwa ku lidiku lya katano na gavaka, nda twula ku kisukululwi kya Israeli, wehiri ya Benjamini, Muhebraina u twulanga ku Vahebraina; ku miima gyetorati nda li Mufarisayo;

Vakalagi 20:21

Navana va Benjamini va twula Gibea, navo va dividza avasatsa ku lidiku yili tsielfu makumi gaviri ne tsiviri ku va Israeli.

Vakalagi 20:25

Na Benjamini ya twula kulwana navo kutwula Gibea lidiku lya kaviri, na ya dividza kandi avandu vasatsa tsielfu likumi na tsitano na tsivaka mu avana va Israeli, yavo vosi va li avevivavi.