Litanga 49:10 - KITABU KITAKATIFU

¹⁰ Impimbo yobwami si i la twula ku Yuda, Kandi impimbo yokwameha si i la twula hagati hevirenge vivye, Kuduka inyinga Shilo yadza; Na lihulira lyavandu li la va kuye.

Litanga 49:10 ပူးပေါင်းရင်းမြစ်များ

2 Samweli 7:13

Uyu a lombakira lieta lyange inyumba, na nda dinyeridza intebe yobwami bwibwe mihiga nemihiga.

2 Samweli 7:16

Nenyumba yoyo nobwami bubwo vi la dinyeridzwa mihiga nemihiga imbiri wowo: nentebe yoyo yobwami i la dinye ridzwa mihiga nemihiga.

1 Kyetsinyinga 12:24

Avana va Yuda va ginga tsingavo na matimu tsielfu tsitano na indala na tsimia tsitano na tsivaka, vetegeka ku bulwani.

1 Kyetsinyinga 12:39

Na va li yo halala na Daudi madiku gavaka, ni va lia ni va nwa; kigira avamwavo vavo va vihula.

Zaburi 108:8

Gileadi ki veye kyange; Manase ki veye kyange; Efiraim kandi ki veye kyokukinga mutwe gwange; Yuda a veye impimbo yange yobwami.

Zaburi 60:7

Gileadi ki veye kyange, na Manase ki veye kyange; Na Efiraim kandi ki veye kyokukinga mutwe gwange; Yuda a veye impimbo y ange yobwami.

Zaburi 60:9

Ibwaha a la ndeta mu lidala lye tsingulu? Ibwaha u nzimiriye kuduka Edom?

Zaburi 78:68

Navutswa ya tovola ihiri ya Yuda, Kigulu kva Zioni kya ya yanza.

Isaya 11:10

Ga la va ku lidiku yilyo, kitinya kya Jesse, ki singiranga kuva kilolekidzu kyavandu, tsihiri tsi la tsia ku uyu; na hokusosa hehe ha la va ho ubukumi.

Isaya 2:2

Mmadiku gekiheri, kigulu kyenyumba ya Yahova ki la singeridzwa ku tsisonga tsyevigulu, nokugingwa igulu kuvita vigulu; na tsihiri tsyosi tsi la tsia ku tsimbiru.

Isaya 33:22

Kigira Yahova a veye mukalagi wetu, Yahova a veye wa haana amalago wetu, Yahova a veye mwami wetu; a la ku honnya.

Isaya 42:1

Henza, mutumwa wange, wa ndiranga; mutovole wange, womwoyo gwange gu sangalira muye: nda vika kuye Roho wange; naye a la letera Avetsihiri likalaga.

Isaya 55:3

Mu tegidze matu genyu, mudze ku inze; mu hulire, na myoyo gyenyu gyi la va mwoyo: na nda kola lilagana nemwinye li hongeranga mihiga nemihiga, nalyo li veye ubugasu bwa Daudi bu veye nobusuuvirifu.

Isaya 60:1

Yuka, u ng'ereng'ane; kigira vv ubulavu bubwo bu duki, nobukumi bwa Yahova bu kyeye ku ive.

Isaya 62:11

Henza, Yahova u landidzi kuduka ku kiheri kyelirova, U volere mukana wa Zioni, Henza, lihonywa yilyo lidza nga; henza, a veye na madanyi gege, nelitunga lilye li veye imbiri wewe.

Isaya 9:6

Kigira mwana wivuliywi kwinye, ku hebeywi mwana muyai; na ubwami bu la va ku mavega gege: lieta lilye a la gulikwa Wobugenyi, Mboli, Nyasaye Munene, Dada we Mihiga nemihiga Munene we Mirembe.

Jeremia 30:21

Na munene wavo a la va mundu wavo mwene, na mwamehi wavo a la va mulala wa hagati havo; nda mwingeridza ku inze, naye a lesunda himbi ku inze: kigira ni bwaha u veye nobuluviriri kwesunda himbi ku inze? Yahova a vola.

Jeremia 33:26

hene yaho nda ta kisukululwi kya Yakobo, nekya Daudi mutumekiri wange, nduhe mbule kuvugula ku kisukululwi kikye ava lyameha ku kisukululwi kikye kya Abrahamu, na Isaka, na Yakobo; kigira ndirannya lyadikidzwa lyavo, na nda va vererera.

Ezekieli 19:11

Na ya li nevisala vyetsingulu kuva tsimpimbo tsyobwami tsya yavo avamehanga, nelihera lilye lya tambiha hagati hetsisya tsindiduhu, na va loleka mu butambi bwavo halala nobunyingi bwetsisya tsitsye.

Ezekieli 19:14

Na muliru gwa twula mu visala vyetsisya tsyagwo, gu sambi amakuyu gagwo, kuduka si ha veye kandi mu muzabibu yigwo kisala kyetsingulu ki dukana kuva impimbo yobwami wa meha. Yili li veye lisyoma, nalyo li la va lisyoma.

Ezekieli 21:27

Inze nda tung'aminya, tung'ami nya, tung'aminya kya zana: yiki si ki la va ho mba, kuduka a luhe yadze uyu wa ki veye kikye; na nda ha uyu.

Ezekieli 21:32

U la va tsinku ku muliru; masahi gogo ga la va hagati hekivala yikyo; u la vula kwidzulitswa kandi; kigira inze Yahova mboye likuva yili.

Danyeli 9:25

Kunangwa u manye nokuhulira, kutwula inyinga yelihaana munwa kwirannya ubuhya, nokwombaka Yerusalemi, kuduka ku uyu u vakeywi, Munene, ga la va masidza gatano na gaviri, kandi masizda makumi gatano na lilala na tsisuvi tsiviri: li lombakwa kandi, halala netsinzira tsyalyo, nelugaga lwalyo, mu tsinyinga tsyekivi.

Hosea 11:12

Efiraim u nkumbiridza namakuva gobubehi, nenyumba ya Israeli i nkumbiridza nobugadi, navutswa Yuda kuduka kalunu yamehanga halala na Nyasaye, naye a veye musuuvirifu ku uyu Mutakatifu.

Mika 5:1

Mwami welirova lyosi. Kalunu u li vungidza viduma, O mukana weviduma; uyu u ku kumbiridza nelihe lilye: va la kuya mukalagi wa Israeli nempimbo ku lusaya lwilwe.

Haggai 2:7

nda degeridza tsihiri tsyosi, nelyenya lyetsihiri tsyosi li la duka; na ndizulitsa inyumba yiyi ubukumi, Yahova wa mahe ya vola.

Zekaria 10:11

Naye a la vita hagati henyanza yelidambidza, nokukuya viguvuli vyenyanza, noluliva lwosi lwomugera gwa Nile lu la kama; noluyai lwa Asuria lu likidzwa, na impimbo yobwami ya Egepeti i la gota.

Zekaria 2:11

Na ku lidiku yilyo tsihiri tsinyingi tsi lehambannya na Yahova, navo va la va avandu vange; na nda va hagati hoho, na u la manya Yahova wa mahe niye wa ntuma ku ive.

Livalidza 21:18

Kidaho kya vanene va yava, Kya vakulundu va vandu va hudula, Na impimbo yobwami, na tsimpimbo tsyavo. Na kutwula mu kyangalangwi va tsia Matana;

Livalidza 24:17

Inze mmu lolanga, navutswa si i veye kalunu; Mmu henzanga, navutswa si ha veye himbi: Ing'ereng'ani i la twula ku Yakobo, Na impimbo yobwami i la vuka mu Israeli, Na i la vukanya hagati ha Moabu, Nokutsoma hasi avana vosi ve tsimbemba.

Livalidza 24:19

Mulala womu Yakobo a lameha, Nokwononya yava ava tigala ku madala.

Matayo 1:21

Naye a livula mwana muyai; na ive u la mu gulika lyeta lilye YESU; kigira uyu niye u li honnya avandu veve va twula mu bwoni bwavo.

Matayo 17:5

Lwa ya vola ndi, henza, lilesi lilavu lya va kinga, na mwoyo gu twula mu lilesi, ni gu vola, Uyu nu Mwana myanzi wange, wa nyanza; mu mu hulire.

Matayo 21:9

Kiduma kya mwimirira, na kya londa inyima, va hanzuka, ni va vola, Hozana ku mwana wa Daudi u gasi yadza ku lieta lyo Mwami; Hozana mwigulu.

Matayo 25:32

Tsihiri tsyosi tsi la vuganywa imbiri wewe: naye a lahulanya tsindala ku tsindi kuli mwa yi yahulanya magondi netsimbuli;

Yohana 12:32

Kandi inze, ni ngingwa igulu welirova, nda ng'usa avandu vosi vadze ku inze.

Yohana 18:31

Pilatu ya va volera, Mu mu vugule mwinye avene mu mu yale kuli malaga genyu. Avayuda va mu volera, Kwinye si ku veye nomunwa gokwiita mundu.

Yohana 19:12

Kigira yaga Pilatu ya geridza kumuboholola: navutswa Avayuda va kola liyoga, ni va vola, Nu u boholola mundu uyu si u veye mulina wa Kaisari: mundu yekola mwami a lega Kaisari.

Yohana 19:15

Maku, va kola liyoga, Mhile, mhile, mbambe Pilatu ya va volera, Mbambe Mwami wenyu? Avasalisi vanene va tivula, Kwinye si ku veye nomwami navutswa Kaisari.

Yohana 9:7

kandi ya mu volera, Tsia, wisaave mu lidavalia lya Siloam (litivula li veye kuvola, Wa tumwa). Ya tsia ni yisava ni yadza na a lola.

Varumi 15:12

Kandi Isaya a vola Ki la vaho kitinya kya Jesse Kandi uyu a singira kwameha ku Tsihiri; Ave Tsihiri va la suuvira ku uyu.

2 Vakorintho 5:10

Kigira ga ku dukira kwinye kwosi kulang'aminywa imbiri wekisako kyelikalaga kya Kristo; ku vosi sa mulala a hebwe kuli kya ya kola ku mubiri kuli ga ya kola, ni ki va kilahi kinga kidamano.

Kwidzulitsa 28:57

noku indanya yeye ya twula hagati he virenge vivye, noku avana veve va a livula; kigira a la va lia makiriri kigira lyenya lyevindu vyosi, mu ligalirwa nelibofwa lyavasigu vovo va la mu dambidza mu viribwa vivyo.

Vahebraina 7:14

Kigira ga manyekana Mwami wetu ya twula mu Yuda, ihiri ya Musa ya vula kuvola ku kindu kali kilala mu vindu vyobusalisi.

Likunula 11:15

Ingelosi wa katano na kaviri ya kupa; gya twula myoyo minene migulu, ni gyi vola, Ubwami bwelirova bu gwiye bwo Mwami wetu, nobwa Kristo wewe: naye a lameha mihiga nemihiga.