Litanga 48:7 - KITABU KITAKATIFU

⁷ Kandi ku inze, inyinga nda twula Padan, Raheli ya kudzira mu kivala kya Kanani ku inzira, lwa kwa duka himbi Efirathu: na inze nda mu ta yo ku inzira i tsitsanga Efirathu, (ha zana ha langwa Beth-lehemu).

Litanga 48:7 ပူးပေါင်းရင်းမြစ်များ

Litanga 25:20

na Isaka ya li nemihiga makumi gane lwa ya leta Rebeka, mukana wa Bethueli Musiria wa Padan-aram, mbotso wa Labani Musiria, kuva mukali wewe.

Litanga 33:18

Na Yakobo ya duka nemirembe mu lidala lya Shekem, mu kivala kya Kanani, lwa ya twula Padan-aram; na ya lomba limenya lilye himbi ku lidala.

Litanga 35:20

Na Yakobo ya singeridza munara ku kilindwa kikye: ha zana ha veye Nomunara gwa kilindwa kya Raheli kuduka lero.

Litanga 35:9

Na Nyasaye ya loleka ku Yakobo kandi, lwa ya duka kutwula Padanaram, na a mu gasidza.

Litanga 48:6

Na avana va u livula lwenyima ku yava, va la va avovo; va la langwa ku ameta ga avamwavo vavo mu miyandu gyavo.

Mika 5:2

Navutswa ive, Beth-lehemu Efaratha, u veye mukekeke mu tsielfu tsya Yuda, mulala a la twula ku ive a ladza ku inze u li duka kuva welyameha mu Israeli; litwula lilye ni lya kale, kutwula mihiga nemihiga.

Matayo 2:18

Mwoyo gwa hulirwa mu Rama, Lilira nelisyoma linene, Raheli a syomira avana veve, Kandi si ya yanza kukiring'anywa, kigira si va li ho.

Ruth 1:2

Lieta lyomundu uyu lya langwa Elimeleki, nelieta lyomukali wewe lya langwa Naomi, nameta gavana veve ga langwa Mahaloni na Kilioniva li ava Efarata va Beth lehemu yuda. Navo va duka mu kivala kya Moabu, ni va menya yo.

1 Samweli 1:1

Ha li nomundu mulala wa Ramathaim-zofim, wekivala kyevigulu vya Efiraim, we lieta lilye lya langwa Elikana, mwana wa Jeroham, mwana wa Elihu mwana wa Tohu mwana wa Zufu ya li Muefiraim

1 Samweli 10:2

Lwa u twula ku inze lero, hene yaho u la lola avasatsa vaviri himbi nekilindwa kya Rakeli, mu lwako lwa Benjamini ha Zeliza; navo va la ku volera amakuva yaga, Tsisukiri tsya wa tsia kwenya tsi nyoleki; na, kalunu, dada wowo u leki liganagana tsisukiri, na a ganagananga amakuva genyu, a volanga, Nkola ki ku mwana wange?

1 Samweli 16:4

Na Samweli ya kola ga Yahova ya vola, na ya duka Beth-lehemu. Na vakulundu velidala va tsia kumwaganira ni va degera, ni va mu teva, U duka nemirembe?

1 Samweli 17:12

Kunangwa Daudi ya li mwana wa Muefarathi wa Beth-lehemuyuda, lieta lilye lya li Jesse; naye ya li navana vatano na vavaka avayai: na uyu ya li musakulu mu madiku ga Saulo, u emihiga minyingi mu avandu.