Litanga 48:21 - KITABU KITAKATIFU

²¹ Na Israeli ya volera Yosefa, Henza, nkudzanga: navutswa Nyasaye a la va halala nemwinye, naye a la mu hila kumuvika kandi mu kivala kya avaguga venyu.

Litanga 48:21 ပူးပေါင်းရင်းမြစ်များ

Litanga 12:5

Na Abram ya vugula Sarai mukali wewe, na Loti mwana wamwavo wewe, na vindu vyosi vya venyolera, na vandu ava va nyola mu Harani; na va twula kutsia mu kivala kya Kanani; na va duka mu kivala kya Kanani.

Litanga 15:14

na ihiri zana, ya va li tumekira nda va kalagira: kandi lwenyima va la twula nobutugi bunyingi.

Litanga 15:16

Na mu kisukululwi kya kane va lirana hano kandi: kigira ubudamano bwa Vaamori bu kikiri kwizula.

Litanga 26:3

wikale mu kivala yiki, na inze nda va halala nive, na nda ku gasidza kigira nda ha ive na kisukululwi kikyo, vivala yivi vyosi, kandi nda singeridza lyesuha lyange lwa ndisuhira Abrahamu dada wowo;

Litanga 28:15

Kandi henza, mbeye halala na ive, na nda ku linda hosi ha u tsitsanga, kandi nda ku leta kandi ku kivala yiki; kigira si nda ku leka mba, kuduka nduhe nku kolere gosi ga nda ku volera.

Litanga 37:1

Kandi Yakobo ya menya mu kivala ha dada wewe ya menya, mu kivala kya Kanani.

Litanga 46:4

Inze nda sulunguta halala nive kutsia Egepeti; na ligali nda ku leta hano kandi: na Yosefa a la vika mukono gwigwe ku tsimoni tsitsyo.

Litanga 47:29

Na inyinga yelikudza lya Israeli ya duka himbi: naye ya langa mwana wewe Yosefa, na a mu volera, Ni mba ni mberereywi imbiri wetsimoni tsyitsyo, nku goonya u vike mukono gugwo ku ivadzwa yange, u nkolere malahi na ageligali: u ta nta mu Egepeti mba, nku goonyanga;

Litanga 50:24

Kandi Yosefa ya volera avamwavo veve, Nkudzanga, navutswa ligali Nyasaye a la duka ku mwinye, nokumuleta kwanegira kutwula mu kivala yiki kutsia mu kivala kya yisuhira Abrahamu, na Isaka, na Yakobo.

Litanga 50:6

Na Farao ya vola, Wanegire, u te dada wowo, kuli ya kwisuhidza.

Zaburi 18:46

Yahova a veye mwoyo; na lu gasidzwe lwanda lwange; Nyasaye wobuhonnyi bwange a nenehidzwe.

Luka 2:29

Kalunu, Mwami, u he mutugwa wowo munwa a tsie, kuli likuva lilyo, nemirembe

Vikolwa 13:36

Kigira Daudi, lwa ya mala kutumekira mu likula lilye ku makuva ga Nyasaye, ya gona tsindolo, na a daswa ku vaguga veve na a lola ubwoneku:

Kwidzulitsa 30:3

hene yaho Yahova Nyasaye wowo a la girunkanya lilanywa lilyo, na a la ku vera tsimbabasi, kandi a lirana kukuvungidza mu tsihiri tsyosi, ha Yahova Nyasaye wowo ya ku salanya.

Kwidzulitsa 31:8

Na Yahova, niye u kwimiriranga; a la va halala nive, si a la ku gehera, kandi si a la ku leka mba: u ta tia, kinga u ta henda mwoyo.

2 Timoteo 4:6

Kigira kalunu inze nzukangwa, kandi inyinga yange yokutwula i veye himbi.

Vahebraina 7:3

si a veye na ise, si a veye na mama, si a veye nameta gavaguga, si a veye nelitanga lyamadiku gege, si a veye nekiheri kyelivamwoyo lilye, nawtswa ya fwananywa no Mwana wa Nyasaye), ya hindira kuva musalisi mihiga nemihiga.

Vahebraina 7:8

Kandi hano avandu ava li velikudza va vugulanga kidieli kyelikumi; navutswa yeyo mulala, wa lolekidzwa a veye mwoyo ya ki vugula.

Joshua 1:5

Si ha la va nomundu ku vosi u nyala, kusingira imbiri wowo madiku gosi aga u va mwoyo: kuli nda li halala na Musa, ni ndiyo nda va halala nive; inze ligali si nda ku gehera mba, kandi si nda ku leka mba.

Joshua 1:9

Si nda ku laga? U ve mugulu nomuluviriri; u ta tia, kandi u ta kudza mwoyo: kigira Yahova Nyasaye wowo a veye halala nive hosi ha u tsitsanga.

Joshua 23:14

Kandi, henzi, inze lero ntsitsanga ku inzira ya vosi velirova: na mwinye mu manya mu myoyo gyenyu gyosi, nomu roho gyenyu gyosi, si ha ve nekindu kali kilala kya vula kuva kyevindu vyosi vilahi vya Yahova Nyasaye wenyu ya vola ku mwinye; vyosi vi dukidzeywi ku mwinye, si ha veye nekindu kali kilala kya vula ho.

Joshua 3:7

Na Yahova ya volera Joshua, Lero ndi nda tanga kukukuminya imbiri wetsimoni tsya Israeli vosi, va duke kumanya, kuli nda li halala na Musa, ni ndiyo nda va halala nive.

2 Petro 1:14

kigira mmanya livika haluvega lihema lyange lidza bwangu, kuli Mwami wetu Yesu Kristo ya mmannya.